२ राजा 17:4 - Sunuwar Bible

⁴ तन्‍न अस्‍सुर ङा पिपमी होशेआम आ कली मटिशो तवा बाक्‍त। मारदे हना मेकोमी इजीप्‍त ङा पिप सो कली लोव़ कुरब मुर सोइश्‍शो तुइक्‍ता बाक्‍त। मिनु बर्स बर्सम गेतीक तिरो यो अस्‍सुर ङा पिप कली मथाप्‍ता बाक्‍त। मोपतीके अस्‍सुर ङा पिपमी मेको कली ग्‍याइश्‍शा जेल्‍खानम चोक्‍गा बाक्‍त। होसे १२:२

२ राजा 17:4 ပူးပေါင်းရင်းမြစ်များ

२ राजा 17:3

मिनु अस्‍सुर ङा पिप शाल्‍मानेसेर होशेआ कली लडाइ तोथ जाक्‍माक्‍त। मिनु होशेआमी मेको कली तिरो थाप्‍चा माल्‍दा बाक्‍त।

२ राजा 17:5

मिनु अस्‍सुर ङा पिपम रागी नेल्‍ल आन कली लडाइ तोशा, सामरीया जाक्‍माक्‍त। मिनु मेको कली लडाइ तोशा, बर्स सां सम्‍म पुम्‍दा बाक्‍त। यसैया २८:२

२ राजा 18:21

गे इजीप्‍त रागीम इन कली वारच पाइब, दे मिम्‍नीनी। मेको जिक्‍शो किन्‍दा खोदेंशो बाक्‍ब। मेकोमी ‘वारच पाइब’ देंब आन गुइ थोक्‍ब। ‘मेकोमी वारच पाइब’ देंब नेल्‍ल आन कली इजीप्‍त ङा पिप फाराओ मोदेंशोन बाक्‍ब।

२ राजा 24:1

येहो-याकीममी सासन पवा ना बेबीलोन ङा पिप नेबुकदनेसर मेको रागी नु लडाइ पथ जाक्‍माक्‍त। मिनु बर्स सां सम्‍म येहो-याकीम मेको आ सासनम बाक्‍माक्‍त। तन्‍न बर्स सां नोले मेकोमी आ थुं फाइश्‍शा, नेबुकदनेसर कली मटिवा बाक्‍त। येरमीया २२:१३-१९

२ राजा 24:20

मिनु परमप्रभु यावे आ गाइश्‍शोम पतीके यरूसलेम नु यहूदा ङा मुर नेल्‍ल आन कली आ ङोंइती रे ग्रुंइदीमी बाक्‍त। मिनु नोले सिदकीयाहमी बेबीलोन ङा पिप कली मटिवा बाक्‍त। २राजा २३:२७

२ राजा 25:7

मेकोपुकीम सिदकीयाह आ तौ आन कली मेको आ ङोंइतीन सदमे बाक्‍त। मिनु नोले सिदकीयाह आ मिक्‍च पुक्‍तमे बाक्‍त। मिनु मेको कली कांसा के साङलोम पाइश्‍शा बेबीलोन लदमे बाक्‍त। २सामुएल १२:१०

२ इतिहास 32:11

पिप हिज्‍कीयाहमी ‘परमप्रभु यावे, इं परमप्रभु कली अस्‍सुर ङा पिप आ गुइ रे प्रोंइब, दे जोल मपवा? तन्‍न मेकोमी इन बाक्‍तीकेमीन अन्‍काल नु ब्‍वाक्‍कु तूतू दाक्‍पाइश्‍शा, इन कली बेक्‍पाइक्‍चा कली मोदेंशो लोव़ पशो बाक्‍ब।

होसे 10:4

मेकोपुकीमी शुश फश लोव़ पाइनीम। मार फश लोव़ पाइनीम देंशा हना, जोल पा कसम जशा कबल पाइनीम। मोपतीके वाक्‍शो रूमी ओशेर पाइश्‍शो सुवा वाशो खोदेंशो पा मुददा बारनीम।

होसे 12:2

परमप्रभु यावेमी यहूदा आ मरिम्‍शो पशो ङा सजाइ गेप्‍तु। मेकोमी याकूब आ मरिम्‍शो पशो आ पर्बम सजाइ गेब। मेकोपुकीमी दोदेंशो पामे, मोदेंशो पा सजाइ गेब।

होसे 13:10

इन कली प्रोंइने चाप्‍ब ते बाक्‍मा? इन कली वारच पाइब सासन पाइब, ते लाक्‍गमे? मेको आ पर्बम गेपुकीमी ‘गो आंइ कली पिप नु सासन पाइब गेकी’ देंतीनी। १सामुएल ८:५-९

होसे 8:10

मेकोपुकी आंम कली लेयसाक्‍म हना यो, मुल गो मेको आन कली खुप्‍नुङमी। मिनु मेकोपुकी सक्ति पाइश्‍शो पिप आ गुइ रे क्‍याम्‍चा पुंइसीनीम।

ब्‍यवस्‍था 28:36

मिनु परमप्रभु यावेमी इन कली नु इन योव़शो पिप कली, गेपुकी नु इन किकी पिपी यो मतुइश्‍शो जात ङा मुर आन रागी कोंइब। मिनु गेपुकीमी मेकेर रे शी नु फुल्‍लु के देवी देवता आन कली गेय पाइ‍नीनी। ब्‍यवस्‍था ४:२८