२ राजा 15:1 - Sunuwar Bible

¹ मिनु अमस्‍याह आ तौ अजारयाह यहूदा ङा पिप दुम्‍माक्‍त। मेना येरोबाम इस्राएल ङा पिप दुम्‍शो २७ बर्स दुम्‍शो बाक्‍माक्‍त। २इतिहास २६:-; २राजा १४:२१

२ राजा 15:1 ပူးပေါင်းရင်းမြစ်များ

२ राजा 14:21

मिनु यहूदा ङा मुर नेल्‍लेम १६ बर्स दुम्‍शो अमस्‍याह आ तौ अजारयाह कली मेको आ पा ङा पिप सेल्‍मे बाक्‍त। २राजा १५:१-२

२ राजा 14:23

मिनु योआश आ तौ येरोबाम सामरीया सहरम इस्राएल ङा पिप दुम्‍माक्‍त। मेना योआश आ तौ अमस्‍याह यहूदा ङा पिप दुम्‍शो १५ बर्स दुम्‍शो बाक्‍माक्‍त। मिनु येरोबाम ४१ बर्स सासन पवा बाक्‍त। होसे १:१; आमोस १:१

२ राजा 14:29

मिनु येरोबाम बेक्‍माक्‍त। मिनु इस्राएल ङा पिप नु थिम्‍चा पुंइसे बाक्‍त। मिनु मेको आ पा ङा आ तौ जकरिया पिप दुम्‍माक्‍त। २राजा १५:८

२ राजा 15:13

मिनु याबेश आ तौ शाल्‍लुम सामरीयाम पिप दुम्‍माक्‍त। मेना उज्‍जीयाह यहूदा ङा पिप दुम्‍शो ३९ बर्स दुम्‍शो बाक्‍माक्‍त। मिनु शाल्‍लुममी सामरीया सहरम महिना का सासन पवा बाक्‍त।

२ राजा 15:17

गादी आ तौ मेनाहेम इस्राएल ङा पिप दुम्‍माक्‍त। मेना अजारयाह यहूदा ङा पिप दुम्‍शो ३९ बर्स दुम्‍शो बाक्‍माक्‍त। मिनु मेनाहेम सामरीयाम १० बर्स सासन पवा बाक्‍त।

२ राजा 15:23

मिनु मेनाहेम आ तौ पेकाहीयाहम सामरीयाम इस्राएल ङा पिप दुम्‍माक्‍त। मेना अजारयाह यहूदा ङा पिप दुम्‍शो ५० बर्स दुम्‍शो बाक्‍माक्‍त। मिनु पेकाहीयाह बर्स निक्‍शी सासन पवा बाक्‍त।

२ राजा 15:27

रेमाल्‍याह आ तौ पेकाह सामरीयाम इस्राएल ङा पिप दुम्‍माक्‍त। मेना अजारयाह यहूदा ङा पिप दुम्‍शो ५२ बर्स दुम्‍शो बाक्‍माक्‍त। मिनु पेकाहमी २० बर्स सासन पवा बाक्‍त।

२ राजा 15:8

मिनु येरोबाम आ तौ जकरिया सामरीयाम इस्राएल ङा पिप दुम्‍माक्‍त। मेना अजारयाह यहूदा ङा पिप दुम्‍शो ३८ बर्स दुम्‍शो बाक्‍माक्‍त। मिनु जकरियामी ६ महिना सासन पवा बाक्‍त। २राजा १४:२९

२ इतिहास 26:1

मिनु यहूदा ङा मुरपुकी नेल्‍लेम १६ बर्स दुम्‍शो अमस्‍याह आ तौ उज्‍जीयाह कली मेको आ आफ आ पा ङा पिप सेल्‍मे बाक्‍त।

यसैया 1:1

परमप्रभुमी आमोज आ तौ यसैया कली कोंइशो लोव़ एको बाक्‍ब। मार लोव़ कोंइशो बाक्‍त देंशा हना, यहूदा नु यरूसलेम आस पर्बम तशो कोंइताक्‍व। मेना पिप उज्‍जीयाह, योथाम, आहाज नु हिज्‍कीयाहमी सासन पशो बाक्‍तेक्‍म। २इतिहास २६:२२