२ राजा 18:3 - Sunuwar Bible

³ मेकोम आ किकी दाऊदम खोदेंशो पा, परमप्रभु यावे आ ङोंइती मार रिम्‍शो बाक्‍मे, मेको पवा बाक्‍त। २राजा २०:३

२ राजा 18:3 ပူးပေါင်းရင်းမြစ်များ

१ राजा 11:38

मिनु गे आं गेय पाइब दाऊद खोदेंशो पा आं शेंशो नेल्‍ल पाप्‍तीवी नु आं लांम गाक्‍ते हना, आं ङोंइती मार ठीक बाक्‍मे, मेको नेल्‍ल पाप्‍‍तीवी हना, आं फुल्‍लुम मुशा ब्रेक्‍शो लोव़ नु आं शेंशो नेल्‍ल आं गेय पाइब दाऊदम खोदेंशो पा टिप्‍‍तीवी हना, गो गे नु बाक्‍नुङ। गो इ खिं कली गेना हना यो लीपाइक्‍नुङ। मिनु इस्राएल इ कली गेनन। १राजा ९:४

१ राजा 11:4

मिनु सोलोमन खूशो दुम्‍मेनु, मेको आ मीशपुकीम आ थुं अरु देवी देवता आन गे हिरपदमे बाक्‍त। मिनु मेको आ आफ दाऊद आ थुंम खोदेंशो पा आ थुं नेल्‍लेम परमप्रभु यावे, आ परमप्रभु आ नोले मखोदा बाक्‍त।

१ राजा 15:11

आसामी आ किकी दाऊद खोदेंशो पा, परमप्रभु यावे आ ङोंइती मार ठीक बाक्‍मे, मेको पवा बाक्‍त।

१ राजा 15:5

मारदे हना दाऊदमी परमप्रभु यावे आ ङोंइती ठीक पशो बाक्‍माक्‍त। मेको परमप्रभु यावे आ देंशो रे एर ओंथ मपवा बाक्‍त। मेकोमी हित्ती उरीयाह कली मरिम्‍शो पशो ङा लाक्‍शा अरु मारेइ मरिम्‍शो मपवा बाक्‍त। २सामुएल ११:-; २सामुएल १२:९

१ राजा 3:14

मिनु गे इ आफ दाऊदम खोदेंशो पा, आं लांम गाक्‍ते हना, आं फुल्‍लुम मुशा ब्रेक्‍शो लोव़ नु आं शेंतीके टिप्‍तीवी हना, गो इ कली शुश ब्रोंइचा गेनन” देंमाक्‍त।

२ राजा 12:3

मो हना यो मेकोमी डांडाम बाक्‍शो थानपुकी मताइक्‍ता बाक्‍त। मेना सम्‍म मुरपुकीम मेकेर क्‍योरशा चढ़ेतीक चढ़ेशा, धूप चोव़मे बाक्‍त।

२ राजा 14:3

अमस्‍याहमी परमप्रभु यावे आ ङोंइती मार रिम्‍शो बाक्‍मे, मेको पवा बाक्‍त। तन्‍न मेको आ किकी दाऊदमी पशो खोदेंशो चहिं मपवा बाक्‍त। मेकोमी आ आफ योआशमी पशो खोदेंशो पवा बाक्‍त। २राजा १२:३-४

२ राजा 20:3

मेकोमी “परमप्रभु यावे, गो इन ङोंइती रिम्‍शो पा बाक्‍ती। गो इन कली गेनायो मप्रोंइथु आं थुं नेल्‍लेमी इन नोले खोइक्‍ता। इन ङोंइती मार रिम्‍शो बाक्‍मे, मेको पाता, मेको मिम्‍तीन” दे आ थुं खाइश्‍शा ङाक्‍माक्‍त।

२ राजा 22:2

योसीयाहमी परमप्रभु यावे आ ङोंइती मार रिम्‍शो बाक्‍मे, मेको पवा बाक्‍त। मेको ग्‍युरा पेरा मपथु, आ किकी दाऊद आ लांम गाक्‍माक्‍त। २राजा १८:३

२ इतिहास 29:2

मेकोमी आ किकी पिपी दाऊदम पशो खोदेंशो पा परमप्रभु यावे आ ङोंइती मार ठीक बाक्‍मे, मेको पवा बाक्‍त।

अय्‍युब 33:27

मिनु मेको मुरुम मुर आन बाक्‍‍तीक जाक्‍शा, मेको आन कली ‘गो पाप पाता। गो ठीक पतीके कली दूली सेल्‍ता। गो आं तचा माल्‍शो सजाइ मतङ।

भजन संग्रह 119:128

मोपतीके गो आं लां नेल्‍लेमी इन ब्रेक्‍शा अरेशो लोव़ मिम्‍नुङ। मिनु दूली लां नेल्‍ल काइ मदाक्‍नुङ। भजन संग्रह ११९:२९

प्रस्‍थान 15:26

मिनु मेकोमी “गे परमप्रभु यावे, इन परमप्रभु आं लोव़ नेंशा, आं ङोंइती ठीक पाइतीनी हना, आं शेंशो लोव़ नेंशा, टि‍शा, आं अरेशो लोव़ टीतीनी हना, गो इजीप्‍त रागी ङा मुर आन कली पपाइश्‍शो रोइ इन कली मपपाइक्‍नुङ। मारदे हना गो इन कली सापाइक्‍ब परमप्रभु यावे नङ” देंत। ब्‍यवस्‍था ७:१५; उत्‍पत्ती २०:१७; ब्‍यवस्‍था ३२:३९; भजन संग्रह ३०:३; यसैया ५७:१८

यसैया 38:3

“परमप्रभु यावे, गो इन ङोंइती थमा पा थुं निक्‍शी मपथु, बाक्‍ती। मेको मिम्‍तीने। गो इन ङोंइती नेल्‍ल रिम्‍शो पाता” देंत। मिनु हिज्‍कीयाह शुश ङाक्‍त। २राजा १८:२-६

रोमी 7:12

मिनु परमप्रभु यावे आ अरेशो लोव़ ठीक नु रिम्‍शो बाक्‍ब। १तिमोथी १:८

एफिसी 6:1

गे आलपुकी, प्रभु कली मिम्‍शा, इन आम आफ आन देंशो टिने। मारदे हना मेको इन कली रिम्‍शो बाक्‍ब। मर्कूस ७:१-१३

ब्‍यवस्‍था 10:12

मिनु गे इस्राएलीपुकी, परमप्रभु यावे, इन परमप्रभुमी इन कली मार पशो दाक्‍ब देंशा हना, गेपुकी परमप्रभु यावे, इन परमप्रभु कली मान पा हिंचा माल्‍नीनी। गेपुकी मेको आ लां गाक्‍शा, मेको कली दाक्‍चा नु इन थुं नु सोक्‍त नेल्‍लेमी परमप्रभु यावे, इन परमप्रभु कली गेय पचा माल्‍नीनी। मीका ६:८

ब्‍यवस्‍था 6:18

मिनु परमप्रभु यावे आ ङोंइती तेको ठीक नु रिम्‍शो बाक्‍बा, मेको पने। मोपा इन कली रिम्‍शो दुम्‍ब। मिनु परमप्रभु यावेमी इन किकी पिप नु कसम जशो, रिम्‍शो रागी इन के सेलीन।