२ राजा 18:18 - Sunuwar Bible

¹⁸ मिनु मेकोपुकीम पिप कली ब्रेत्‍मे बाक्‍त। मिनु पिप आ खिं ङा ठेयब मुर हिल्‍कीयाह आ तौ दरवार कोव़ब एल्‍याकीम, ब्रेक्‍ब शेब्‍ना नु आसाफ आ तौ पिप आ लोव़ कुरब योआह मेको आन कली ग्रुम्‍थ जाक्‍मा बाक्‍त।

२ राजा 18:18 ပူးပေါင်းရင်းမြစ်များ

२ राजा 19:2

मेकोमी दरवार कोव़ब एल्‍याकीम, ब्रेक्‍ब शेब्‍ना नु ठेयब चढ़ेब आन कली अरन्‍डी फेक्‍पाइश्‍शा, परमप्रभु यावे आ लोव़ पाइब आमोज आ तौ यसैया आ बाक्‍तीकेम सोइक्‍तीमी बाक्‍त।

यसैया 37:2

मिनु मेकोमी आ दरवार कोव़ब एल्‍याकीम, ब्रेक्‍ब शेब्‍ना नु चढ़ेब आन दाते ङा खूशो आन कली अरन्‍डी फेक्‍पाइश्‍शा, आमोज आ तौ यसैया आ बाक्‍तीक सोइक्‍ताक्‍व।

यसैया 36:22

मिनु दरवार कोव़ब, हिल्‍कीयाह आ तौ, एल्‍याकीम, ब्रेक्‍ब शेब्‍ना नु इतिहास ब्रेक्‍ब आसाफ आ तौ, योआहम आन वा खाक्‍शा हिज्‍कीयाह आ ङोंइती जाक्‍शा, मेको राब्‍शाके आ लोव़ नेल्‍ल शोव़तेक्‍म।

यसैया 36:3

मिनु दरवार कोव़ब, हिल्‍कीयाह आ तौ एल्‍याकीम, पिप आ ब्रेक्‍ब शेब्‍ना नु आसाफ आ तौ योआह लाङगा ग्रूशा मेको आन बाक्‍तीक लाम्‍तेक्‍म। यसैया २२:२०

२ इतिहास 34:8

मेकोमी आ सासन पशो १८ बर्सम रागी नु परमप्रभु यावे आ खिं ग्रांग्रा मदिशो सेल्‍ने थुमा नोले, असाल्‍याह आ तौ शाफान, सहर ङा हुकुम पाइब मासेयाह नु राज्‍य ङा ब्रेक्‍ब यो-आहाज आ तौ योआह आन कली परमप्रभु यावे, आ परमप्रभु आ खिं बिग्रेशो सेल्‍थ सोइक्‍तीमी बाक्‍त।

१ राजा 4:3

शीशा आ तौ एली-होरेफ नु अहीयाह ब्रेक्‍ब बाक्‍सा बाक्‍त। अहीलुद आ तौ येहो-शाफात हिक्‍शा ब्रेक्‍शा वोइक्‍ब मुर बाक्‍माक्‍त।

२ सामुएल 20:24

अदोराम वाइलीम वाइल आन ठेयब मुर बाक्‍माक्‍त। अहीलुद आ तौ येहो-शाफात ब्रेक्‍ब बाक्‍माक्‍त।

२ राजा 18:26

मिनु हिल्‍कीयाह आ तौ एल्‍याकीम, शेब्‍ना नु योआहमी मेको लडाइ पाइब आन ठेयब मुर राब्शाके कली “शिशी पा, इन वाइल गोपुकी नु अरामी लोव़म ब्‍वाक्‍कीन। मारदे हना गो मेको लोव़ रुप्‍नीकी। गारोम बाक्‍ब मुर नेल्‍लेम नेंचा ङा पा यहूदी लोव़म मब्‍वाक्‍कीन” देंमा बाक्‍त।

२ राजा 18:37

मिनु पिप, हिल्‍कीयाह आ तौ दरवार कोव़ब एल्‍याकीम, ब्रेक्‍ब शेब्‍ना नु आसाफ आ तौ पिप आ लोव़ कुरब योआहम आन वा खाक्‍गमे बाक्‍त। मिनु हिज्‍कीयाह आ बाक्‍तीक जाक्‍शा, राब्‍शाके आ लोव़ नेंपदमे बाक्‍त।

यसैया 33:7

नेनीन, मेको आन बोल्‍यो मुरपुकी लांम ग्रीनीमी। गारपइक्‍तीक लोव़ चाक्‍ब मुर हुइ हुइ पा ङाक्‍‍नीम। यसैया २९:१