२ राजा 14:6 - Sunuwar Bible

⁶ तन्‍न मेकोमी मोसा आ अरेशो किताबम ब्रेक्‍शो खोदेंशो पा “तमी तौ आन पाप आ पर्बम आन आम आफ आस कली मसतीन। मिनु आम आफ आस पाप आ पर्बम यो आन तमी तौ आन कली मसतीन। सुम पाप पाइनीमी मेको ला साइक्‍चा पुंइसमल” देंशो, मेकोमी परमप्रभु यावे आ लोव़ टिशा, नेल्‍ल आंम आन पशो पापम ला साइक्‍चा पुंइसीनीम। ब्‍यवस्‍था २४:१६

२ राजा 14:6 ပူးပေါင်းရင်းမြစ်များ

ब्‍यवस्‍था 24:16

मुर आ तमी तौम साइक्‍चा ङा पाप पाप्‍तु हना, आफ कली मसाइक्‍चा। मिनु आफोमी साइक्‍चा ङा पाप पाप्‍तु हना, आ तमी तौ आन कली मसाइक्‍चा। सुमी पाप पाइबा, मेको ला साइक्‍चा पुंइसीब। २राजा १४:६

इजीकीएल 18:20

सुम पाप पाइबा, मेको ला बेक्‍ब। आलमी आ आम आफ आस मरिम्‍शो पशो आ पर्बम श्‍येत जचा ममाल्‍ब। आ आम आफोम यो आस आल आन मरिम्‍शो पशो आ पर्बम श्‍येत जचा ममाल्‍नीस। ठीक पाइब आ ठीक पशो आ कली दुम्‍ब। मिनु परमप्रभु यावे आ अरेशो मटीबमी आ मटिशो आ कलीन दुम्‍ब। २राजा १४:६

इजीकीएल 18:4

मारदे हना ब्रोंइशा बाक्‍ब नेल्‍ल आं केन नम, दे तुइक्‍चा माल्‍नीनी। आम आफ नु आल नेल्‍ल आं केन नम। सुम पाप पाइबा, मेको ला बेक्‍ब।

येरमीया 31:30

तन्‍न मुर नेल्‍ल आन पाप आ पर्बम बेक्‍नीम। सुम ग्‍युरशो अङगुर ब्‍वाइबा, मेको आ ख्रुइ ग्रिम्‍ब” देंत।

दानीएल 6:24

मिनु पिपमी “दानीएल कली दोस गेब, आन मीश नु आन तमी तौ नेल्‍ल आन कली गुप्‍स वोइक्‍तीकेमी तोक्‍कीन” दे हुकुम पाप्‍तु। मिनु मेको आन कली मेकेर तोक्‍तेक्‍म। मिनु मेकोपुकी गुप्‍स आन बाक्‍तीके मजाक्‍दीत्‍थु, गुप्‍सपुकी प्रेक्‍शा ग्राम्‍शा मेको आन रुश का यो मवोइक्‍थु नेक्‍तेक्‍म।