२ राजा 18:1 - Sunuwar Bible

¹ आहाज आ तौ हिज्‍कीयाह यहूदा ङा पिप दुम्‍माक्‍त। मेना एलाह आ तौ होशेआ इस्राएल ङा पिप दुम्‍शो बर्स सां दुम्‍शो बाक्‍माक्‍त। २राजा १६:२०

२ राजा 18:1 ပူးပေါင်းရင်းမြစ်များ

२ राजा 15:30

मिनु एलाह आ तौ होशेआमी रेमाल्‍याह आ तौ पेकाह कली साइक्‍चा मला बाक्‍त। मिनु पेकाह कली तुप्‍शा सदा बाक्‍त। मिनु मेको आ पा ङा पिप दुम्‍माक्‍त। मेना यहूदामी उज्‍जीयाह आ तौ योथामम सासन पशो २० बर्स दुम्‍शो बाक्‍माक्‍त। २राजा १७:१; २राजा १५:२५

२ राजा 16:2

आहाज पिप दुम्‍मेनु २० बर्स दुम्‍शो बाक्‍माक्‍त। मिनु मेकोमी यरूसलेमम १६ बर्स सासन पवा बाक्‍त। मेकोमी आ किकी दाऊदम खोदेंशो पा परमप्रभु यावे, आ परमप्रभु आ ङोंइती मार रिम्‍शो बाक्‍मे, मेको मपवा बाक्‍त।

२ राजा 16:20

मिनु आहाज बेक्‍माक्‍त। मिनु दाऊद आ सहरमी आ किकी पिपी नु थिम्‍चा पुंइसे बाक्‍त। मिनु मेको आ पा ङा आ तौ हिज्‍कीयाह पिप दुम्‍माक्‍त। २राजा १८:१

२ राजा 17:1

एलाह आ तौ होशेआ सामरीयाम इस्राएल ङा पिप दुम्‍माक्‍त। मेना यहूदा ङा पिप आहाज पिप दुम्‍शो १२ बर्स दुम्‍शो बाक्‍माक्‍त। मिनु होशेआम ९ बर्स सासन पवा बाक्‍त। २राजा १८:९-१२; २राजा १५:३०

२ राजा 18:9

हिज्‍कीयाहमी सासन पशो ४ बर्स दुम्‍माक्‍त। इस्राएल ङा पिप एलाह आ तौ होशेआम सासन पशो ७ बर्स दुम्‍मेनु, अस्‍सुर ङा पिप शाल्‍मानेसेरमी सामरीया कली लडाइ तोशा पुम्‍दा बाक्‍त। २राजा १७:३-६

१ इतिहास 3:13

योथम आ तौ आहाज बाक्‍माक्‍त। आहाज आ तौ हिज्‍कीयाह बाक्‍माक्‍त। हिज्‍कीयाह आ तौ मनस्‍से बाक्‍माक्‍त।

२ इतिहास 28:27

मिनु आहाज बेक्‍मा‍क्‍त। मिनु मुरपुकीम मेको कली यरूसलेम सहरम थिम्‍मे बाक्‍त। तन्‍न मेकोपुकीम मेको कली इस्राएल ङा पिप आन कली थिम्‍तीकेम मथिम्‍मे बाक्‍त। मिनु मेको आ पा ङा आ तौ हिज्‍कीयाह पिप दुम्‍माक्‍त। २इतिहास २१:२०

२ इतिहास 29:1

हिज्‍कीयाह पिप दुम्‍मेनु २५ बर्स दुम्‍शो बाक्‍माक्‍त। मेकोमी यरूसलेमम २९ बर्स सासन पवा बाक्‍त। मेको आ ममा आ नें अबीयाह बाक्‍माक्‍त। मेको जकरिया आ तमी बाक्‍माक्‍त।

२ इतिहास 29:29

मिनु चढ़ेशो नुम नोले पिप नु मेकेर बाक्‍ब नेल्‍लेमी बाप्‍शा ठेयब सेल्‍मे बाक्‍त।

मीका 1:1

परमप्रभु यावेमी मोरेशेथ ङा मीकाह कली लोव़ पाप्‍तु। मेना यहूदा रागीमी योथाम पिप बाक्‍त। मेको आ नोले आहाज नु मेको आ नोले हिज्‍कीयाह पिप दुम्‍ताक्‍स। मिनु मेको परमप्रभु यावे आ लोव़ नु आ कोंइतीके सामरीया नु यरूसलेम आस पर्बम बाक्‍त। येरमीया २६:१८; यसैया १:१