२ राजा 1:13 - Sunuwar Bible

¹³ मिनु पिपमी लेंशा ५० जना लडाइ पाइब नु आन कप्‍तान कली सोइक्‍तीमी बाक्‍त। मिनु मेको सोइश्‍शो लडाइ पाइब आन कप्‍तान डांडा ङोइश्‍शा एलीया आ बाक्‍तीक लमाक्‍त। मिनु मेकोमी एलीया आ ङोंइती पोक्‍च थेक्‍शा सेउ पा “परमप्रभु आ मुर, गो नु एको इन गेय पाइब ५० जना आंइ कली शिशी पा ब्रोंइचा गेने।

२ राजा 1:13 ပူးပေါင်းရင်းမြစ်များ

१ राजा 13:6

मिनु पिपमी परमप्रभु आ मुर कली “आं गुइ ङोंइती ङा खोदेंशो दुम्‍ल, दे परमप्रभु यावे, इन परमप्रभु कली आं पर्बम पुनीन” देंमाक्‍त। मिनु पिप आ देंशो खोदेंशो पा मेको परमप्रभु आ मुरुम परमप्रभु यावे कली पुना बाक्‍त। मिनु पिप आ गुइ ङोंइती ङा खोदेंशो दुम्‍माक्‍त। प्रस्‍थान ८:४

२ राजा 1:12

मिनु एलीयाम “गो परमप्रभु आ मुर बाक्‍ती हना, सरीङ रे मी दोक्‍शा, गे नु इ ५० जना लडाइ पाइब इन कली दाक्‍गल” देंमाक्‍त। मिनु परमप्रभु आ मी सरीङ रे दोक्‍शा, मेको नु मेको आ लडाइ पाइब ५० जना आन कली दाक्‍गा बाक्‍त।

२ राजा 1:14

ङोंइती ङा ५०, ५० जना लडाइ पाइब नु आन कप्‍तान निक्‍शी आस कली सरीङ रे मी दोक्‍शा, दाक्‍तु। तन्‍न मुल आंइ कली शिशी पा ब्रोंइचा गेने” देंमाक्‍त।

भजन संग्रह 102:17

मेकोमी श्‍येत जाइब आन पुंइशो नेंब। मिनु आन पुंइशो गेब।

भजन संग्रह 72:14

मेको आन कली दिप्‍तीक नु हुश ख्राक्‍श पोक्‍तीक रे प्रोंइब। मारदे हना मेको आ ङोंइती हिक्‍सीशो बाक्‍नीम। भजन संग्रह ९:१३; भजन संग्रह ११६:१५

प्रस्‍थान 11:8

मिनु नोले इन गेय पाइब नेल्‍लेमी आं ङोंइती खुम्‍की पा बाप्‍शा, आं कली ‘गे नु इन नोले खोइक्‍ब मुरपुकी एक रे लने’ देंनीम। मिनु गो लाइनुङ” दे मोसामी फाराओ कली देंत। मिनु मोसा फाराओ आ बाक्‍तीके रे शुश गाइश्‍शा चुरशा गाक्‍त।

हितोपदेस 27:22

मूर्ख कली अन्‍न नु चुम्‍लुम वोइश्‍शा तूलीमी चुशा हना यो, आ मूर्खे पचा गेनायो मग्रूब।

उपदेसक 9:3

रागीम दुम्‍तीक गेय नेल्‍लेमी मरिम्‍शो पतीक बाक्‍ब। मेको नेल्‍ल बेक्‍शा लाइनीम। मुर नेल्‍ल आन थुं मरिम्‍शो पतीकेमी ब्रीशो बाक्‍ब। मिनु मेकोपुकी ब्रोंइमा सम्‍म आन थुं हेंथे पतीकेम ब्रीशो बाक्‍ब। मिनु मेको नोले मेको बेक्‍शोपुकी नु बाक्‍थ लाइ‍नी‍म। उपदेसक ८:११

यसैया 1:5

मारदे गो इन कली लेंशा, तुप्‍चा माल्‍ङा? मारदे गे ङोंइती क्‍येङा मटीब दुम्‍नी। इन पिया नेल्‍ल रोइ पशो खोदेंशो बाक्‍ब। गे थशो खोदेंशो बाक्‍नीनी। येरमीया २:३०

यसैया 60:14

इ कली दिप्‍ब आन चच युइ इ बाक्‍तीकेम जाक्‍‍शा बाप्‍‍नीम। इ कली ग्रांग्रा दीब नेल्‍ल इ खोइलीम बाप्‍नीम। मिनु मेकोपुकीमी इ कली ‘परमप्रभु यावे आ सहर नु इस्राएली आन का ला बाक्‍शो परमप्रभु आ सियोन’ देंनीम। यसैया १४:२

यसैया 66:2

मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

येरमीया 5:3

मिनु “परमप्रभु यावे, गे थमा लोव़ तचा ममाल्‍नीनी ङा? गे मेको आन कली तुप्‍तीनी। तन्‍न मेकोपुकी मखा‍इक्‍म। गे मेको आन कली खतम सेल्‍‍तीनी। तन्‍न मेकोपुकीमी इन देंशो पचा मबित्‍‍नीम। मेकोपुकीम आन कुल फुल्‍लु क्‍येङा यो खकटा सेल्‍तेक्‍म। मेकोपुकी लेश्‍शा जाक्‍ने मबिस्‍सम। येरमीया २:३०; येरमीया७:२८; येरमीया ९:२; यसैया ४८:४

याकूब 4:7

गेपुकी परमप्रभु यावेमी देंशो लोव़ टिने। सैतान रे ङोन बाक्‍कीन। मो पाइतीनी हना, सैतानमी इन कली प्रोंइब। मत्ती २३:१२; १पत्रुस ५:८-९

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४

१ सामुएल 26:21

मिनु सावलमी “गो मरिम्‍शो पाता। आं तौ दाऊद, लेश्‍शा जाक्‍को। मुलाक्‍ती गे आं कली ब्रोंइचा गेती मुल रे गो इ कली गेनायो श्‍येत मगेनुङ। गो मूर्ख दुम्‍ती। गो थमा पा मरिम्‍शो पाता” देंमाक्‍त।