२ यूहन्‍ना 1:10 - Sunuwar Bible

¹⁰ सुइ मुर इन बाक्‍तीके जाक्‍शा, थमा शेंतीके लोव़ मपाप्‍तु हना, मेको कली खिं ओव़चा मगेने। मिनु मेको कली “रिम्‍शो बाक्‍को” दे यो मदेनीन। २थिस्‍सलोनिकी ३:६

२ यूहन्‍ना 1:10 ပူးပေါင်းရင်းမြစ်များ

उत्पत्ती 24:12

मिनु मेकोमी “परमप्रभु यावे, आं होव़प अब्राहाम आ परमप्रभु, मुलाक्‍ती आं कली वारच पने। आं होव़प कली इन गेना हना यो दाक्‍तीके कोंइदीने। मेकोन पुंइनुङ।

१ राजा 13:16

तन्‍न मेकोमी “गो गे नु लेश्‍शा लने मचाप्‍नुङ। इन खिंम ओव़ने मचाप्‍नुङ। गो एको रागीम मारेइ जने तूने मचाप्‍नुङ।

भजन संग्रह 129:8

मिनु मेको रे पा लाइबपुकीमी “गे परमप्रभु यावे आ आसीक रावो। परमप्रभु यावे आ नेंम इ कली आसीक गेनीकी” मदेंनीम। रूथ २:४

प्रेरित 15:23

मेको चिठीम चहिं “एन्‍टीओक, सिरीया नु सिलीसीया ङा अर्को रागी ङा येसु ख्रीस्‍त कली थमा सुइक्‍ब आंइ लोक्‍बपुकी, गो यरूसलेम सहरम बाक्‍ब ख्रीस्‍त आ सोइश्‍शो, आंइ ग्रुम्‍तीक ङा शेंब खाल्‍पा नु थमा सुइक्‍ब लोक्‍ब नेल्‍लेमी इन कली ‘रिम्‍शो बाक्‍कीन’ देंशा ब्रेक्‍शा सोइक्‍ताक्‍क।

१ कोरिन्‍थी 16:22

प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०

१ कोरिन्‍थी 5:11

तन्‍न थमा सुइश्‍शा प्रभु आ मुर दुम्‍ती देंब लोक्‍बम पात्‍के पा तेल्‍लेम पा, शिंम दुम्‍शा, मूर्ति पूजा पा, शुक्‍शी पा गाक्‍ब नु शांबु राकसीमी दुक्‍शा, खुइ पा गाक्‍ब दुम्‍तेक्‍म हना, मेकोपुकी नु काथा बाक्‍शा जचा यो मदुम्‍ब। २थिस्‍सलोनिकी ३:६

२ थिस्‍सलोनिकी 3:14

मिनु सु सुमी आंइ ब्रेक्‍शो लोव़ मटीमे, मेको आन कली तुइश्‍शा वोतीन। मिनु मेकोपुकी नु मबाक्‍कीन। मोदेंशो पशो तशा, मेको मुरपुकी मुने दोक्‍नीम।

२ थिस्‍सलोनिकी 3:6

आंइ लोक्‍बपुकी, गोपुकीमी इं प्रभु येसु ख्रीस्‍त आ नेंमी इन कली मार देंनीकी देंशा हना, गेपुकी नु बाक्‍शो लोक्‍ब सु सुम गेय पचा मदाक्‍थु बाक्‍मा, मोदेंशो पा आंइ शेंशो मटीमे, मेको नु काइ मबाक्‍कीन। २थिस्‍सलोनिकी २:१५; मत्ती १८:१७; रोमी १६:१७

तीतस 3:10

गे मोदेंशो दूली शेंब आन कली खेयप निक्‍शी सम्‍म लोव़ पावो। मेकोम मटिप्‍तु हना, मेको रे ङोन बाक्‍को। २यूहन्‍ना १०; मत्ती १८:१५-१७

२ यूहन्‍ना 1:11

मारदे हना सुमी मेको मोदेंशो मुर कली “रिम्‍शो बाक्‍कीन” देंबा, मेकोमी मेको आ दूली शेंतीके नु आ मरिम्‍शो गेय यो पाइब।

३ यूहन्‍ना 1:10

मिनु गो मेकेर जाक्‍शा, मेको आ पशो गेय आ पर्बम लोव़ पाइनुङ। मेकोम मार पाइब देंशा हना, आं कली श्‍येत गेचा, दे आं पर्बम काइ मरिम्‍शो लोव़ पना पन गाक्‍ब। मिनु मेको ला ममाइ, आं सोइश्‍शो लोक्‍ब आन कली जाक्‍चा मगेव। सु चहिं मेको आन कली जाक्‍चा गेचा दाक्‍बा, डियोत्रीफसमी मेको कली “जाक्‍चा गेचा मदुम्‍ब” देंब। मिनु मेकोपुकी आ देंशो मटिम्‍तेक्‍म हना, मेको आन कली थमा सुइक्‍ब आन ग्रुम्‍तीके रे तिल्‍ब।