२ राजा 17:41 - Sunuwar Bible

⁴¹ मेको रागी रागी ङा मुरपुकीमी परमप्रभु यावे कली ठेयब सेल्‍शा यो आन मुशा सेल्‍शो मूर्ति आन कली पूजा पामे बाक्‍त। मुल सम्‍म आन चच युइमी आन किकी पिपीम पशो खोदेंशो पना पन बाक्‍नीम।

२ राजा 17:41 ပူးပေါင်းရင်းမြစ်များ

१ राजा 18:21

मिनु एलीया मुर नेल्‍ल आन ङोंइती राप्‍शा “गे गेना सम्‍म थुं निक्‍शी पा बाक्‍नीनी? परमप्रभु यावे, थमा परमप्रभु बाक्‍ब देंनीनी हना, मेको आ नोले खोतीन। बालन परमप्रभु बाक्‍ब देंनीनी हना, मेको आ नोले खोतीन” देंमाक्‍त। तन्‍न मुरपुकीम लोव़ का यो मलेत्‍थु, सिक्‍सी पा बाक्‍मा बाक्‍त। यहोसु २४:१४; मत्ती ६:२४

२ राजा 17:40

मो हना यो मेकोपुकीम मेको लोव़ मनेन्‍मे बाक्‍त। मिनु मेको आन ङोंइती ङा पशो खोदेंशो पामे बाक्‍त।

सेफन्‍याह 1:5

खिं तार बाक्‍शा, नां तास्‍ला नु सोरुल आन ङोंइती बाप्‍ब, परमप्रभु यावे आ ङोंइती बाप्‍शा आ नें थिशा कसम जाइब। मोलेक आ नें यो थिशा कसम जाइब। येरमीया १९:१३; येरमीया ४९:१

मत्ती 6:24

सुइमी होव़प निक्‍शी आस गेय पने मचाप्‍ब। मारदे हना का कली मदाक्‍ब, का कली दाक्‍ब। का कली मान पा टीब, का कली मान मपथु मटीब। परमप्रभु यावे नु शोंप निम्‍फा आस कली गेय पने मचाप्‍नीनी। लूका १६:१३; याकूब ४:४