२ यूहन्‍ना 1:4 - Sunuwar Bible

⁴ गो इन आल आन दाते ङा का निक्‍शी थमा लां खोइक्‍ब तशा, शुश ग्‍येरसीनुङ। मारदे हना इं आफोमी इं कली मोदेंशो अरेशो लोव़ गेशो बाक्‍ब।

२ यूहन्‍ना 1:4 ပူးပေါင်းရင်းမြစ်များ

होसे 14:9

सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।

मलाकी 2:6

मेकोमी रिम्‍शो शेंतीक लोव़ पाप्‍तु। गेनायो दूली मशेंद। थम रिम्‍शो नु ठीक पतीकेमी गो नु गाक्‍त। मिनु मेकोमी ठीक मपाइब शुश मुर आन कली आन मरिम्‍शो पतीक रे लेप्‍पाइक्‍तु।

१ कोरिन्‍थी 13:6

मरिम्‍शो पशो तशा मग्‍येरसीब। ठीक पशो तशा ग्‍येरसीब। रोमी १२:९

गलाती 2:14

मिनु मेको आन मोदेंशो पशो चहिं ख्रीस्‍त आ लोव़ नु मगारब देंती। मोपतीके मेको आन कली खुप्‍शा, केफास कली “गे यहूदी नवे। तन्‍न इं यहूदी बुद पा आन पतीके पचा प्रोंइशा, अर्को रागी ङा मुर खोदेंशो दुम्‍ते। मोपतीके अर्को रागी ङा मुर आन कली इं यहूदी रिती थिती पपाइक्‍चा दुम्‍बा?

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।

एफिसी 5:8

गेपुकी यो ङोंइती छिङछिङ ङा गेय पाइब बाक्‍तीनी। मुल चहिं प्रभु कली थमा सुइश्‍शा, छेङछेङ ङा गेय पाइब दुम्‍तीनी। मोपतीके गेपुकी छेङछेङ ङा तमी तौ खोदेंशो दुम्‍शा बाक्‍कीन। एफिसी २:१; १पत्रुस २:९; मत्ती ५:१४; यूहन्‍ना १२:३६; १थिस्‍सलोनिकी ५:५

फिलिप्‍पी 4:10

गो प्रभु नु बाक्‍शा शुश ग्‍येरसीनुङ। मारदे हना शुश नाक्‍त नोले गे आं कली लेंशा मिम्‍ताक्‍नी। गेपुकीमी आं कली नेल्‍ल नाक्‍त थमा पा मिम्‍शा बाक्‍तीनी। तन्‍न ङोंइती मारेइ सोइक्‍ने मचाप्‍शो बाक्‍तीनी। मुल चहिं सोइक्‍ताक्‍यीनी।

१ यूहन्‍ना 2:6

मिनु सुमी “गो येसु ख्रीस्‍त नु बाक्‍नुङ” देंबा, मेको येसु ख्रीस्‍त खोदेंशो दुम्‍चा माल्‍ब। यूहन्‍ना १३:१५; १पत्रुस २:२१-२३