२ राजा 17:14 - Sunuwar Bible

¹⁴ तन्‍न मेकोपुकीम आन थमा मसुइक्‍ब किकी पिपी खोदेंशो पा परमप्रभु यावे आ लोव़ मनेंथु, काइ मटीमे बाक्‍त।

२ राजा 17:14 ပူးပေါင်းရင်းမြစ်များ

२ इतिहास 24:19

मो हना यो परमप्रभु यावेम मेको आन कली आ गे लेप्‍पाइक्‍चा कली आ लोव़ पाइबपुकी सोइक्‍तीमी बाक्‍त। मिनु मेकोपुकीम मेको आन मरिम्‍शो पशो कोंइदमे बाक्‍त। तन्‍न मुरपुकीम मेको आन लोव़ मनेन्‍मे बाक्‍त।

२ इतिहास 36:13

मिनु पिप नेबुकदनेसरमी मेको कली परमप्रभु आ नेंम कसम जपदा बाक्‍त। तन्‍न मेको पिप कली यो मरिम्‍शो पवा बाक्‍त। मेको मरिम्‍शो पाइब नु काइ मटीब दुम्‍शा, परमप्रभु यावे, इस्राएली आन परमप्रभु गे लेन्‍ने मबिस्‍से बाक्‍त।

नेहेम्‍याह 9:29

मिनु मेको आन कली इन अरेशो लोव़ गे लेत्‍चा कली, मेको आन कली टिचा शेंदीनी बाक्‍त। तन्‍न मेकोपुकी ठेयब लेश्‍शा, इन शेंतीके काइ मटिथु, इन पतीक लोव़ मपामे बाक्‍त। मुरपुकीमी इन पतीक लोव़ पशो नम हना, ब्रोंइचा ताम वा। तन्‍न मेकोपुकीम इन लोव़ मनेंथु, मटिथु, इन गे आन ची हिरदमे बाक्‍त। लेवी १८:५

भजन संग्रह 106:24

मिनु नोले मेकोपुकीमी परमप्रभु आ गेशो रागी मदाक्‍शो बाक्‍तेक्‍म। आ थोक्‍शा पशो लोव़ थमा मसुइश्‍शो बाक्‍तेक्‍म। गन्‍ती १४:२-४; ब्‍यवस्‍था ८:७-१०

भजन संग्रह 78:22

मारदे हना मेकोपुकीमी परमप्रभु कली थमा मसुदेम। मिनु “परमप्रभुमी आंइ कली प्रोंइने मचाप्‍ब” देंतेक्‍म।

भजन संग्रह 78:32

मो पा यो मेकोपुकीम पाप पस ङा पस बाक्‍तेक्‍म। मेको आ छक लाक्‍चा ङा गेय तशा यो, मेकोपुकीमी थमा मसुदेम।

भजन संग्रह 78:8

मेको आन किकी पिपी खोदेंशो मदुम्‍मल। मेकोपुकी खकटा थुं पाइश्‍शो नु मटीब पाला ङा मुर बाक्‍तेक्‍म। मेकोपुकी नोले शोंइसीशा, परमप्रभु कली प्रोंइतेक्‍म। ब्‍यवस्‍था ३२:५-६

प्रस्‍थान 16:28

मिनु परमप्रभु यावेमी मोसा कली “गेपुकी आं शेंशो नु आं अरेशो गेना सम्‍म मटीनीनी?

प्रस्‍थान 32:9

मिनु लेंशा परमप्रभु यावेमी मोसा कली “गो मेको मुर आन कली ताता। काइ मटीब बाक्‍नीम, दे तुइक्‍ताक्‍ङ। ब्‍यवस्‍था ९:६; यसैया ४८:४; प्रेरित ७:५१

प्रस्‍थान 33:3

मेको रागीम दूध नु खुदो शुश बाक्‍ब। मारेइ मारेइ यो शुश ग्रेल्‍ब। गेपुकी काइ मटीब मुर बाक्‍नीनी। मोपतीके गो गेपुकी नु मगाक्‍नुङ। गो गाक्‍ती हना, इन कली लांमीन साइक्‍नन्‍नी” दें‍त।। प्रस्‍थान ३२:९-१०

हितोपदेस 29:1

शुश हुइक्‍चा पुंइसीशा यो, काइ मटीब दुम्‍तेक्‍म हना, मेको आन मतुइक्‍थु वारच पाइक्‍चा मपुंइसीथु, खतम दुम्‍नीम। हितोपदेस १५:१०

यसैया 48:4

गे मटीब बाक्‍नीनी। इन शुर फलाम खोदेंशो बाक्‍ब। इन कुप्‍फी कांसा खोदेंशो बाक्‍ब। गो मेको तुइश्‍शो बाक्‍नुङ।

येरमीया 3:7

मेकोमी मोदेंशो नेल्‍ल पा आं गे लेप्‍ब, दे मिम्‍ताक्‍ङ। तन्‍न मेको मले। मिनु मेको नेल्‍ले जोल पाइब आ लोक्‍ब यहूदाम ताप्‍तु। २कोरिन्‍थी ७:८-९; इजीकीएल २३:२,४१

येरमीया 34:14

तेकोइ ७ बर्सम इन कली लेयसीशो मुर इन हिब्रू लोक्‍बम इन कली ६ बर्स गेय पवा नोले, ७ बर्सम मेको कली प्रोंइचा माल्‍ब’ देंती। तन्‍न इन किकी पिपीम आं लोव़ मटीम। आन नोफान मदाइक्‍तेम। प्रस्‍थान २१:२; लेवी २५:३९-४१; ब्‍यवस्‍था १५:१२

येरमीया 7:26

तन्‍न मेकोपुकीमी आं लोव़ मनेनेम। आं लोव़मी आन नोफा मदाइक्‍तेम। मटीब ला दुम्‍तेक्‍म। मिनु मेकोपुकीमी आन किकी पिपी आन क्‍येङा यो शुश मरिम्‍शो पाम्‍‍तेक्‍म। येरमीया १६:१२

इजीकीएल 12:2

मार लोव़ पाप्‍तु देंशा हना “ए मुर, गे काइ मटीब खिं ङा मुर आन दातेम बाक्‍शो बाक्‍नेवे। मेको आन के मिक्‍च बाक्‍त हना यो, मताइनीम। मेको आन के नोफा बाक्‍त हना यो, मनेंनीम। येरमीया ५:२१

इजीकीएल 2:3

मिनु मेकोमी आं कली “ए मुर, गो इ कली इस्राएल जात ङा मुर आन बाक्‍तीक सोइक्‍नन। मटीब रागी ङा मुर आन बाक्‍तीक सोइक्‍नन। मेकोपुकीम आं कली मटिशो बाक्‍नीम। मेको आन किकी पिपी नु मेकोपुकीम मुल सम्‍म हेंथे पा आं कली मटिशो बाक्‍नीम।

इजीकीएल 3:19

तन्‍न गे मेको आं अरेशो लोव़ मटीब मुर कली हिंच कोंइताक्‍वी हना, नु मेको मुर आं अरेशो लोव़ मपतीक रे मलेत्‍त हना, मेको आं अरेशो मटिशो नु आ मरिम्‍शो पशो आ पर्बम बेक्‍ब। तन्‍न गे ब्रोंइनेवे।

दानीएल 5:20

तन्‍न मेको ठेयब लेत्‍तीके नु आ थुं खकटा दुम्‍पाइक्‍तीके पिप आ नित्‍तीक रे खेरचा नु आ छेङछेङ रोइक्‍चा पुंइसाक्‍व।

होसे 11:2

मिनु गो दोशो इस्राएली आन कली ब्रेत्‍तु, मोशोन आं क्‍येङा ङोन लाम्‍तेक्‍म। मेकोपुकीमी बाल देवता कली चढ़ेम्‍तेक्‍म। मिनु मूर्ति आन कली धूप चोम्‍तेक्‍म।

प्रेरित 7:51

“ए, गे परमप्रभु यावे आ लोव़ मनेंथु मटीब फुल्‍लु खोदेंशो थुं पाइश्‍शोपुकी, गे परमप्रभु यावे कली मतुइक्‍ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्‍त आ देंशो मटिथु दूली पाइनीनी। प्रस्‍थान १२:९; लेवी २६:४; रोमी २:२८-२९

ब्‍यवस्‍था 1:32

मोदेंशो दुम्‍त हना यो गे परमप्रभु यावे, इन परमप्रभु कली थमा मसुइक्‍नी।

ब्‍यवस्‍था 31:27

मारदे हना गो इन मरिम्‍शो पतीक नु इन मटितीके तुइक्‍नुङ। गो मुल सम्‍म गेपुकी नु बाक्‍शा यो, गेपुकी परमप्रभु यावे कली गन गन पा मटीब बाक्‍तीनी। गो बेक्‍ङा नोले दोशो मरिम्‍शो पाइनीनी?

ब्‍यवस्‍था 9:13

मिनु परमप्रभु यावेमी आं कली ‘गो एको मुर आन कली कोव़ता। मिनु एकोपुकी काइ मटीब बाक्‍नीम।

हिब्रू 3:12

आं लोक्‍बपुकी, होस पांइसीने। मारदे हना मरिम्‍शो नु थमा मसुइक्‍तीक थुंमी गेना हना यो ब्रोंइशा बाक्‍ब परमप्रभु यावे रे सुइ इन कली फ्राशा मलदल।