२ राजा 10:11 - Sunuwar Bible

¹¹ मोपा येहूमी येज्रेलम लीशो आहाब आ खिं ङा मुर नेल्‍ल, मेको आ ठेयब गेय पाइब मुरपुकी, मेको आ वारच नु मेको आ चढ़ेब, नेल्‍ल आन कली का यो मप्रोंइ‍थु साइक्‍मी बाक्‍त। होसे १:४

२ राजा 10:11 ပူးပေါင်းရင်းမြစ်များ

१ राजा 14:10

मोपतीके गो येरोबाम आ खिंम श्‍येत चाक्‍शा, मरिम्‍शो पाइनुङ। गो इस्राएलम बाक्‍शो येरोबाम आ खिं ङा वोंइश मुर, वाइल बाक्‍तेक्‍म हना यो, अरु मुर बाक्‍तेक्‍म हना यो, नेल्‍ल आन कली साइक्‍नुङमी। गो मेको आन कली मनुम्‍मा सम्‍म येरोबाम आ खिं कली गोबर चोशो खोदेंशो पा चोइनुङ। १राजा १५:२९; १राजा २१:२१

१ राजा 15:29

मिनु मेको पिप दुम चोटीन येरोबाम आ खिं ङा मुर नेल्‍ल आन कली साइक्‍मी बाक्‍त। मेकोम येरोबाम आ खिं ङा सेस बाक्‍शो नेल्‍ल आन कली साइक्‍मी बाक्‍त। मोपा परमप्रभु यावेमी आ गेय पाइब शिलो ङा अहीयाह रे पा देंशो लोव़ नेल्‍ल खबा बाक्‍त। १राजा १४:१०-११

१ राजा 16:11

मिनु जिम्री पिप दुम चोटीन बाशा आ खिं ङा मुर नेल्‍ल आन कली साइक्‍मी बाक्‍त। मेकोम बाशा आ खिं ङा मुर, मेको आ वारचपुकी नु आ नाता गोव़ता वोंइश मुर नेल्‍ल आन कली का यो मप्रोंइ‍थु साइक्मी बाक्‍त।

१ राजा 18:19

मोपतीके मुल कारमेल डांडाम इस्राएल ङा मुर नेल्‍ल आं कली ग्रुम्‍पाइक्‍चा कली ब्रेत्‍तीन। मिनु इजेबेलम थुल्‍शा वोइश्‍शो बाल देवता आ नोले दुम्‍ब लोव़ पाइब ४ सहे ५० जना मुर नु अशेराह देवी आ नोले दुम्‍ब लोव़ पाइब ४ सहे जना मुर नेल्‍ल आन कली यो ब्रेत्‍तीन” देंमाक्‍त।

१ राजा 18:40

मिनु एलीयामी मेको आन कली “बाल आ लोव़ पाइब आन कली ग्‍याइक्‍तीन। का यो प्रोक्‍चा मतामेक्‍ल” दे माइक्‍मी बाक्‍त। मिनु मेकोपुकीम मेको आन कली ग्‍याइक्‍तमे बाक्‍त। मिनु एलीयाम मेको आन कली किशोन खोल्‍साम लाइश्‍शा साइक्‍मी बाक्‍त। प्रस्‍थान २२:१९; ब्‍यवस्‍था १३:६-९

१ राजा 21:22

मिनु गो इ खिं कली नेबात आ तौ येरोबाम नु अहीयाह आ तौ बाशा आस खिं कली पाइश्‍शो खोदेंशो पाइनुङ। मारदे हना गे आं कली गाइक्‍पाइक्‍तीके नु इस्राएल कली पाप पपाइक्‍तीके, मो पाइनुङ’ देंत। १राजा १५:२९; १राजा १६:११-१२

१ राजा 21:29

मार लोव़ पवा बाक्‍त देंशा हना “आहाब आं ङोंइती ब्रेम्‍शो दुम्‍शो तवी? मारदे हना मेको ब्रेम्‍शो दुम्‍तीके गो मेको आ पालाम ठेयब श्‍येत मदुम्‍पाइक्‍नुङ। तन्‍न मेको आ तौ आ पालाम मेको आ खिंम ठेयब श्‍येत चाक्‍नुङ” देंमाक्‍त। २राजा ९:२६

१ राजा 22:6

मोपतीके इस्राएल ङा पिपम ४ सहे जना खोइ परमप्रभु यावे आ लोव़ पाइब आन कली पुक्‍शा, मेको आन कली “गो रामोथ-गिलाद कली लडाइ तोङ देय मतोङ” दे हिल्‍लो पामी बाक्‍त। मिनु मेकोपुकीमी “तोन, परमप्रभु यावेम मेको इन गुइमी गेब” देंमा बाक्‍त।

२ राजा 10:12

मेको नोले येहू सामरीया गे लमाक्‍त। मिनु गोठला आन बाक्‍तीक बेथ-एकेद सहरम जाक्‍दीम्‍माक्‍त।

२ राजा 23:20

पिप योसीयाहमी मेको डांडा ङा थानपुकीम बाक्‍शो चढ़ेतीक तार आन चढ़ेब नेल्‍ल साइक्‍पाइक्‍मी बाक्‍त। मिनु मेको चढ़ेतीक आन तार मुर आन रुश चोपाइक्‍मी बाक्‍त। मिनु मेको नोले यरूसलेम लेम्‍माक्‍त।

२ राजा 9:7

गे इ होव़प आहाब आ खिं ङा मुर आन कली साइक्‍चा माल्‍नेवे। मिनु इजेबेलमी आं गेय पा आं लोव़ पाइबपुकी नु आं गेय पाइब मुर आन कली साइश्‍शो आ क्‍येक्‍क लेत्‍नुङ।

२ राजा 9:9

गो आहाब आ खिं कली नेबात आ तौ येरोबाम नु अहीयाह आ तौ बाशा आस खिं खोदेंशो सेल्‍नुङ। १राजा १५:२९; १राजा १६:३,११

२ इतिहास 22:7

तन्‍न परमप्रभु आ मिम्‍शो खोदेंशो पा योराम नु अहाज्‍याह ग्रुम्‍सानु, अहाज्‍याह आ बेक्‍तीक दुम्‍माक्‍त। मेको ग्रुम्‍शा, अहाज्‍याह नु येहोराम निम्‍शी आ तौ येहू कली ग्रुम्‍थ लसा बाक्‍त। परमप्रभु यावेमी आहाब आ खिं ङा मुर आन कली थुम्‍पाइक्‍चा कली येहू कली योव़शो बाक्‍माक्‍त। १राजा १९:१६; २राजा ९:६-७

२ इतिहास 22:8

मिनु येहूम आहाब आ खिं ङा मुर आन कली सदानु, अहाज्‍याह आ गेय पाइब यहूदा ङा ठेयब मुरपुकी नु मेको नु पिशो आ लोक्‍ब आन तौ आन कली यो थिश्‍शा साइक्‍मी बाक्‍त। २राजा १०:१२-१४

अय्‍युब 18:19

मेको आन आल मबाक्‍नीम। आन चच युइ यो मबाक्‍नीम। मेको आन ङोंइती ङा बाक्‍तीकेमी सुइ ब्रोंइशा मबाक्‍नी‍म।

भजन संग्रह 109:13

मेको आ खिं ङा मुर नेल्‍ल क्‍याम्‍सीमल। मिनु आ तमी तौ आन पालाम मेको आन नें क्‍याम्‍सेक्‍ल। इजीकीएल १८:२०-२३

भजन संग्रह 125:5

तन्‍न परमप्रभु यावेमी नोले शोंइसीशा मरिम्‍शो लां खोइक्‍ब आन कली मरिम्‍शो पाइश्‍शा खतम पोक्‍ब। इस्राएलमी थुं नाइश्‍शा बाक्‍तीक दुम्‍ल। भजन संग्रह १२८:६; गलाती ६:१६

हितोपदेस 13:20

सु जोक्‍ब तुइक्‍ब नु गाक्‍बा, मेको जोक्‍ब तुइक्‍ब दुम्‍ब। तन्‍न मूर्ख नु गाक्‍ब श्‍येत जाइब।

होसे 1:4

मिनु परमप्रभु यावेमी होसे कली “मेको तौ आ नें येज्रेल वोतो। मारदे हना गो रीब पा येहू आ खिं कली येज्रेलमी पशो हुश ख्राक्‍श आ पर्बम क्‍येक्‍क लेत्‍नुङ। मिनु इस्राएल राज्‍य खतम पोक्‍नुङ। २राजा १०:१-१४

यहोसु 10:30

मिनु परमप्रभु यावेमी मेक ङा मुर नु पिप कली यो यहोसु नु इस्राएली आन गुइमी गेप्‍तु। मेकोपुकीमी लिब्‍ना ङा मुर नेल्‍ल आन कली तरवारमी साइक्‍तेक्‍म। सुइ कली यो मप्रोनेम। यरीको ङा पिप कली पशो खोदेंशो मेकेर ङा पिप कली यो पाम्‍तेक्‍म।

यहोसु 11:8

मिनु परमप्रभु यावेमी मेको आन कली इस्राएली आन गुइमी गेप्‍तु। मिनु इस्राएलीपुकीमी मेको आन कली ठेयब सहर सीदोन नु मिस्रेपोत-माइम सम्‍म नु पूर्ब ङा मिस्‍पा दिंम सम्‍म खेदा पा साइक्‍तेक्‍म। सुइ कली यो मप्रोनेम। यहोसु १३:६

यहोसु 15:56

येज्रेल, योकदाम नु जानोह,

प्रकाश 19:20

मोपा मेकोपुकी लडाइ पामेनु, मेको ठेयब जन्‍तु नु जोल पा परमप्रभु यावे आ लोव़ पखु पाइब आस कली ग्‍याइक्‍ताक्‍म। परमप्रभु यावे आ लोव़ पखु पाइब चहिं ठेयब जन्‍तु नु बाक्‍शा, छक लाक्‍चा ङा गेय पाइब बाक्‍त। मोपा मेको ठेयब जन्‍तु नु आ मूर्ति कली पूजा पाइब नु आ चिन्‍ड वोइक्‍ब आन कली मरिम्‍शो लां शेंशा खोइक्‍पदा बाक्‍त। मिनु मेको निक्‍शी सेसीन गन्‍धक नु ठेयब मी ब्रतीकेमी हुम्‍चा पुंइसाक्‍स। प्रकाश १३:११-१७; २थिस्‍सलोनिकी २:८

प्रकाश 20:10

मिनु मुर आन कली मरिम्‍शो लां शेंब दियाबलस गन्‍धक रे हुरुर पा ब्रशो मी ब्रतीकेमी हुम्‍चा पुंइसाक्‍व। मेकेर ठेयब जन्‍तु नु जोल पा परमप्रभु यावे आ लोव़ पखु पाइब यो बाक्‍ताक्‍स। मिनु मेकेर बाक्‍बपुकी नाक्‍दो नाक्‍ती गेना हना यो श्‍येत गेचा पुंइसीनीम। प्रकाश १९:२०