3 मोपतीके परमप्रभु यावेमी इस्राएली आन कली तशा गाइक्ता बाक्त। मिनु मेकोमी मेको आन कली शुश खेयप अराम ङा पिप हजाएल नु मेको आ तौ बेन-हादाद आस गुइमी गेमी बाक्त। २राजा १०:३२
मिनु हजाएल आ तरवार रे ब्रोंइशो आन कली येहूमी साइक्ब। मिनु येहू आ तरवार रे ब्रोंइशो आन कली एलीशामी साइक्ब।
मेना अराम ङा पिप हजाएल इर कुशा, गाथ कली लडाइ तोशा मेको आ के सेला बाक्त। मेको नोले हजाएल यरूसलेम नु लडाइ पचा कली मेक गे लमाक्त।
मिनु अराम ङा पिप हजाएलमी इस्राएल कली श्येत गेस ङा गेस बाक्माक्त। मेना येहो-अहाजम इस्राएलम सासन पशो बाक्माक्त।
मोपतीके परमप्रभु यावेम इस्राएल आ चच युइ नेल्ल आन कली प्रोंइमी बाक्त। मिनु मेको आन कली सजाइ गेशा, रोइक्ब आन गुइमी गेमी बाक्त। आ ङोंइती रे मखेरा सम्म मो पवा बाक्त।
गो दमस्कस ङा गारोपुकीम मी सुइक्नुङमी। मेकोमी बेन-हादाद आ गारो हिरशो सहर खतम सेल्ब” दे मुर नेल्ल आन परमप्रभु यावेम देंत।
गो इन कली मरिम्शो पाइक्नुङ। गे इन जोरी सत्रु रे ब्रुइनीनी। इन जोरी सत्रु इन कली हुकुम पाइब दुम्नीम। मिनु सुइमी इन कली खेदा मपाम्तेक्म हना यो, गेपुकी प्रोक्नीनी।
गो इन दातेम इजीप्त रागी कली खोदेंशो पा बेक्चा ङा रोइ सोइक्ताक्ङ। गो इन ठिटा आन कली तरवारमी क्योरशा साइक्पाइक्तामी। इन शारा रोइक्पाइक्तामी। इन बाक्तीक ङा मरिम्शो रिना इन नें आगाम प्रिंताक्ङ। मो हना यो गेपुकी आं गे मलेन्नी” दे परमप्रभु यावेमी देंत। प्रस्थान ९:३
मिनु परमप्रभु यावेमी इन कली इन जोरी सत्रु आन ङोंइती ब्रुपाइक्ब। गेपुकी मेकोपुकी नु लडाइ पथ लां कामी लाइनीनी, मिनु ब्रुशा शाउ शिउ ब्रशा ७ ओटा लां रे प्रोक्चा माल्नीनी। मिनु राज्य राज्य ङा मुर नेल्ल आन ङोंइती ग्रांग्रा दिशो दुम्नीनी।
इं परमप्रभु यावे नेल्ल खतम सेल्ब मी खोदेंशो बाक्ब। हिब्रू १०:३१; ब्यवस्था ४:२४
मिनु परमप्रभु यावेमी इस्राएली आन पर्बम गाइश्शा, मेको आन कली रोइक्ब आन गुइमी गेमी बाक्त। मिनु मेकोपुकीमी मेको आन मारेइ मारेइ रोइक्तमे बाक्त। मिनु मेकोमी मेको आन कली आन नेक्था बाक्ब जोरी सत्रु आन हुकुममी बाक्चा गेमे बाक्त।। मोपा इस्राएलीपुकीमी आन जोरी सत्रु आन कली ग्राने मचाप्बमे बाक्त।
मिनु परमप्रभु यावेमी इस्राएली आन कली तशा गाइक्ता बाक्त। मिनु मेसोपोटामीया ङा अराम-नहाराइम ङा पिप कुशन-रिशातैम आ गुइमी लेयङा बाक्त। मेकोम इस्राएली आन कली ८ बर्स सम्म सासन पवा बाक्त।