२ राजा 1:9 - Sunuwar Bible

⁹ मिनु पिपमी ५० जना लडाइ पाइब नु आन कप्‍तान आन कली एलीया आ बाक्‍तीक सोइक्‍तीमी बाक्‍त। मिनु मेको ठेयब मुर डांडा ङोइश्‍शा एलीया आ बाक्‍तीक लमाक्‍त। मेना एलीया डांडाम बाक्‍शो बाक्‍माक्‍त। मिनु मेको कप्‍तानमी “परमप्रभु आ मुर, पिपमी इन कली ‘यिन’ देंशो बाक्‍ब” देंमाक्‍त।

२ राजा 1:9 ပူးပေါင်းရင်းမြစ်များ

१ राजा 17:18

मिनु मेको मीश मुरुम एलीया कली “परमप्रभु आ मुर, गे नु गो इस दातेम मार मरिम्‍शो दुम्‍शो बाक्‍बा? मार, गे आं पाप कोंइशा, आं तौ कली साइक्‍थ जाक्‍नी?” देंमाक्‍त।

१ राजा 18:10

परमप्रभु यावे, इन परमप्रभु गेना हना यो ब्रोंइशा बाक्‍शो खोदेंशो पा, आं होव़पम इन कली रागी रागी नु राज्‍य नेल्‍लेम माल्‍थ सोइक्‍ताक्‍व। तेकोइ रागी नु राज्‍य मलीशो बाक्‍ब। मिनु मेकोपुकीमी ‘एलीया एक मबाक्‍ब। गो थमा पा मेको कली थिन्‍ने मचाप्‍का’ देंमानु, मेको कसम जचा माल्‍तेक्‍म।

१ राजा 18:4

इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, ओबदियामी मेको आन दाते ङा सहे का जना आन कली लाइश्‍शा, मेको आन कली प्रोंइचा कली जचा तूचा थोव़क गेशा ५०, ५० जना ङा हुल पा पुक्‍खी निक्‍शीम ख्रुइश्‍शा वोइश्‍शो बाक्‍माक्‍त।

१ राजा 18:42

मिनु आहाब जचा तूचा कली लमाक्‍त। तन्‍न एलीया चहिं कारमेल डांडा ङोइश्‍शा, मेकेर आ पिया पोक्‍चीम ख्रेप्‍शा बाक्‍माक्‍त।

१ राजा 19:2

मिनु इजेबेलम एलीया आ बाक्‍तीकेम “गे दोपा मेको आन कली सदी, मोपा गो दीसा एं ना सम्‍म इ कली मसाइक्‍तन हना, देवतापुकीम आं कली यो मोदेंशोन पाइय्‍यीमील। मेको क्‍येङा यो शुश पाइय्‍यीमील” देंथ लोव़ कुरब मुर सोइक्‍ता बाक्‍त।

१ राजा 22:8

मिनु इस्राएल ङा पिपम येहो-शाफात कली “परमप्रभु यावे कली हिल्‍लो पचा कली अर्को का बाक्‍ब। मेको इम्‍लाह आ तौ मीकाया बाक्‍ब। तन्‍न गो मेको मुर कली काइ मदाक्‍नुङ। मारदे हना मेकोम आं पर्बम गेनायो रिम्‍शो लोव़ मपाइब। गेना हना यो मरिम्‍शो लोव़ ला पाइब” देंमाक्‍त। मिनु येहो-शाफातमी पिप कली “पिपम मोदेंशो लोव़ मपवल” देंमाक्‍त। २इतिहास १८:७-२७

२ राजा 2:25

मिनु मेको मेकेर रे कारमेल डांडा लमाक्‍त। मिनु नोले सामरीया लेम्‍माक्‍त।

२ राजा 4:25

मोपा मेको गाक्‍शा, परमप्रभु आ मुर बाक्‍तीके कारमेल डांडाम जाक्‍माक्‍त। मिनु परमप्रभु आ मुरुम मेको कली ङोन रेन तशा आ गेय पाइब गेहाजी कली “कोव़ङ, दे मेरे जाक्‍ब शुनेम सहर ङा मीश मुर बाक्‍ब।

येरमीया 35:4

मिनु गो मेको आन कली परमप्रभु यावे आ खिंम परमप्रभु आ मुर हानान आ तौ आन कोठाम चाक्‍तामी। हानान परमप्रभु आ मुर यिग्‍दाल्‍याह आ तौ बाक्‍त। मेको कोठा चहिं ठेयब मुर आन कोठा आ नेक्‍था बाक्‍त। मेको शाल्‍लुम आ तौ लाप्‍चो खाल पाइब, मासेयाह आ कोठा आ तार बाक्‍त।

आमोस 7:12

मिनु अमस्‍याहमी आमोस कली “ए, परमप्रभु यावे आ लोव़ पाइब, गे एक रे प्रोक्‍शा यहूदा रागी लावो। मिनु मेकेर क्‍येट चेम्‍शा शोब्‍ले ग्‍याप्‍शा जशा, परमप्रभु यावे आ लोव़ पावो। १सामुएल ९:९

मत्ती 14:3

यूहन्‍ना बेक्‍शो रे सेंसे बाक्‍त, देंशो दोपा देंशा हना, हेरोदमी आ लोक्‍ब फिलीप आ मीश आ पर्बम यूहन्‍ना कली जेल्‍खानमी चोक्‍शो बाक्‍माक्‍त। मत्ती ११:२

मत्ती 26:68

“ए ख्रीस्‍त, सुमी राम्‍मे, लो देन” दे शुक्‍शी पा मरिम्‍शो पदमे बाक्‍त।

मत्ती 27:29

चू के सिरपेच सेल्‍शा, आ पियामी गुप्‍पा, सुन के कोक्‍के, दे किन्‍दा आ ग्‍युरा गुइमी शेपदमे बाक्‍त। मिनु आ ङोंइती आन पोक्‍च थेक्‍शा “हे यहूदी आन पिप, सेउ ताक्‍कीन” दे शुक्‍शी पा सेउ पदमे बाक्‍त।

मर्कूस 15:29

मेकेर कोव़ब शुश मुर बाक्‍मा बाक्‍त। मेकोपुकीम आन पिया हिम्‍शा “परमप्रभु यावे आ खिं प्रेश्‍शा, नाक्‍त सांमी नक सेल्‍नुङ, देंते। खोइ मिनु, सेल्‍ने चबी? मर्कूस १४:५८

मर्कूस 15:32

इस्राएल ङा पिप, ख्रीस्‍तमी शीमी क्‍येप्‍शो रे प्रोंइसेक्‍ल। प्रोंइसीशो ताइतय हना, थमा सुइक्‍नय” देंमुमा बाक्‍त। आ ग्‍युरा नु पेरा गे वोइश्‍शो निक्‍शीमी यो शुक्‍शी पदसे बाक्‍त। मत्ती १६:१४

लूका 9:54

मिनु आ शेंसीब याकूब नु यूहन्‍नामी मेको लोव़ नेंशा, येसु कली “प्रभु, मेको गाउं ङा मुर आन कली परमप्रभु यावे कली पुंइशा, सरीङ रे मी तोक्‍पाइश्‍शा, खतम पपाइय्‍य?” दे हिल्‍लो पाम्‍से बाक्‍त। २राजा १:१०-१२

हिब्रू 11:36

का निक्‍शी शुक्‍शी लोव़ पा कोर्राम युक्‍शा, गुइ खोइली साङलोम पाइश्‍शा, जेल्‍खानम चोक्‍शा वोइक्‍चा पुंइसमा बाक्‍त। १राजा २२:२७; येरमीया २०:१-३; येरमीया ३७:११-१६

१ सामुएल 19:21

मिनु सावलम मेको नेंशा, अर्को हुल का सोइक्‍ता बाक्‍त। मेकोपुकीम यो परमप्रभु यावे आ सोक्‍तीम लोव़ पामे बाक्‍त। मिनु सावलमी लेंशा अर्को हुल का सोइक्‍तीमी बाक्‍त। मिनु मेकोपुकी यो मोदेंशो दुम्‍मा बाक्‍त।