२ राजा 14:7 - Sunuwar Bible

⁷ मेकोम हिक्‍सी के बेंसीम १० हजार एदोमी आन कली साइक्‍मी बाक्‍त। मिनु लडाइम सेला सहर ग्राशा, मेको आ नें योकतेल वोदा बाक्‍त। मेको सहर आ नें मुल सम्‍म मेकोन बाक्‍ब।

२ राजा 14:7 ပူးပေါင်းရင်းမြစ်များ

२ सामुएल 8:13

दाऊद लडाइ ग्राशा, आ नें चेम्‍शा लेम्‍मेनु, हिक्‍सी बाक्‍शो बेंसीम १८ हजार एदोम ङा मुर आन कली साइक्‍मी बाक्‍त। भजन संग्रह ६०:२

२ सामुएल 8:14

मेकोमी एदोम रागी नेल्‍लेम कोव़ब मुर वोइक्‍मी बाक्‍त। मिनु एदोम ङा मुर नेल्‍ल दाऊद आ वाइल दुम्‍मा बाक्‍त। मोपा परमप्रभु यावेम दाऊद ते ते लमे, मेक मेक ग्रापदा बाक्‍त। उत्‍पत्ती २७:४०; गन्‍ती २४:१८

२ राजा 14:10

गे एदोम कली ग्राशा, ठेयब लेश्‍शो दुम्‍तीनी। इन ग्राशोम ग्‍येरसीने। तन्‍न इन खिंमी सिक्‍सी पा बाक्‍कीन। आंम इन कली नु यहूदा कली मारदे खतम सेल्‍चा दाक्‍नीनी?” देंपाइक्‍थ लोव़ कुरब मुर का सोइक्‍ता बाक्‍त।

१ इतिहास 18:12

सेरूयाह आ तौ अबीशैमी हिक्‍सी आ बेंसीम १८ हजार एदोमी लडाइ पा सदा बाक्‍त।

भजन संग्रह 60:1

परमप्रभु, गे आंइ कली वारच पाइक्‍चा प्रोंइशो बाक्‍तीनी। गे आंइ लडाइ पतीके कली प्रोंइशो बाक्‍तीनी। गे आंइ पर्बम थाम्‍पा गाइक्‍ताक्‍नी। मुल आंइ कली ङोंइती ङा खोदेंशो पा रिम्‍शो सेलीन।

यसैया 16:1

गेपुकीम सेला सहर रे पा सियोन ङा तमी आ डांडा ङा पिप कली पाठा सोइक्‍तीन।

येरमीया 49:16

गे सेरथे फुल्‍लु आ पुक्‍खीम बाक्‍नेवे। इ हिंच कोंइतीके नु इ थुं ङा ठेयब लेत्‍तीकेमी इ कली जोल पाम्‍‍ताक्‍स। गे डांडा ङा बाक्‍तीक आंम के सेल्‍तीवी। गेमी इ बाक्‍तीक ककाकुली आ ग्‍योव़ खोदेंशो पा इर सेल्‍तीवी हना यो, गो इ कली मेकेर रे उइ तोक्‍नन” दे परमप्रभु यावेम देंशो बाक्‍ब।

ओबदिया 1:3

इ थुं ङा ठेयब लेत्‍तीकेमी इ कली जोल पाइश्‍शो बाक्‍ब। इ सहर ठेयब फुल्‍लु तार सेल्‍शो बाक्‍ब। गे डांडा तार बाक्‍नेवे। गे इ थुंमी ‘आं कली सुम उइ तोक्‍ने चाप्‍बा ङा?’ दे मिम्‍नेवे। गन्‍ती २४:२१

यहोसु 15:38

दिलेआन, मिस्‍पा नु योकतेल,