२ राजा 13:10 - Sunuwar Bible

¹⁰ मिनु येहो-अहाज आ तौ योआश सामरीयाम इस्राएल ङा पिप दुम्‍माक्‍त। मेना योआश यहूदा ङा पिप दुम्‍शो ३७ बर्स दुम्‍शो बाक्‍माक्‍त। मिनु इस्राएल ङा पिप योआशमी १६ बर्स सासन पवा बाक्‍त। यहूदा ङा पिप नु इस्राएल ङा पिप आस नें खाल का ङा बाक्‍त। योआश नु येहो-आश नें का बाक्‍ब, येहो-आश कली योआश यो देंशो बाक्‍त।

२ राजा 13:10 ပူးပေါင်းရင်းမြစ်များ

२ राजा 10:30

मिनु परमप्रभु यावेम येहू कली “गे आं ङोंइती मार रिम्‍शो बाक्‍मे, मेको पाप्‍तीवी। मिनु आं मिम्‍शो लोव़ आहाब आ खिं ङा मुर नेल्‍ल आन कली पाप्‍तीवी। मोपतीके इ तौ चच ४ पाला सम्‍म इस्राएल ङा पिप दुम्‍नीम” देंमाक्‍त।

२ राजा 12:1

योआश यहूदा ङा पिप दुम्‍माक्‍त। मेना येहू इस्राएल ङा पिप दुम्‍शो ७ बर्स दुम्‍शो बाक्‍माक्‍त। मिनु योआशमी यरूसलेमम ४० बर्स सासन पवा बाक्‍त। मेको आ ममा आ नें सिबी‍याह बाक्‍माक्‍त। मेको बेयर-शेबा ङा बाक्‍माक्‍त।

२ राजा 13:1

येहू आ तौ येहो-अहाज सामरीयाम इस्राएल ङा पिप दुम्‍माक्‍त। मेना यहूदा ङा पिप अहाज्‍याह आ तौ योआशम सासन पशो २३ बर्स दुम्‍शो बाक्‍माक्‍त। मिनु येहो-अहाजम १७ बर्स सासन पवा बाक्‍त। २राजा १०:३५

२ राजा 13:11

मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। मिनु मेकोमी येरोबाम आ लां मप्रोना बाक्‍त।

२ राजा 13:9

मिनु येहो-अहाज बेक्‍माक्‍त। मिनु मुरपुकीम मेको कली आ किकी पिपी नु सामरीयाम थिम्‍मे बाक्‍त। मिनु मेको आ पा ङा आ तौ योआश पिप दुम्‍माक्‍त।

२ राजा 14:1

योआश आ तौ अमस्‍याह यहूदा ङा पिप दुम्‍माक्‍त। मेना यो-आहाज आ तौ योआश इस्राएल ङा पिप दुम्‍शो बर्स निक्‍शी दुम्‍शो बाक्‍माक्‍त। योआश नु येहो-आश नें का बाक्‍ब, येहो-आश कली योआश यो देंशो बाक्‍त। २राजा १२:२२

२ राजा 14:17

यहूदा ङा पिप योआश आ तौ अमस्‍याह, इस्राएल ङा पिप येहो-अहाज आ तौ योआश क्‍येङा १५ बर्स शुश ब्रोंइमाक्‍त।

२ राजा 15:12

मोपा परमप्रभु यावेम येहू कली “इ मुर ४ पाला सम्‍म पिप दुम्‍नीम” देंशो लोव़ गाम्‍माक्‍त। मिनु मोदेंशोन दुम्‍माक्‍त। २राजा १०:३०