२ राजा 17:8 - Sunuwar Bible

⁸ मेकोपुकीम परमप्रभु यावेमी आन ङोंइती ग्रुंइशो रागी रागी ङा मुर आन पतीके पशो बाक्‍मा बाक्‍त। इस्राएल ङा पिप आन पशो मरिम्‍शो गेय नेल्‍ल पशो बाक्‍मा बाक्‍त। मेकोपुकीमी परमप्रभु यावे कली मटिशो बाक्‍मा बाक्‍त। २राजा १६:३

२ राजा 17:8 ပူးပေါင်းရင်းမြစ်များ

१ राजा 12:28

मिनु पिपम सल्‍ला पा सुन के बाछा निक्‍शी सेल्‍पदा बाक्‍त। मिनु मेकोम मुर आन कली “गे मुल यरूसलेम लशा शुश श्‍येत जाइनीनी। इस्राएली, इन कली, इजीप्‍त रे ग्रुंइशा चाक्‍ब देवता एकेन बाक्‍नीम” दे माइक्‍मी बाक्‍त। प्रस्‍थान ३२:४,८

१ राजा 21:26

मेको परमप्रभु यावेमी इस्राएली आन ङोंइती रे खेरशो एमोरी खोदेंशो पा मेको आन ग्रांग्रा दिशो मूर्ति आन नोले खोदा बाक्‍त।

२ राजा 16:10

मिनु पिप आहाज, अस्‍सुर ङा पिप तिग्‍लात-पिलेसेर कली ग्रुम्‍थ दमस्‍कस लमाक्‍त। मिनु मेकोमी दमस्‍कसम चढ़ेतीक का तवा बाक्‍त। मिनु मेको दोदेंशो बाक्‍मे, मेको नेल्‍ल ब्रेक्‍शा चढ़ेब उरीयाह आ बाक्‍तीक सोइक्‍ता बाक्‍त।

२ राजा 16:3

मेको इस्राएल ङा पिप आन लांम गाक्‍माक्‍त। मेकोमी आ तौ कली चोशा चढ़ेवा बाक्‍त। मोदेंशो ग्रांग्रा दि‍शो गेय पशो आ पर्बम परमप्रभु यावेमी ङोंइती रागी रागी ङा मुर आन कली इस्राएल रे ग्रुंइशो बाक्‍माक्‍त। लेवी १८:२१

२ राजा 17:19

मिनु यहूदा आ मुरपुकीम यो परमप्रभु यावे, आन परमप्रभु आ शेंशो लोव़ मटीमे बाक्‍त। मेकोपुकीम इस्राएली आन पशो पामे बाक्‍त।

२ राजा 17:40

मो हना यो मेकोपुकीम मेको लोव़ मनेन्‍मे बाक्‍त। मिनु मेको आन ङोंइती ङा पशो खोदेंशो पामे बाक्‍त।

२ राजा 21:2

मेकोम परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। परमप्रभु यावेमी इस्राएली आन ङोंइती रे खेरशो रागी रागी ङा मुर आन ग्रांग्रा दिशो गेय पवा बाक्‍त।

भजन संग्रह 106:35

मेकोपुकीमी रागी रागी ङा मीश आल आन कली ग्‍युंबे पामे बाक्‍त। मिनु रागी रागी ङा मुर आन पशो यो पामे बाक्‍त।

प्रस्‍थान 23:24

गेपुकी मेको आन खोदेंशो मपने। मेको आन देवी देवता आन ङोंइती बाप्‍शा सेउ मपने। मेको आन कली गेय मपने। तन्‍न मेको आन मूर्ति जिक्‍शा प्रोल्‍शा ताइक्‍तीन। प्रस्‍थान २०:५; ब्‍यवस्‍था १२:३०; लेवी १८:३

येरमीया 10:2

परमप्रभु यावेम “रागी रागी ङा मुर आन पतीक मशेंसीने। सरीङ ङा चिन्‍ड तशा, महिनीन। रागी रागी ङा मुरपुकी मेको तशा हिंनीम। प्रस्थान २३:२४; २राजा २१:६

इजीकीएल 5:6

तन्‍न मेकोम आं निसाफ पतीक लोव़ नु आं फुल्‍लुम मुशा ब्रेक्‍शो लोव़ मटीव। आ एर ओंथ बाक्‍शो रागी रागी नु जात जात ङा मुर आन क्‍येङा यो आं निसाफ पतीक लोव़ नु आं फुल्‍लुम मुशा ब्रेक्‍शो लोव़ मटीब बाक्‍ब” देंत।

होसे 5:11

एफ्राइम ङा मुरपुकी सजाइ तशा, आन थुं लुक्‍च लत। मारदे हना मेकोपुकी जाम्‍शा लाइब मूर्ति आन नोले खोइक्‍तेक्‍म।

लेवी 18:3

गेपुकी इजीप्‍त रागीम पशो खोदेंशो मपने। मिनु गो इन कली कनान रागी लाइक्‍नन्‍नी। गेपुकीमी मेक ङा मुर आन पशो खोदेंशो मपने। प्रस्‍थान २३:२४

लेवी 26:1

मिनु लेंशा परमप्रभु यावेमी मोसा कली “गेपुकीमी इन कली मूर्तिपुकी मसेलीन। मिनु आंम कली मुशा मूर्ति नु पूजा पचा कली थाम मवोतीन। मिनु इन रागीमी मुशो फुल्‍लु मवोतीन। मेको कली पूजा पा आन ङोंइती मबपीन। मारदे हना गो परमप्रभु यावे, इन परमप्रभु नङ। प्रस्‍थान २०:४-५

मीका 6:16

गे ओम्री आ अरेशो लोव़ पाप्‍तीवी। मिनु आहाब आ खिं ङा मुर आन पशो नेल्‍ल पाप्‍तीवी। मिनु मेको आन गेशो अर्ती टिप्‍तीवी। मोपतीके गो इ कली खतम पोक्‍नुङ। मिनु इ मुर आन कली शुक्‍शी पतीक सेल्‍नुङ। गे आं मुर आन गाइश्‍शो ताइनेवे” दे ब्रेन्‍न ब्रेन्‍न बाक्‍ब। १राजा १६:२९-३३

ब्‍यवस्‍था 18:9

परमप्रभु यावे, इन परमप्रभुमी इन कली गेशो रागी जाक्‍दीन्‍नी नोले मेकेर ङा रागी रागी ङा मुर आन पशो ग्रांग्रा दिशो गेय शेंसीशा काइ मपने।