२ यूहन्‍ना 1:6 - Sunuwar Bible

⁶ मिनु आ अरेशो लोव़ पचा दाक्‍चा बाक्‍ब। मेको इन ङोंइती रे नेंशो अरेशो लोव़ बाक्‍ब। मेको अरेशो पने।

२ यूहन्‍ना 1:6 ပူးပေါင်းရင်းမြစ်များ

यूहन्‍ना 14:15

गेपुकी आं कली दाक्‍ताक्‍नी हना, आं अरेशो पाइनीनी। यूहन्‍ना १५:१०; १यूहन्‍ना ५:३

यूहन्‍ना 14:21

सुमी आं अरेशो तुइश्‍शा पाइबा, मेकोमी आं कली दाक्‍ब। सुमी आं कली दाक्‍बा, आं आफोमी मेको कली यो दाक्‍ब। मिनु गो मेको कली दाक्‍शा, आं कली तुइक्‍पांइसीनुङ” दे येसुमी देंत। १यूहन्‍ना ५:३; यूहन्‍ना १६:२७

यूहन्‍ना 14:23

मिनु येसुमी “सुमी आं कली दाक्‍बा, मेकोम आं देंशो लोव़ पाइब। आं आफोमी मेको कली दाक्‍ब। मिनु गो नु आं आफ मेको नु बाक्‍नस्‍कु। हितोपदेस ८:१७; एफिसी ३:१७

यूहन्‍ना 15:10

दोपा गो आं आफोमी देंशो लोव़ टिशा, आं आफ नु दाक्‍मुइनस्‍कु, मोपा गेपुकी यो आं देंशो लोव़ टीतीनी हना, गो नु दाक्‍मुशा बाक्‍नय।

यूहन्‍ना 15:14

गेपुकी आं देंशो पना पन बाक्‍तीनी हना, आं वारच ननी। यूहन्‍ना ८:३१; मत्ती १२:५०

ब्‍यवस्‍था 13:4

गेपुकी परमप्रभु यावे, इन परमप्रभु कली ला खोतीन। मिनु मेको कली ला मान पा हिनीन। मिनु मेको आ शेंशो पचा माल्‍नीनी। मेको आ देंशो टिशा, मेको कली गेय पशा, मप्रोंइथु बाक्‍कीन। ब्‍यवस्‍था ८:२

१ यूहन्‍ना 2:24

मिनु इन ङोंइती रे नेंशो शेंतीके मिम्‍शा बाक्‍कीन। इन ङोंइती रे नेंशो शेंतीके मिम्‍शा बाक्‍तीनी हना, गेपुकी इं आफ, परमप्रभु यावे नु आ तौ नु थुं का ङा दुम्‍शा बाक्‍नीनी।

१ यूहन्‍ना 2:5

सु चहिं आ देंशो लोव़ पना पन बाक्‍बा, मेको मुरुमी परमप्रभु यावे कली थमा पा दाक्‍ब। मोदेंशो दुम्‍शो मुरुमी “गो येसु ख्रीस्‍त आ मुर दुम्‍ती” दे तुइक्‍ब। यूहन्‍ना १४:२१-२३

१ यूहन्‍ना 2:7

आं दाक्‍शो थमा सुइक्‍ब लोक्‍बपुकी, गो इन कली नक अरेशो लोव़ मब्रेक्‍तु। एको अरेशो लोव़ माइत बाक्‍ब। गेपुकी मेको ङोंइती रे पाइ‍नीनी। मिनु गे मेको माइत अरेशो लोव़ नेंशो बाक्‍तीनी। यूहन्‍ना ११:३४; २यूहन्‍ना :५

१ यूहन्‍ना 5:15

गोपुकीमी इं मार मार पुंइशो नेंब, दे तुइक्‍ताक्‍य हना, इं पुंइशो यो गेब, दे तुइक्‍नय।

१ यूहन्‍ना 5:3

गोपुकीमी “परमप्रभु यावे कली दाक्‍नय” देंतय हना, आ अरेशो लोव़ टिशा पाइनय। आ देंशो लोव़ टिशा पचा श्‍येत ममाइ। यूहन्‍ना१४:१५,२३,२४; मत्ती११:३०

२ यूहन्‍ना 1:5

मिनु गोमी “गोपुकी दाक्‍मुय” दे मीश मुर इन कली देंशो नक अरेशो लोव़ मब्रेक्‍नुङ। तन्‍न साइ ङोंइती रे दाक्‍मुचा, दे अरेशो लोव़ बाक्‍शो बाक्‍ब। १यूहन्‍ना २:७