२ राजा 1:16 - Sunuwar Bible

¹⁶ मिनु मेकोमी पिप कली “परमप्रभु यावेमी इन कली ‘मार, इस्राएलम परमप्रभु मबाक्‍बा ङा? मिनु गे मुर आन कली एक्रोन ङा देवता बाल-जेबुब आ बाक्‍तीके हिल्‍लो पथ सोइक्‍तीनी? मोपतीके गे इन गोल्‍तीके रे मबोक्‍नीनी। गे थमा पा बेक्‍नीनी’ देंशो बाक्‍ब” देंमाक्‍त।

२ राजा 1:16 ပူးပေါင်းရင်းမြစ်များ

१ राजा 22:28

मिनु मीकायाम मेको कली “गे रिम्‍शो पा लेश्‍शा जाक्‍तीनी हना, परमप्रभु यावे गो नु मब्‍वाक्‍शो बाक्‍माक्‍त, देंनुङ” देंमाक्‍त। मिनु मेकोम चिनु लोव़ तेम्‍शा “गे नेल्‍लेम एको लोव़ नेंशा, इन थुंम वोतीन” देंमाक्‍त।

२ राजा 1:6

मिनु मेकोपुकीमी “गो आंइ कली ग्रुम्‍थ मुर का जाक्‍त। मिनु मेकोमी ‘लेश्‍शा लशा इन कली सोइक्‍ब पिप आ बाक्‍तीक लने। मिनु मेको कली परमप्रभु यावेमी मार, इस्राएलम परमप्रभु मबाक्‍बा ङा? गे एक्रोन ङा देवता बाल-जेबुब कली हिल्‍लो पथ मुर सोइक्‍तीके, मसा‍नीनी, बेक्‍नीनी’ देंत माइक्‍चा” देंमा बाक्‍त।

२ राजा 20:1

मेना हिज्‍कीयाह रोइ पा बेक्‍चा चिक्‍ता बाक्‍त। मिनु आमोज आ तौ परमप्रभु यावे आ लोव़ पाइब यसैया हिज्‍कीयाह आ बाक्‍तीक जाक्‍शा, “परमप्रभु यावेमी इन कली मार देंत देंशा हना ‘इन खिं ङा मुर आन कली इन अरेचा माल्‍शो लोव़ अरेने। मारदे हना गे बेक्‍नीनी। मसानीनी’ देंत” देंमाक्‍त।

२ राजा 5:21

मोपतीके गेहाजी नामान आ नोले दोरशा लमाक्‍त। मिनु नामानम मेको कली आ नोनोले दोरशा पिशो तवा बाक्‍त। मिनु मेको कली ग्रुम्‍चा कली नामान आ बग्‍गी रे तोइश्‍शा “मार नेल्‍ल ठीक बाक्‍बा?” दे हिल्‍लो पवा बाक्‍त।

२ राजा 8:10

मिनु एलीशाम मेको कली “लशा, पिप कली ‘गे थमा पा सानीनी’ दे मतो” देंमाक्‍त। तन्‍न एलीशाहमी “परमप्रभु यावेम आं कली ‘मेको थमा पा बेक्‍ब’ देंशो बाक्‍ब” देंमाक्‍त।

२ राजा 8:8

मिनु पिपमी हजाएल कली “कोसेली लाइश्‍शा, परमप्रभु आ मुर कली ग्रुम्‍थ लावो। मेको रे पा परमप्रभु यावे कली ‘गो एको रोइ रे सा‍नुङा देय मसा‍नुङा’ दे हिल्‍लो पपतो” दे अरेवा बाक्‍त।

भजन संग्रह 132:3

गो आं खिं मओव़नुङ। मिनु आं ब्राख्‍येम मइप्‍नुङ। २सामुएल ७:२; प्रेरित ७:४६

हितोपदेस 11:19

सु गेना हना यो ठीक पाइब बाक्‍बा, मेको ब्रोंइब। तन्‍न सु मरिम्‍शो पचा कली चुइक्‍बा, मेको बेक्‍ब। हितोपदेस १९:२३

इजीकीएल 14:4

मोपतीके गे मेको आन कली ‘परमप्रभु, परमप्रभु यावेमी इस्राएल आ खिं ङा मुर सुइमी मूर्ति आन थुंम वोइश्‍शा, आन मरिम्‍शो पा दाइल पांइसीतीक फुल्‍लु, आन ङोंइती वोइश्‍शा, आं लोव़ पाइब आन बाक्‍तीक जाक्‍तेक्‍म हना, गो, परमप्रभु यावेमी, मेको आन थुंम मूर्ति वोइश्‍शा जाक्‍शो मुर आन कली लोव़ लेत्‍नुङमी।