२ राजा 17:18 - Sunuwar Bible

¹⁸ मोपतीके परमप्रभु यावे इस्राएल आ पर्बम थाम्‍पा गाइक्‍ता बाक्‍त। मिनु मेको आन कली आ ङोंइती रे खेरमी बाक्‍त। यहूदा आ थर ङा मुर ला प्रोंइशा वोइक्‍चा पुंइसमा बाक्‍त।

२ राजा 17:18 ပူးပေါင်းရင်းမြစ်များ

१ राजा 11:13

तन्‍न गो राज्‍य नेल्‍ल मरोइक्‍नुङ। आं गेय पाइब दाऊद नु आं योव़शो सहर यरूसलेम आस पर्बम इस्राएल ङा थर का इ तौ कली गेनुङ” देंमाक्‍त।

१ राजा 11:32

थर का मेको केन लीब। आं गेय पाइब दाऊद नु यरूसलेम आ पर्बम मोदेंशो दुम्‍ब। मारदे हना गो यरूसलेम सहर इस्राएली आन थर नेल्‍ल आन दाते रे आं के दुम्‍पाइश्‍शा योव़ता। भजन संग्रह १३२:१३

१ राजा 11:36

थर का चहिं गो मेको आ तौ कली गेनुङ। मोपा आं योव़शा बाक्‍शो सहर यरूसलेमम आं गेय पाइब दाऊद आ मुर का लीमल। १राजा १५:४; २राजा ८:१९

१ राजा 12:20

मिनु इस्राएली नेल्‍लेमी “येरोबाम लेश्‍शा जाक्‍शो बाक्‍ब” देंशो लोव़ नेंशा, मेको कली ब्रेत्‍थ सोइक्‍तमे बाक्‍त। मिनु मेको कली इस्राएल ङा पिप सेल्‍मे बाक्‍त। यहूदा आ थर ङा मुर ला दाऊद आ खिं ङा मुर आ नोले खोदमे बाक्‍त।

१ राजा 8:46

मेकोपुकीम पाप पाम्‍तेक्‍म हना, मारदे हना पाप मपाइब सुइ मबाक्‍नीम। मिनु गे इन गाइश्‍शोमी आन जोरी सत्रु आन गुइम गेतीनी। मिनु मेकोपुकीम मेको आन कली आन रागीम ग्‍याइश्‍शा लाइक्‍तेक्‍म हना, भजन संग्रह १४:३-४; रोमी ३:२३

२ राजा 13:23

तन्‍न परमप्रभु यावेमी अब्राहाम, इसहाक नु याकूब नु पशो कबलम पतीके, मेको आन कली शिशी पाइक्‍मी बाक्‍त। मेकोम मेको आन कली मिम्‍तीमी बाक्‍त। मिनु परमप्रभु यावेमी मेको आन कली साइक्‍चा नु आ ङोंइती रे तिल्‍चा थुं मपवा बाक्‍त। लेवी २६:४२

२ राजा 17:6

अस्‍सुर ङा पिपमी होशेआम सासन पशो ९ बर्स दुम्‍मेनु, सामरीया कली ग्रामाक्‍त। मेकोमी इस्राएल ङा मुर आन कली ग्‍याइश्‍शा अस्‍सुर लाइक्‍मी बाक्‍त। मिनु मेको आन कली हालाह सहर नु गोजान ङा खोला हाबोर आ नेक्‍था नु मादी आन सहरम वोइक्‍मी बाक्‍त।

२ राजा 21:14

गो आं लीशो मुर आन कली प्रोंइ‍शा सोइक्‍नुङमी। मिनु मेको आन कली आन जोरी सत्रु आन गुइमी गेनुङमी। मेको आन जोरी सत्रुम ग्‍याइश्‍शा लाइक्‍चा पुंइसीनीम।

२ राजा 23:27

मिनु परमप्रभु यावेमी “गो दोपा इस्राएल कली ग्रुंइदु, मोपा यहूदा कली यो आं ङोंइती रे ग्रुंइनुङ। मिनु गो आं योव़शो यरूसलेम सहर नु आं नें बाक्‍ब देंशो आं खिं प्रोंइनुङ” देंशो बाक्‍माक्‍त। २राजा १७:१८; १राजा ८:२९

२ राजा 24:3

परमप्रभु यावेमी आ मिम्‍शो खाप्‍शा, मनस्‍से आ पशो मरिम्‍शो नु आ पाप आ पर्बम मेको आन कली आ ङोंइती रे ग्रुंइचा कली मो पशो बाक्‍माक्‍त। २राजा २१:१०-१६; २राजा २३:२६-२७

भजन संग्रह 51:13

मिनु गो मरिम्‍शो पाइब आन कली इन लां कोंइनुङमी। मिनु पाप पाइबपुकी इन गे लेत्‍नीम।

येरमीया 15:1

मिनु परमप्रभु यावेमी आं कली “मोसा नु सामुएलमी आं ङोंइती जाक्‍शा पुंइ‍ताक्‍स हना यो, आं थुं एको जात ङा मुर आन गे मलेप्‍ब। मेको आन कली आं ङोंइती रे ग्रुंइदीमी। मेको आन कली लचा गेमी। प्रस्‍थान ३२:११; १सामुएल ७:९; इजीकीएल १४:१४

येरमीया 52:3

मिनु यरूसलेम नु यहूदा ङा मुरपुकीमी परमप्रभु यावे कली शुश गाइक्‍पाइक्‍तेक्‍म। मोपतीके मेकोमी मेको आन कली आ ङोंइती रे तिल्‍तु। मिनु बेबीलोन ङा पिप सिदकीयाहम कली मटीव।

येरमीया 7:15

मिनु गो इन कली आं ङोंइती रे ग्रुंइनन्‍नी। गो इन कली, इन लोक्‍ब एफ्राइम आ आल नेल्‍ल आन कली खोदेंशो पा खेरनन्‍नी” दे परमप्रभु यावेमी देंत। २राजा १७:१८,२०,२३

होसे 11:12

एफ्राइममी आं कली जोल पना पन बाक्‍ब। मिनु इस्राएलीमी यो खाल का ङा पा आं कली जोल पाइनीम। मिनु यहूदा आ का ला परमप्रभु आ नोले खोइक्‍चा कली थुं निक्‍शी प‍शो बाक्‍ब। तन्‍न मेकोमी मेको आन कली दाक्‍शा मप्रोंइब।

होसे 12:3

मेकोमी आ ममा आ कोंवजीम आ लोक्‍ब आ गेंग्रे ग्‍याइक्‍ताक्‍व। मिनु ठेयब दुम्‍शा, परमप्रभु यावे नु राम्‍शी पाप्‍तु। उत्‍पत्ती २५:२२,२६; उत्‍पत्ती ३२:२५-२९

होसे 9:3

मेकोपुकी परमप्रभु यावे आ रागीमी बाक्‍चा मताइनीम। एफ्राइम इजीप्‍त रागीमी लेश्‍शा लाइब। मिनु मेकोपुकीमी अस्‍सुरमी ग्रांग्रा दिचा ङा थोव़की जाइनीम। होसे ८:१३

ब्‍यवस्‍था 32:20

मिनु मेकोमी ‘गो मेको आन कली वारच मपाइ‍नुङ। मेको दोपा बेक्‍नीमी, मेको कोव़नुङ। मारदे हना मेको दूली पाइब पाला ङा मुर बाक्‍नीम। मेको थमा मसुइक्‍चा ङा बाक्‍नीम।

यहोसु 23:13

परमप्रभु यावे, इन परमप्रभुमी मेको रागी ङा मुर आन कली इन ङोंइती रे मखेरब, दे तुइक्‍तीन। तन्‍न मेकोपुकी इन कली ग्‍याइल नु ब्‍वारद दुम्‍नीम। मेकोपुकी इन ची कली युक्‍तीक नु इन मिक्‍च कली चू दुम्‍नीम। परमप्रभु यावे, इन परमप्रभुमी इन कली गेशो रिम्‍शो रागी रे गे मबेक्‍नी सम्‍म मोदेंशो दुम्‍ब। गन्‍ती ३३:५५; ब्‍यवस्‍था ७:१६; न्‍यायाधीस २:३

यहोसु 23:15

दोपा परमप्रभु यावे, इन परमप्रभुमी इन कली देंशो रिम्‍शो लोव़ नेल्‍ल खाप्‍बा, मोपा परमप्रभु यावेमी गे आ अरेशो लोव़ मटीतीनी हना, इन कली देंशो हिंच कोंइतीक लोव़ यो खाप्‍ब। मिनु परमप्रभु यावे, इन परमप्रभुमी इन कली एको रिम्‍शो रागी रे खेरशा, खतम सेल्‍ब। ब्‍यवस्‍था २८:१५-४७

न्‍यायाधीस 18:30

मिनु दान आ थर ङा मुरपुकीमी मेको मूर्ति पूजा पचा कली वोदमे बाक्‍त। इस्राएली नेल्‍ल ग्‍याइश्‍शा लाइक्‍चा मपुंइसीमा सम्‍म मोसा आ तौ गेरशोम, आ तौ योनाथन नु मेको आ चच युइ दान आ थर ङा चढ़ेब दुम्‍मा बाक्‍त। १राजा १२:२९; आमोस ८:१४; प्रस्‍थान १८:३; २राजा १५:२९