२ राजा 15:12 - Sunuwar Bible

¹² मोपा परमप्रभु यावेम येहू कली “इ मुर ४ पाला सम्‍म पिप दुम्‍नीम” देंशो लोव़ गाम्‍माक्‍त। मिनु मोदेंशोन दुम्‍माक्‍त। २राजा १०:३०

२ राजा 15:12 ပူးပေါင်းရင်းမြစ်များ

२ राजा 10:10

आहाब आ खिं ङा मुर आन कली परमप्रभु यावेम देंशो लोव़ का यो मोशा मदुम्‍ब। परमप्रभु यावेम आ गेय पाइब एलीया रे पा देंशो लोव़ नेल्‍ल गाप्‍त” देंमाक्‍त। १राजा २१:२१

२ राजा 10:30

मिनु परमप्रभु यावेम येहू कली “गे आं ङोंइती मार रिम्‍शो बाक्‍मे, मेको पाप्‍तीवी। मिनु आं मिम्‍शो लोव़ आहाब आ खिं ङा मुर नेल्‍ल आन कली पाप्‍तीवी। मोपतीके इ तौ चच ४ पाला सम्‍म इस्राएल ङा पिप दुम्‍नीम” देंमाक्‍त।

२ राजा 13:1

येहू आ तौ येहो-अहाज सामरीयाम इस्राएल ङा पिप दुम्‍माक्‍त। मेना यहूदा ङा पिप अहाज्‍याह आ तौ योआशम सासन पशो २३ बर्स दुम्‍शो बाक्‍माक्‍त। मिनु येहो-अहाजम १७ बर्स सासन पवा बाक्‍त। २राजा १०:३५

२ राजा 13:10

मिनु येहो-अहाज आ तौ योआश सामरीयाम इस्राएल ङा पिप दुम्‍माक्‍त। मेना योआश यहूदा ङा पिप दुम्‍शो ३७ बर्स दुम्‍शो बाक्‍माक्‍त। मिनु इस्राएल ङा पिप योआशमी १६ बर्स सासन पवा बाक्‍त। यहूदा ङा पिप नु इस्राएल ङा पिप आस नें खाल का ङा बाक्‍त। योआश नु येहो-आश नें का बाक्‍ब, येहो-आश कली योआश यो देंशो बाक्‍त।

२ राजा 13:13

मिनु योआश बेक्‍माक्‍त। मेको आ पा ङा येरोबाम पिप दुम्‍माक्‍त। योआश इस्राएल ङा पिपपुकी नु सामरीयाम थिम्‍चा पुंइसे बाक्‍त। २राजा १४:२३

२ राजा 14:29

मिनु येरोबाम बेक्‍माक्‍त। मिनु इस्राएल ङा पिप नु थिम्‍चा पुंइसे बाक्‍त। मिनु मेको आ पा ङा आ तौ जकरिया पिप दुम्‍माक्‍त। २राजा १५:८

२ राजा 15:11

जकरिया आ पशो अरु गेय, मेको आ पशो नेल्‍ल, इस्राएल ङा पिप आन इतिहासम ब्रेक्‍शो बाक्‍ब।

जकरिया 1:6

तन्‍न गो आं गेय पाइब, आं लोव़ पाइब आन कली पशो लोव़ नु आं फुल्‍लुम मुशा ब्रेक्‍शो लोव़ इन किकी पिपी आन पाला रे मुल सम्‍म मबाक्‍म ङा?’ मिनु मेकोपुकी परमप्रभु यावे गे लेत्‍चा माल्‍‍शा, मेकोपुकीमी ‘मुर नेल्‍ल आन परमप्रभु यावेमी आंइ मरिम्‍शो लां नु आंइ मरिम्‍शो पशो आ पर्बम आ देंशो खोदेंशो पा पाप्‍तु’ देंतेक्‍म” दे मुर नेल्‍ल आन परमप्रभु यावेमी देंत।

गन्‍ती 23:19

परमप्रभु मुर ममाइ। मेकोमी जोल मपाइब। मेको बेक्‍शा लाइब मुर खोदेंशो पा आ थुं मफाइक्‍ब। मेकोमी लोव़ थोक्‍शा देंम ङा मेरे पाइब। मेकोम पाइक्‍नुङ देंम ङा मेरे मेको मपाइक्‍बा ङा? १सामुएल १५:२९

मर्कूस 13:31

सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो मजाम्‍थु लीब।

यूहन्‍ना 10:35

परमप्रभु यावेमी आ लोव़ नेंब आन कली आ तमी तौ देंब। मिनु मेको किताब ङा लोव़ मक्‍याम्‍सीब। मत्ती ५:१७

यूहन्‍ना 19:24

मोपतीके मेकोपुकीमी “एको चहिं मखाक्‍य। तन्‍न बाजी ग्‍यारय। मिनु सुम ग्राबा, मेकोमी ताइब” देंमुम्‍तेक्‍म। मो पामेनु “आं वासी योक्‍सीनीम। आं तारी फेक्‍तीक वा कली ‘सुम ताइबा?’ दे बाजी ग्‍यारनीम” दे ब्रेक्‍शो लोव़ थमा दुम्‍त। भजन संग्रह २२:१८

प्रेरित 1:16

मिनु पत्रुस मेको आन दातेमी राप्‍शा, मेको आन कली “आं लोक्‍बपुकी, नेनीने, येसु कली ग्‍याइक्‍ब आन कली लां कोंइब यहूदा आ पर्बम लोव़ का निक्‍शी पाइनुङ। साइ परमप्रभु यावे आ सोक्‍तीमी पिप दाऊद कली मार ब्रेक्‍पाइश्‍शो बाक्‍मे, मेको नेल्‍ल थमा दुम्‍चा माल्‍ब। मिनु मुल थमा दुम्‍त। भजन संग्रह ४१:१०

१ सामुएल 3:19

मिनु सामुएल कोल्‍ना कोल्‍न लमाक्‍त। परमप्रभु यावे मेको नु बाक्‍माक्‍त। मिनु मेकोम आ लोव़ नेल्‍ल खबा बाक्‍त।