२ राजा 10:26 - Sunuwar Bible

²⁶ मिनु मेकोपुकीम बाल आ खिं ङा थाम लाङगा ग्रुंइशा चोव़मे बाक्‍त।

२ राजा 10:26 ပူးပေါင်းရင်းမြစ်များ

१ राजा 14:23

मेकोपुकीम इर डांडा डांडा ङा थानम, देवी आ मूर्ति पाइश्‍शो थाम नु लाइश्‍शो डांडा ङा शुश सफा पाइश्‍शो रवा आन आगाम थान सेल्‍समा बाक्‍त। २राजा १६:१-४

२ राजा 19:18

मेकोपुकीमी मेको आन देवी देवता आन कली मीम हुम्‍शा नेक्‍पाइक्‍तेक्‍म। मारदे हना मेको परमप्रभु मनम। मेको मुरुमी सेल्‍शो शी नु फुल्‍लु के ला बाक्‍तेक्‍म। मोपतीके मेको खतम दुम्‍तेक्‍म।

२ राजा 3:2

मिनु येहोराममी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। तन्‍न मेको आ आंम आफोम पशो खोदेंशो चहिं ममाइ। मेकोमी आ आफ आ सेल्‍शो बाल आ थामपुकी प्रेदा बाक्‍त। १राजा १६:३२

२ सामुएल 5:21

पलिस्‍तीपुकीम आन मूर्ति मेक उइ प्रोन्‍मे बाक्‍त। मिनु दाऊद नु आ मुरपुकीमी मेको लदमे बाक्‍त।

१ राजा 16:32

मेकोम सामरीयाम बाल आ खिंम बाल कली चढ़ेतीक का सेला बाक्‍त। २राजा ३:२; २राजा १०:२७-२८; २राजा ११:१८

२ राजा 11:18

मिनु मेको रागी ङा मुर नेल्‍ल बाल आ खिं लशा, मेको प्रेत्‍मे बाक्‍त। मेकोपुकीम मेको आ चढ़ेतीक नु आ मूर्ति जिक्‍शा ताइक्‍तमे बाक्‍त। मिनु बाल कली चढ़ेब मत्तान कली चढ़ेतीक आ ङोंइती सदमे बाक्‍त। मिनु चढ़ेब येहो-यादाम परमप्रभु यावे आ खिं कली खाल पाइब मुर योव़मी बाक्‍त। २राजा १०:२६-२७; न्‍यायाधीस ६:२५

यसैया 27:9

मोपतीके मेको रे पा याकूब आ मुर आन दोस क्‍याम्‍सीब। मेको आन पाप पशो आ पर्बम मो पचा पुंइसीशो बाक्‍तेक्‍म। मेकोमी चढ़ेतीके ङा फुल्‍लु खरी खोदेंशो पा फस सेल्‍ब। मिनु मूर्ति पाइश्‍शो थाम नु धूप चोशा चढ़ेतीक काइ मलीपाइक्‍ब। लेवी २६:३०

ब्‍यवस्‍था 7:5

मेको आन कली मार पचा माल्‍नीनी देंशा हना, मेको आन चढ़ेतीक प्रेत्‍चा माल्‍नीनी। मेको आन लाइश्‍शो मूर्ति जिक्‍चा माल्‍नीनी। मेको आन अशेराह देवी आ मूर्ति ख्रोइक्‍चा माल्‍नीनी। मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। ब्‍यवस्‍था १२:२-३

१ राजा 15:13

मिनु आ बगे माकाह कली राज्‍य ङा ममा रे ग्रुंइदा बाक्‍त। मारदे हना मेकोमी अशेराह देवी आ ग्रांग्रा दिशो थाम पाइश्‍शो मूर्ति का सेल्‍सीशो बाक्‍माक्‍त। आसामी मेको मूर्ति पाइश्‍शो थाम क्‍‍योरशा खोल्‍शा किद्रोन खोल्‍साम चोपाइक्‍मी बाक्‍त।

२ राजा 18:4

मेकोम डांडा ङा थानपुकी प्रेश्‍शा, ताइक्‍तीमी बाक्‍त। ख्रुक्‍शो फुल्‍लु जिक्‍शा, मूर्ति पाइश्‍शो थाम क्‍योरशा ताइक्‍तीमी बाक्‍त। मेकोमी मोसा आ सेल्‍शो कांसा के बुस्‍स कली टुक्रा टुक्रा पवा बाक्‍त। मारदे हना मेना सम्‍म इस्राएलीपुकीम मेको कली धूप चोइबाक्‍मा बाक्‍त। मेकोपुकीम मेको कली नहुश्‍तन देंबाक्‍मा बाक्‍त। २राजा १५:३५; गन्‍ती २१:८-९

२ राजा 23:4

मेको नोले पिपमी नेल्‍ल क्‍येङा ठेयब चढ़ेब हिल्‍कीयाह, मेको आ नोले ङा अरु चढ़ेबपुकी नु लाप्‍चो खाल पाइब आन कली “परमप्रभु यावे आ खिं रे बाल देवता, अशेराह देवी, नां तास्‍ला नु सोरुल आन कली सेल्‍शो मारेइ मारेइ बोसपुकी ग्रुंइदीन” दे अरेवा बाक्‍त। मिनु मेकोपुकीमी मेको नेल्‍ल यरूसलेम ङा किद्रोन खोल्‍साम चोव़मे बाक्‍त। मिनु पुलु चहिं बेथेलम लदमे बाक्‍त। २राजा २१:३

२ राजा 23:6

मेकोमी अशेराह देवी आ मूर्ति पाइश्‍शो थाम परमप्रभु यावे आ खिं यरूसलेम रे ग्रुंइशा, किद्रोन खोल्‍साम लाइश्‍शा चोपाइक्‍मी बाक्‍त। मिनु मुरपुकीम मेको कली फुरक सेल्‍मे बाक्‍त। मिनु मेको आइक्‍च मुर आन तुरसुम फ्रामे बाक्‍त। २राजा २१:७

२ राजा 23:12

आहाज आ तार ङा कोठा ङा कौसीम यहूदा ङा पिपपुकीम सेल्‍शो चढ़ेतीकपुकी नु परमप्रभु यावे आ खिं ङा लाङगा निम्‍फा गे ङा मनस्‍सेम सेल्‍शो चढ़ेतीकपुकी प्रेश्‍शा, फस पोक्‍शा, मेको नेल्‍ल किद्रोन खोल्‍साम ताइक्‍पदा बाक्‍त। २इतिहास २८:२४; २राजा २१:४-५

१ इतिहास 14:12

मेकेर पलिस्‍तीपुकीम आन देवी देवता प्रोंइशा वोदमे बाक्‍त। मिनु दाऊदमी “मेको चोने” दे अरेवा बाक्‍त। ब्‍यवस्‍था ७:५-२५

२ इतिहास 34:7

अशेराह आ चढ़ेतीकपुकी प्रेश्‍शा नु मूर्ति पाइश्‍शो थामपुकी नु मूर्ति नेल्‍ल फस पोक्‍गा बाक्‍त। मिनु मेकोमी इस्राएल रागी नेल्‍ल ङा धूप चोतीक खतम पोक्‍गा बाक्‍त। मिनु नोले मेको यरूसलेम लेम्‍माक्‍त।