२ राजा 13:11 - Sunuwar Bible

¹¹ मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। मिनु मेकोमी येरोबाम आ लां मप्रोना बाक्‍त।

२ राजा 13:11 ပူးပေါင်းရင်းမြစ်များ

२ राजा 10:29

मो हना यो येहूम इस्राएली आन कली पाप पपाइक्‍ब नेबात आ तौ येरोबाम आ पतीक मप्रोना बाक्‍त। बेथेल नु दान ङा सुन के बाछा आस कली पूजा पतीक गेय में ङा में वोदा बाक्‍त।

२ राजा 13:10

मिनु येहो-अहाज आ तौ योआश सामरीयाम इस्राएल ङा पिप दुम्‍माक्‍त। मेना योआश यहूदा ङा पिप दुम्‍शो ३७ बर्स दुम्‍शो बाक्‍माक्‍त। मिनु इस्राएल ङा पिप योआशमी १६ बर्स सासन पवा बाक्‍त। यहूदा ङा पिप नु इस्राएल ङा पिप आस नें खाल का ङा बाक्‍त। योआश नु येहो-आश नें का बाक्‍ब, येहो-आश कली योआश यो देंशो बाक्‍त।

२ राजा 13:12

योआश आ पशो अरु गेय, मेको आ पशो नेल्‍ल, यहूदा ङा पिप अमस्‍‍याह नु लडाइ पा सक्ति कोंइशो, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा? २राजा १४:८-१६

२ राजा 13:2

मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। मिनु मेकोमी येरोबाम आ लां मप्रोना बाक्‍त। १राजा १२:२८-३०

२ राजा 13:6

तन्‍न मेकोपुकीमी इस्राएली आन कली पाप पपाइक्‍ब येरोबाम आ पाप पतीके मप्रोंइथु, पना पन बाक्‍मा बाक्‍त। मिनु मूर्ति पाइश्‍शो थाम यो सामरीयाम बाक्‍स ङा बाक्‍स दुम्‍माक्‍त। १राजा १६:३३

२ राजा 3:3

मो हना यो मेकोमी नेबात आ तौ येरोबामम इस्राएली आन कली पपाइश्‍शो पाप मप्रोंइथु, पवा बाक्‍त।