२ राजा 14:9 - Sunuwar Bible

⁹ तन्‍न इस्राएल ङा पिप योआशम यहूदा ङा पिप अमस्‍याह कली “लेबानोन ङा चू बुटा काम लेबानोन ङा लाइश्‍शो रवा का कली ‘इ तमी आं तौ नु ग्‍युं‍बे पचा गेवो’ देंमाक्‍त। तन्‍न लेबानोन ङा ब्‍वाकीमी बाक्‍ब जन्‍तु का मेको मेर पा पिमाक्‍त। मिनु मेकोम चू बुटा कली दिम्‍शा ताइश्‍शा पवा बाक्‍त। न्‍यायाधीस ९:१४

२ राजा 14:9 ပူးပေါင်းရင်းမြစ်များ

१ राजा 4:33

मेकोमी रवा आन पर्बम लेबानोन ङा लाइश्‍शो रवा रे लाइश्‍शा, गारोम वाब हिस्सोप माइश्‍शो सुप्‍तीक बोट सम्‍म आन पर्बम ब्रेक्‍ता बाक्‍त। मिनु मेकोमी चिक्‍ब, जन्‍तु, खपीम ग्रेशा गाक्‍ब जन्‍तु नु ङांइ नेल्‍ल आन पर्बम यो ब्रेक्‍ता बाक्‍त।

२ इतिहास 25:18

तन्‍न इस्राएल ङा पिप योआशमी यहूदा ङा पिप अमस्‍याह कली कथा का देंमाक्‍त। मार कथा देंमाक्‍त देंशा हना “लेबानोन ङा चू बुटा कामी लेबानोन ङा लाइश्‍शो रवा का कली ‘इ तमी आं तौ नु ग्‍युंबे पचा गेवो’ देंमाक्‍त। तन्‍न लेबानोन ङा ब्‍वाकी ङा जन्‍तु का मेको रे पा पिमेनु, मेको चू बुटा कली दिम्‍शा लाक्‍गा बाक्‍त। न्‍यायाधीस ९:१४

२ इतिहास 33:11

मोपतीके परमप्रभु यावेम मेकोपुकी नु लडाइ पपाइक्‍चा कली अस्‍सुर ङा पिप आ लडाइ पाइब आन कप्‍तान आन कली चाक्‍मी बाक्‍त। मिनु मेकोपुकीम मनस्‍से कली ग्‍याइश्‍शा मेको आ शोव़म बोल्‍सी ब्‍वेक्‍तमे बाक्‍त। मिनु मेको कली कांसा के साङलोम पाइश्‍शा बेबीलोन लदमे बाक्‍त।

अय्‍युब 31:18

गो रोम रोइक्‍च आन कली आन आफोमी खोदेंशो पा थुल्‍तामी। गो जरमेसीङ रेन आन वोंइश बेक्‍शो मीश मुर आन कली वारच पाइक्‍तामी। अय्‍युब २९:१६

प्रस्‍थान 3:2

मेकेर परमप्रभु यावे आ स्‍वर्ग ङा गेय पाइब मी ब्रशो बुटा रे ग्रूत। ङोंइती दोदेंशो बाक्‍‍त देंशा हना, मोसामी ङोन रे कोव़ङानु, ब्रशो बुटा का कली मीम काइ मनेक्‍शो ताप्‍तु। ब्‍यवस्‍था ३३:१६

हितोपदेस 26:9

शांबु दुक्‍शो मुर आ गुइमी चू ओव़शो खोदेंशो पा मूर्ख कली देंतीक लोव़ बाक्‍ब।

ठेयब कुम्सो 2:2

चू आन दातेमी लिली फू बोइश्‍शो खोदेंशो पा आं मीश आल, अरु मीश आल आन दातेम बाक्‍ब।

यसैया 34:13

मेको आन दरवारम चू वानीम। मेको आन बोल्‍यो दरवारम चूले नु चोंक वानीम। मेकेर सिवार नु ठेयब चिक्‍ब आन बाक्‍तीके दुम्‍ब। यसैया १३:२१-२२

इजीकीएल 20:49

मिनु गो “परमप्रभु, परमप्रभु यावे, मेकोपुकीम आं पर्बम ‘मेकोमी कथा ला देंशो बाक्‍ब, ममाइ ङा?’ देंनीम” देंती।

होसे 9:6

मेकोपुकी खतम दुम्‍चा कली प्रोक्‍तेक्‍म हना यो, इजीप्‍त रागीमी मेको आन कली खुप्‍ब। मिनु मेम्‍फीस ङा मुरपुकीमी मेको आन कली थिम्‍नीम। मेको आन चांदी के सेल्‍शो थोव़कपुकी चू नु चोंकम सुम्‍ब। मिनु आन ताम्‍बुमी चू वानीम। होसे १०:८

१ कोरिन्‍थी 12:15

खोइलीमी “गो गुइ मनङ। मोपतीके गो रां ङा मनङ” देंत हना, मार, मेको रां ङा मदुम्‍बा ङा?

१ सामुएल 13:6

मिनु इस्राएलीपुकीमी थम श्‍येत जामे बाक्‍त। मारदे हना लडाइ पाइबपुकी थाम्‍पा आइक्‍च सेल्‍चा पुंइसमा बाक्‍त। मोपतीके मेकोपुकी पुक्‍खी, काक्‍पे, सेरथे फुल्‍लु आन दातेम, बेक्‍शो मुर वोइक्‍तीके नु इनार आगाम ख्रुंइसमा बाक्‍त।