२ राजा 17:16 - Sunuwar Bible16 मेकोपुकीम परमप्रभु यावे, आन परमप्रभु आ शेंशो मटिथु, आंम कली यपाइश्शा बाछा निक्शी नु मूर्ति पाइश्शो थाम का सेल्समा बाक्त। मेकोपुकी नां, तास्ला नु सोरुल आन ङोंइती बाम्मा बाक्त। मिनु बाल देवता कली पूजा पामे बाक्त। १राजा १२:२८; १राजा १६:३३ အခန်းကိုကြည့်ပါ။ |
२ राजा 17:16
26 ပူးပေါင်းရင်းမြစ်များ
परमप्रभु यावेम इस्राएल कली ब्वाक्कुम एर ओंथ पा हिम्शो बुदी मीलु घांस खोदेंशो सेल्ब। मेकोमी इस्राएली आन किकी पिपी आन कली गेशो, एको रिम्शो रागी रे खेरब। मिनु मेको आन कली युफ्रेटीस खोला आ आइक्ची हांबुम एर ओंथ ब्रपाइक्ब। मारदे हना मेकोपुकीम देवी आ मूर्ति पाइश्शो थाम सेल्शा, परमप्रभु यावे कली गाइक्पाइक्तेक्म। २राजा १७:२३
यरूसलेम ङा खिंपुकी नु यहूदा ङा पिप आन खिंपुकी तोफेथ खोदेंशो पा ग्रांग्रा दिचा ङा दुम्नीम। तेको तेको खिं तारी सरीङ ङा नां, तास्ला नु सोरुल आन कली चढ़ेशा, अरु देवी देवता आन कली तूचा थोव़क चढ़ेमे, मेको खिं नेल्ल ग्रांग्रा दिचा ङा दुम्नीम’ देनो” दे परमप्रभु यावेमी देंत। येरमीया ३२:२९; २राजा २३:१२; सेफन्याह १:३
मेको आ पा ङा आंइ कसम जशो खाप्नीकी। गोपुकी सरीङ ङा पिपीम कली चढ़ेशा, मेको कली तूचा थोव़क लुक्नीकी। गोपुकी, आंइ किकी पिपी, आंइ पिपीपुकी नु आंइ ठेयब मुरपुकीम यहूदा ङा सहर नु यरूसलेम ङा लांम मोदेंशो पाम्तेक्म। मेना गोपुकी शुश जचा ताइतक। मिनु आंइ माल्शो क्येङा शुश तशा, श्येत मजक। येरमीया ७:१७-१८; होसे २:७
मिनु मेको रुश नेल्ल, नां, तास्ला नु सोरुल आन ङोंइती फ्रचा माल्नीम। मारदे हना मेको मुरपुकीमी मेको आन कली गेय पा शुश दाक्ताक्म। मेको आन नोले खोइक्ब दुम्तेक्म। मेको आन कली लां कोंइब सेल्शा पूजा पाम्तेक्म। मेको रुश आन कली खुप्शा थिम्चा मदुम्ब। मेको खप कली मोव़ल दुम्चा माल्नीम। ब्यवस्था ४:१९
ကြော်ငြာတွေ