२ यूहन्‍ना 1:9 - Sunuwar Bible

⁹ सुम चहिं ख्रीस्‍त आ थमा शेंतीके लोव़ प्रोंइबा, मेको परमप्रभु यावे नु थुं का मबाक्‍ब। सुम चहिं ख्रीस्‍त आ थमा शेंतीक लोव़ मप्रोंइबा, मेको आफ नु तौ निम्‍फा नु थुं का ङा बाक्‍ब। १यूहन्‍ना २:२३

२ यूहन्‍ना 1:9 ပူးပေါင်းရင်းမြစ်များ

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

लूका 10:22

आं आफोमी आं कली नेल्‍ल कली अधिकार पतीक सक्ति गेती। तन्‍न सुइमी आ तौ सु बाक्‍बा, मतुइक्‍नीम, आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन थुंम तुइक्‍तीक वोइक्‍बा, मेकोपुकीमी यो तुइक्‍नीम” देंमाक्‍त।

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

यूहन्‍ना 15:6

सु चहिं आं आगामी मबाक्‍बा, मेको ख्रोइश्‍शा ताइश्‍शो राशी खोदेंशो पा सोव़ब। मिनु मुरपुकीमी मोदेंशो राशी कली खुप्‍शा मीम चोइनीम।

यूहन्‍ना 5:23

मो दुम्‍मेनु, आं आफ कली मान पाइबपुकीमी आ तौ कली यो आफ कली खोदेंशो पा मान पाइनीम। सुमी तौ कली मान मपाइबा, मेकोमी तौ कली सोइक्‍ब आं आफ कली यो मान मपाइब। फि‍लिप्‍पी २:१०-११; १यूहन्‍ना २:२३

यूहन्‍ना 8:31

मिनु येसुमी आ कली थमा सुइक्‍ब यहूदी आन कली “गेपुकी आं देंशो पना पन बाक्‍तीनी हना, थमा पा आं शेंसीब ननी। यूहन्‍ना १५:७

प्रेरित 2:42

मिनु नेल्‍ल काथा बाक्‍शा, सोइश्‍शोपुकीमी शेंशो लोव़ शेंसीशा, प्रभु भोज जशा, प्रार्थना पना पन बाक्‍बाक्‍मा बाक्‍त। प्रेरित २०:७

कलस्‍सी 3:16

ख्रीस्‍त आ लोव़ खोत ब्रेक्‍शा वोतीन। गेपुकीमी शुश तुइश्‍शा, शेंमुशा थुं बारपमुने। परमप्रभु यावे आ लोव़ ङा कुम्‍सो, परमप्रभु यावे कली “गे ठेयब बाक्‍नीनी” दे पशो कुम्‍सो नु परमप्रभु यावे आ सोक्‍तीमी इन कली शेंशो कुम्‍सोमी “गे रिम्‍शो पाइब बाक्‍नीनी” दे इन थुंमी परमप्रभु यावे कली कुम्‍सो पने। एफिसी ५:१९

तीतस 2:10

खुइ पचा मदुम्‍ब, नेल्‍ल गेयमी थम रिम्‍शो पाइब दुम्‍चा माल्‍नीम। मोदेंशो रिम्‍शो गेय पा इं कली पाप रे प्रोंइब परमप्रभु यावे आ शेंतीके रिम्‍शो लोव़ बाक्‍ब, दे कोंइनीमी। मेको शेंचा माल्‍नेवे।

हिब्रू 3:14

इं ङोंइती नाक्‍त ङा थमा सुइक्‍तीके नोले सम्‍म मप्रोंइतय हना, गो ख्रीस्‍त नु थुं का ङा दुम्‍शा बाक्‍नय। हिब्रू ६:११

हिब्रू 6:1

मोपतीके ख्रीस्‍त आ पर्बम शेंचा माल्‍शो लोव़ लेंशा मशेंचा। में क्‍येङा लाक्‍शा पाको दुम्‍य। ङोंइती शेंचा माल्‍शो लोव़ चहिं मार बाक्‍ब देंशा हना, मरिम्‍शो गेय पचा प्रोंइशा, आन थुं परमप्रभु यावे गे लेत्‍चा, परमप्रभु यावे कली थमा सुइक्‍चा, ब्‍वाक्‍कुम ख्रुम्‍शा ग्रुंइपांइसीचा,

१ यूहन्‍ना 1:3

मिनु आंइ तशो नु नेंशो इन कली शेंनीकी। मारदे हना गो नेल्‍ल थुं का ङा दुम्‍यल। मिनु गो नेल्‍ल इं आफ परमप्रभु यावे नु आ तौ येसु ख्रीस्‍त नु थुं का ङा बाक्‍नय।

३ यूहन्‍ना 1:9

गो इन ग्रुम्‍तीके ङा थमा सुइक्‍ब आन कली ब्रेक्‍ताक्‍ङमी। तन्‍न डियोत्रीफसमी आंम कली ठेयब सेल्‍शा, गोपुकी आंइ कली मदाक्‍ब।