२ राजा 13:23 - Sunuwar Bible

²³ तन्‍न परमप्रभु यावेमी अब्राहाम, इसहाक नु याकूब नु पशो कबलम पतीके, मेको आन कली शिशी पाइक्‍मी बाक्‍त। मेकोम मेको आन कली मिम्‍तीमी बाक्‍त। मिनु परमप्रभु यावेमी मेको आन कली साइक्‍चा नु आ ङोंइती रे तिल्‍चा थुं मपवा बाक्‍त। लेवी २६:४२

२ राजा 13:23 ပူးပေါင်းရင်းမြစ်များ

उत्पत्ती 6:3

मिनु परमप्रभु यावेमी “आं सोक्‍त मुर आन कली शुश बर्स बाक्‍चा मगेनुङ। मुर बेक्‍चा माल्‍नीम। आन ब्रोंइतीक सहे का २० बर्स ला दुम्‍ब” देंमाक्‍त।

१ राजा 8:28

मो हना यो परमप्रभु यावे, आं परमप्रभु इन गेय पाइब आं प्रार्थना नु आं पुंइशो लोव़ नेनीन। मुलाक्‍ती इन गेय पाइबमी इन ङोंइती ठेयब सेंदा पा पुंइशो लोव़ नेनीन।

२ राजा 13:24

मिनु अराम ङा पिप हजाएल बेक्‍माक्‍त। मिनु मेको आ पा ङा आ तौ बेन-हादाद पिप दुम्‍माक्‍त।

२ राजा 13:4

तन्‍न येहो-अहाजमी परमप्रभु यावे कली पुना बाक्‍त। मिनु परमप्रभु यावेम मेको आ पुंइशो नेना बाक्‍त। मारदे हना अराम ङा पिपमी इस्राएली आन कली दिप्‍शा श्‍येत गेशो तवा बाक्‍त। उत्‍पत्ती १६:१३

२ राजा 14:26

मारदे हना परमप्रभु यावेमी इस्राएली आन कली शुश श्‍येत जशो तवा बाक्‍त। वाइल दुम्‍शो नु मदुम्‍शो सुइ मलीमा बाक्‍त। इस्राएली आन कली वारच पाइब सुइ मबाक्‍मा बाक्‍त।

२ राजा 14:27

परमप्रभु यावेमी इस्राएल कली रागी रे क्‍याम्‍चा मदेंतीके, मेकोमी योआश आ तौ येरोबाममी मेको आन कली प्रोंइमी बाक्‍त। २राजा १३:५

२ राजा 17:18

मोपतीके परमप्रभु यावे इस्राएल आ पर्बम थाम्‍पा गाइक्‍ता बाक्‍त। मिनु मेको आन कली आ ङोंइती रे खेरमी बाक्‍त। यहूदा आ थर ङा मुर ला प्रोंइशा वोइक्‍चा पुंइसमा बाक्‍त।

२ राजा 17:20

मोपतीके परमप्रभु यावेम इस्राएल आ चच युइ नेल्‍ल आन कली प्रोंइमी बाक्‍त। मिनु मेको आन कली सजाइ गेशा, रोइक्‍ब आन गुइमी गेमी बाक्‍त। आ ङोंइती रे मखेरा सम्‍म मो पवा बाक्‍त।

२ राजा 17:23

परमप्रभु यावेमी आ गेय पा, आ लोव़ पाइबपुकी रे ङोंइती देंशो खोदेंशो पा इस्राएली आन कली आ ङोंइती रे खेरमी बाक्‍त। मोपतीके इस्राएलीपुकी आंम आन रागी रे अस्‍सुर रागीम ग्‍याइश्‍शा लाइक्‍चा पुंइसमा बाक्‍त। मिनु मुल सम्‍म मेक उइ बाक्‍शो बाक्‍नीमी। ब्‍यवस्‍था २८:६३-६४

२ राजा 24:20

मिनु परमप्रभु यावे आ गाइश्‍शोम पतीके यरूसलेम नु यहूदा ङा मुर नेल्‍ल आन कली आ ङोंइती रे ग्रुंइदीमी बाक्‍त। मिनु नोले सिदकीयाहमी बेबीलोन ङा पिप कली मटिवा बाक्‍त। २राजा २३:२७

भजन संग्रह 105:8

मेकोमी आ पशो कबल गेना हना यो मिम्‍ब। आ देंशो लोव़ हजार हजार पाला सम्‍म मिम्‍ब। ब्‍यवस्‍था ७:९

भजन संग्रह 105:9

मेकोमी अब्राहाम नु मेको कबल पशो बाक्‍त। मिनु इसहाक नु यो थोक्‍शा लोव़ पशो बाक्‍त।

भजन संग्रह 106:45

मिनु मेकोमी मेको आन कली पशो कबल मिम्‍ता बाक्‍त। मिनु मेको आ गेना हना यो शुश दाक्‍तीक ङा शिशी कोंइदीमी बाक्‍त।

भजन संग्रह 51:11

आं कली इन ङोंइती रे मखेरयीनी। इन सोक्‍त आं रे मलतीन।

भजन संग्रह 78:38

मो हना यो परमप्रभु शिशी पाइब बाक्‍तीके मेको आन ठीक मपशो माफ गेम्‍तीमी। मेको आन कली मसद। खेयप खेयप मेको आन पर्बम आ गाइश्‍शो तेक्‍तु। मेकोमी आ गाइश्‍शो नेल्‍ल मग्रुंइद।

भजन संग्रह 86:15

तन्‍न परमप्रभु, गे दाक्‍ब नु शिशी पाइब परमप्रभु बाक्‍नीनी। रीब पा मगाइक्‍ब, गेना हना यो दाक्‍शा मप्रोंइब बाक्‍नीनी। भजन संग्रह १०३:८; प्रस्‍थान ३४:६

प्रस्‍थान 33:19

मिनु मेकोमी “गो इ ङोंइती रे लाइनुङ, आं गेना हना यो दाक्‍तीक कोंइनन। इ ङोंइती आं नें ‘यावे, देंना देंन गाक्‍नुङ’ सु सु आन कली शिशी पचा दाक्‍ङा, मेको आन कली शिशी पाइनुङ। सु सु आन कली दाक्‍चा दाक्‍ङा, मेको आन कली दाक्‍नुङ” दें‍त। रोमी ९:१५

येरमीया 12:15

तन्‍न गो मेको आन कली तुलुमी नोले लेंशा शिशी पाइक्‍नुङमी। मिनु मेको नेल्‍ल आन कली आन आन किकी पिपी आन शोंप गेशा, आन रागीम लेंशा चाक्‍नुङमी।

बिलाप 3:32

मेकोमी श्‍येत गेप्‍तु हना यो, लेंशा शिशी पाइब। मेको आ गेना हना यो दाक्‍तीक थम ठेयब बाक्‍ब।

लेवी 26:42

गो याकूब, इसहाक नु अब्राहाम नु पशो आं कबल नु मेको रागी कली मिम्‍नुङ। प्रस्‍थान २:२४; २राजा १३:२३

मत्ती 25:41

मिनु आ पेरा गे राप्‍शो आन कली हिरशा ‘सराप तशोपुकी, गो नु मबाक्‍कीने। सैतान नु आ गेय पाइब आन कली गेनायो मकाप्‍ब मी वोइश्‍शो बाक्‍ब। मेकेर लने। प्रकाश २०:१०,१५

ब्‍यवस्‍था 32:36

परमप्रभु यावेमी आ मुर आन कली थमा पा वारच पाइब। आ मुर आन कली शिशी पाइब। मेको आन सक्ति लत हना, मुर नु वाइलीम वाइल यो खतम दुम्‍नीम।

२ थिस्‍सलोनिकी 1:9

मेको मुरपुकी गेना हना यो साम्‍सीशो दुम्‍शा, प्रभु आ कुल मताइनीम। आ सक्ति ङा छेङछेङ यो मताइनीम।

न्‍यायाधीस 10:16

मिनु अरु देवी देवता आन कली ताइश्‍शा, परमप्रभु यावे कली ठेयब सेल्‍मे बाक्‍त। मिनु परमप्रभु यावेमी इस्राएली आन कली मेको क्‍येङा श्‍येत गेचा मगेमी बाक्‍त। यहोसु २४:२३; न्‍यायाधीस २:१८