२ राजा 17:7 - Sunuwar Bible

⁷ मारदे मोदेंशो दुम्‍शो बाक्‍त देंशा हना, परमप्रभु यावे, आन परमप्रभुम मेको आन कली इजीप्‍त रागी ङा पिप फाराओ आ गुइ रे ग्रुंइशा चाक्‍गा रे इस्राएलीपुकीम देवी देवता आन कली पूजा पशो बाक्‍मा बाक्‍त।

२ राजा 17:7 ပူးပေါင်းရင်းမြစ်များ

१ राजा 11:4

मिनु सोलोमन खूशो दुम्‍मेनु, मेको आ मीशपुकीम आ थुं अरु देवी देवता आन गे हिरपदमे बाक्‍त। मिनु मेको आ आफ दाऊद आ थुंम खोदेंशो पा आ थुं नेल्‍लेम परमप्रभु यावे, आ परमप्रभु आ नोले मखोदा बाक्‍त।

१ राजा 15:3

मेकोमी आ आफ खोदेंशो पा मरिम्‍शो पवा बाक्‍‍त। मेको आ किकी दाऊद खोदेंशो पा, आ थुं नेल्‍लेमी परमप्रभु यावे, आ परमप्रभु आ नोले मखोदा बाक्‍त।

२ राजा 16:2

आहाज पिप दुम्‍मेनु २० बर्स दुम्‍शो बाक्‍माक्‍त। मिनु मेकोमी यरूसलेमम १६ बर्स सासन पवा बाक्‍त। मेकोमी आ किकी दाऊदम खोदेंशो पा परमप्रभु यावे, आ परमप्रभु आ ङोंइती मार रिम्‍शो बाक्‍मे, मेको मपवा बाक्‍त।

२ राजा 17:35

परमप्रभु यावेमी इस्राएली नु कबल का पवा बाक्‍त। मिनु मेकोमी इस्राएली आन कली “गेपुकीम देवी देवता आन कली ममानेन। मेको आन ङोंइती मब‍पीन। मेको आन गेय मपने। मेको आन कली मारेइ मचढ़ेन। प्रस्‍थान २३:२४

१ इतिहास 5:25

तन्‍न मेकोपुकीम आन किकी पिपी आन परमप्रभु आ पर्बम मरिम्‍शो पामे बाक्‍त। मिनु परमप्रभुम मेको आन ङोंइती खतम पोक्‍शो जात ङा मुर आन देवता आन कली पूजा पा आन नोले खोदमे बाक्‍त।

२ इतिहास 36:5

मिनु येहो-याकीम पिप दुम्‍मेनु, २५ बर्स दुम्‍शो बाक्‍माक्‍त। मेकोमी यरूसलेमम ११ बर्स सासन पवा बाक्‍त।

नेहेम्‍याह 9:26

मेको नेल्‍ल तशा यो इन देंशो मटिथु, ठेयब लेश्‍शा, इन अरेशो लोव़ मटीमे बाक्‍त। इन लोव़ पाइबपुकीमी आन कली ‘गे मरिम्‍शो पाइब बाक्‍नीनी। आं गे लेतीन’ देंमानु, मेको आन कली सदमे बाक्‍त। मिनु मेकोपुकीमी शुश शुक्‍शी पामे बाक्‍त।

भजन संग्रह 78:12

मेकोमी मेको आन किकी पिपी आन ङोंइती इजीप्‍त नु सोआन रागीमी छक लाक्‍चा ङा गेय पशो बाक्‍त।

प्रस्‍थान 20:2

“गो परमप्रभु यावे, इन परमप्रभु नङ। गो इन कली वाइलीम वाइल दुम्‍शो इजीप्‍त रागी रे ग्रुंइताक्‍न्‍नी। न्‍यायाधीस ६:८; येरमीया ३४:१३

यसैया 57:5

गे ठेयब रवा आन पुंमी तेल्‍लेम खोदेंशो पा, मूर्ति पूजा पाइनीनी। गे गिगी रवा नेल्‍ल आन पुंमी मोदेंशो पाइनीनी। गे इन आल आन कली खोल्‍सा नु सेरथे फुल्‍लुमी चढ़ेनीनी।

येरमीया 10:5

मेको आन मूर्ति वोबी‍स रूम वोइश्‍शो खेरच खोदेंशो बाक्‍नीम। मेको ब्‍वाक्‍ने मचाप्‍नीम। मेको आन कली कुरचा माल्‍नीम। मारदे हना मेकोपुकी गाक्‍ने मचाप्‍नीम। मेको तशा महिनीन। मारदे हना मेकोपुकीमी मारेइ मरिम्‍शो पने मचाप्‍नीम। मारेइ रिम्‍शो यो पने मचाप्‍नीम” देंत। भजन संग्रह ११५:७; यसैया ४६:७

इजीकीएल 39:24

मेको आन ग्रांग्रा दिशो नु आन हेंथे पशो आ पर्बम गो मेको आन कली सजाइ गेतामी। मिनु गो आं कुल मेको आन रे ख्रुइक्‍ताक्‍ङ” देंत।

होसे 12:14

तन्‍न एफ्राइममी परमप्रभु कली चुरपाइश्‍शो बाक्‍ब। मोपतीके परमप्रभुमी आ पशो हुश ख्राक्‍श पोक्‍तीके आ पर्बम सजाइ गेब। मेकोमी दोदेंशो पवा, मोदेंशो पा क्‍येक्‍क लेत्‍चा पुंइसीब” दे परमप्रभुम देंत।

होसे 4:12

आं मुरपुकीमी शी के मूर्ति कली हिल्‍लो पाइनीम। मिनु मेकोपुकीमी कोक्‍केमी साहीत कोव़नीम। मारदे हना तेल्‍लेम पतीक थुंमी मेको आन कली हेंथे गाक्‍पाइश्‍शो बाक्‍ब। मेकोपुकीमी तेल्‍लेम पचा कली परमप्रभु कली प्रोंइतेक्‍म। येरमीया २:२७; होसे ५:४

होसे 4:13

मेकोपुकीमी डांडामी चढ़ेनीम। मिनु पहाडमी तुल्‍च, पिपल नु सेक्‍ल रवा आन वांकुम धूप चोइनीम। मोपतीके इन तमी तेल्‍लेम दुम्‍नीम। मिनु इन चाइमीपुकी अरु आन वोंइश नु बाक्‍नीम। इजीकीएल ६:१३

ब्‍यवस्‍था 31:29

मारदे हना गो बेक्‍ङा नोले गेपुकी थमा पा दूली पाइब दुम्‍नीनी। मेको गो तुइक्‍नुङ। मिनु गेपुकी आं अरेशो लां रे ङोन लाइनीनी। मिनु गेपुकीमी परमप्रभु यावे आ ङोंइती मरिम्‍शो पाइनीनी। मिनु मेको इन पतीकेमी मेको कली गाइक्‍पाइक्‍नीनी। नोले ङा नाक्‍तीमी इन कली शुश श्‍येत दुम्‍ब” देंत।

यहोसु 23:16

गेपुकी परमप्रभु यावे, इन परमप्रभु आ कबल कली प्रोंइशा, अरु देवी देवता आन कली ठेयब सेल्‍थ लाइतीनी हना नु मेको आन कली बाप्‍शा सेउ पाइतीनी हना, परमप्रभु यावे शुश चुरशा, मेकोमी इन कली एको रिम्‍शो रागी रे रीब पा खेरशा खतम सेल्ब” देंत।

न्‍यायाधीस 6:10

मिनु गो इन कली गो परमप्रभु यावे, इन परमप्रभु नङ। गेपुकी एमोरी आन रागीमी बाक्‍तीनी हना यो, मेको आन देवी देवता आन कली ठेयब मसेलीन’। तन्‍न गे आं लोव़ मनेनी” दे मेको परमप्रभु यावे आ लोव़ पाइबमी माइक्‍मी बाक्‍त।