२ राजा 17:2 - Sunuwar Bible

² मेकोम परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। तन्‍न आ ङोंइती ङा इस्राएल ङा पिप आन पशो खोदेंशो चहिं मपवा बाक्‍त।

२ राजा 17:2 ပူးပေါင်းရင်းမြစ်များ

१ राजा 16:25

तन्‍न ओम्रीमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मेकोम आ ङोंइती ङा पिप नेल्‍ल आन क्‍येङा शुश मरिम्‍शो पवा बाक्‍‍त। मीका ६:१६

१ राजा 16:30

मिनु ओम्री आ तौ आहाबमी परमप्रभु यावे आ ङोंइती पिप नेल्‍ल आन क्‍येङा मरिम्‍शो पवा बाक्‍‍त।

२ राजा 10:31

मो हना यो येहूम आ थुं नेल्‍लेम होस पा परमप्रभु यावे, इस्राएली आन परमप्रभु आ अरेशो मटिवा बाक्‍त। मेकोमी इस्राएली आन कली पाप पपाइक्‍ब येरोबाम आ पाप पतीक मप्रोना बाक्‍त।

२ राजा 13:11

मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। मिनु मेकोमी येरोबाम आ लां मप्रोना बाक्‍त।

२ राजा 13:2

मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। मिनु मेकोमी येरोबाम आ लां मप्रोना बाक्‍त। १राजा १२:२८-३०

२ राजा 15:18

मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु मेकोमी ब्रोंइम सम्‍म इस्राएली आन कली पाप पपाइक्‍ब नेबात आ तौ येरोबाम आ लां मप्रोना बाक्‍त।

२ राजा 15:24

मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त।

२ राजा 15:9

मेकोमी आ किकी पिपी खोदेंशो पा, परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। १राजा १२:२८-३०; आमोस ७:९

२ राजा 17:1

एलाह आ तौ होशेआ सामरीयाम इस्राएल ङा पिप दुम्‍माक्‍त। मेना यहूदा ङा पिप आहाज पिप दुम्‍शो १२ बर्स दुम्‍शो बाक्‍माक्‍त। मिनु होशेआम ९ बर्स सासन पवा बाक्‍त। २राजा १८:९-१२; २राजा १५:३०

२ राजा 17:3

मिनु अस्‍सुर ङा पिप शाल्‍मानेसेर होशेआ कली लडाइ तोथ जाक्‍माक्‍त। मिनु होशेआमी मेको कली तिरो थाप्‍चा माल्‍दा बाक्‍त।

२ राजा 21:2

मेकोम परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। परमप्रभु यावेमी इस्राएली आन ङोंइती रे खेरशो रागी रागी ङा मुर आन ग्रांग्रा दिशो गेय पवा बाक्‍त।

२ राजा 3:2

मिनु येहोराममी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। तन्‍न मेको आ आंम आफोम पशो खोदेंशो चहिं ममाइ। मेकोमी आ आफ आ सेल्‍शो बाल आ थामपुकी प्रेदा बाक्‍त। १राजा १६:३२