२ राजा 17:32 - Sunuwar Bible

³² मेकोपुकीम परमप्रभु यावे कली यो ठेयब सेल्‍मे बाक्‍त। मिनु डांडा ङा थानमी अरु मुर आन कली चढ़ेब सेल्‍मे बाक्‍त। मेकोपुकीमी डांडा ङा थानपुकीम मुर आन पर्बम चढ़ेमे बाक्‍त। १राजा १२:३१

२ राजा 17:32 ပူးပေါင်းရင်းမြစ်များ

१ राजा 12:31

मिनु येरोबामम डांडा तार यो पूजा पतीक थानपुकी सेला बाक्‍त। मिनु मेकेर लेवी आन मुर मबाक्‍तेक्‍म हना यो अर्को थर ङा मुर रे चढ़ेबपुकी योव़शा वोइक्‍मी बाक्‍त।

२ राजा 17:29

मो हना यो रागी रागी ङा मुरपुकीम आंम आन बाक्‍तीके सहर सहरम आन देवी देवता सेल्‍शा, मेको डांडा ङा थानम वोदमे बाक्‍त। मोपा आन बाक्‍शो सहर नेल्‍लेमी सामरीया ङा मुर आन सेल्‍शो डांडा ङा थान यो बाक्‍मा बाक्‍त।

सेफन्‍याह 1:5

खिं तार बाक्‍शा, नां तास्‍ला नु सोरुल आन ङोंइती बाप्‍ब, परमप्रभु यावे आ ङोंइती बाप्‍शा आ नें थिशा कसम जाइब। मोलेक आ नें यो थिशा कसम जाइब। येरमीया १९:१३; येरमीया ४९:१

२ राजा 23:19

मिनु मेको प्रोंइशा पिप योसीयाहम इस्राएल ङा पिपपुकीम सामरीया ङा सहरपुकीम सेल्‍पाइश्‍शो डांडा ङा थान प्रेप्‍पदा बाक्‍त। मुरपुकीमी मेको थान सेल्‍शा पूजा पा परमप्रभु यावे कली गाइक्‍पाइश्‍शो बाक्‍मा बाक्‍त। मिनु योसीयाहमी मेको आन कली बेथेलम पशो खोदेंशो ग्रांग्रा दिशो सेल्‍पाइक्‍मी बाक्‍त।

१ राजा 13:33

मिनु मेको नोले यो येरोबामम आ मरिम्‍शो पतीक मप्रोना बाक्‍त। मेकोम डांडाम बाक्‍शो थानम थर नेल्‍ल ङा मुर रे चढ़ेब योव़शा वोइक्‍ना वोइक्‍न बाक्‍माक्‍त। सुइ मुर चढ़ेब दुम्‍चा दाक्‍ताक्‍व हना, मेको कली तेकोइ डांडा का ङा चढ़ेब सेल्‍शा वोदा बाक्‍त। १राजा १२:३१; प्रस्‍थान २८:४१

१ राजा 13:31

मिनु मेको कली थिम्‍ने थुम्‍शा, मेको परमप्रभु यावे आ लोव़ पाइब खूशोमी आ तौ आन कली “गो बेक्‍ङा नोले आं कली यो मेकेर वोतीन। आं रुश मेको परमप्रभु आ मुर आ नेक्‍था लीमल।

२ राजा 17:25

मिनु ङोंइती मेकोपुकी मेकेर बाक्‍मानु, परमप्रभु यावे कली ममानेमे बाक्‍त। मोपतीके परमप्रभु यावेमी मेको आन दातेमी गुप्‍स सोइक्‍तीमी बाक्‍त। मिनु मेको गुप्‍सपुकीम कोइ कोइ आन कली सदमे बाक्‍त। होसे १३:८

२ राजा 17:33

मिनु मोपा मेकोपुकीम परमप्रभु यावे कली ठेयब सेल्‍शा, आंम आन देवी देवता आन कली यो पूजा पामे बाक्‍त। तेको रागी रे चाक्‍शो बाक्‍मा, मेको आन देवी देवता आन पतीक पशा, पूजा पामे बाक्‍त।

एज्रा 4:2

मिनु मेकोपुकीमी जेरूब-बाबेल, येशुआ नु खिं खिं ङा ठेयब मुर आन बाक्‍तीकेमी जाक्‍शा “गो आंइ कली यो गे नु गारशा, मेको खिं सेल्‍चा गेकी। गो यो गे इन खोदेंशो पा इन परमप्रभु कली ठेयब सेल्‍ना सेल्‍न बाक्‍नीकी। मिनु गो आंइ कली एक चाक्‍ब अस्‍सुर ङा पिप एसर-हददोन आ पाला रे गो यो इन परमप्रभु कली चढ़ेन चढ़ेन बाक्‍तक” देंतेक्‍म। येरमीया ४१:५; २राजा १७:२४-३३; २राजा १९:३७

१ राजा 12:33

मेकोम ८ महिना ङा १५ नाक्‍त आ देंशो ना बेथेल ङा आ सेल्‍शो चढ़ेतीकेम मार मार चढ़ेवा बाक्‍त। मोपा मेकोम इस्राएली आन कली चाड का मानेतीक नाक्‍त सेला बाक्‍त। मिनु मेकोमी धूप चोवा बाक्‍त।

२ राजा 17:41

मेको रागी रागी ङा मुरपुकीमी परमप्रभु यावे कली ठेयब सेल्‍शा यो आन मुशा सेल्‍शो मूर्ति आन कली पूजा पामे बाक्‍त। मुल सम्‍म आन चच युइमी आन किकी पिपीम पशो खोदेंशो पना पन बाक्‍नीम।