२ कोरिन्‍थी 9:8 - Sunuwar Bible

⁸ परमप्रभु यावेमी इन कली माल्‍शो क्‍येङा शुश गेने चाप्‍ब। मिनु मारेइ मारेइम गाप्‍शा, मारेइ वारच पचा ङा गेय बाक्‍त हना यो, गे पने चाप्‍नीनी।

२ कोरिन्‍थी 9:8 ပူးပေါင်းရင်းမြစ်များ

२ इतिहास 25:9

मिनु अमस्‍याहम परमप्रभु आ मुर कली “इस्राएली लडाइ पाइब आन पर्बम गेशो मेको सहे का टलेन्‍ट चांदी आ पर्बम गो मार पाइनुङा?” दे हिल्‍लो पवा बाक्‍त। मिनु परमप्रभु आ मुरुम “परमप्रभु यावेम इन कली मेको क्‍येङा यो शुश गेने चाप्‍ब” देंमाक्‍त।

भजन संग्रह 84:11

मारदे हना परमप्रभु, परमप्रभु यावे नां नु तेक्‍तीक बाक्‍ब। परमप्रभु यावेम ठेयब दुम्‍तीक नु मान गेब। मेकोमी ठीक लां खोइक्‍ब आन कली रिम्‍शो पाइब।

हितोपदेस 10:22

परमप्रभु यावे आ आसीकम मुर आन कली शोंप पाइश्‍शो सेल्‍ब। मेकोमी मारेइ श्‍येत मतेम्‍ब। भजन संग्रह १२७:२

हितोपदेस 11:24

का निक्‍शी मुरुम शुश गेनीम हना यो, आन शोंप मेको क्‍येङा बारब। का निक्‍शी चहिं आन गेचा माल्‍शो मगेथु, प्रुङग दुम्‍नीम। मत्ती २५:२९; २कोरिन्‍थी ९:६

हितोपदेस 28:27

सुमी प्रुङग कली गेबा, मेको आंमा यो श्‍येत मजाइब। तन्‍न सुमी प्रुङग आन पर्बम शिशी मपाइबा, मेको शुश सराप ताइब।

हितोपदेस 3:9

इ शोंपोमी परमप्रभु यावे कली मान पावो। मिनु इ बाली नाली रे नेल्‍ल क्‍येङा ङोंइती सिश्‍शोमी आ नें ठेयब सेलो। प्रस्‍थान २३:१९

हाग्‍गै 2:8

सुन चांदी नेल्‍ल आं के बाक्‍ब।

मलाकी 3:10

गे नेल्‍लेमी इन १० भाग ङा भाग का वोइक्‍तीकेमी चाक्‍कीन। मिनु आं खिंमी जचा थोव़क बाक्‍ल। मोपा आं कली नाक्‍शा, कोव़ङीन। गो स्‍वर्ग ङा लाप्‍चो रोक्‍शा, इन कली शुश आसीक गेबाक्‍ङा, कों, मगेबाक्‍ङा” दे मुर नेल्‍ल आन परमप्रभु यावेमी देंत।

प्रेरित 9:36

योप्‍पा सहरमी तबीता नें पाइश्‍शो थमा सुइक्‍ब मीश मुर का बाक्‍माक्‍त। ग्रीक लोव़मी मेको आ नें दोरकास, किश्‍श रुम्‍सीब। तबीता गेना हना यो सुइ सुइ आन कली रिम्‍शो पाइबाक्‍माक्‍त। मथीब आन कली शुश वारच पाइबाक्‍माक्‍त।

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

२ कोरिन्‍थी 13:3

गेपुकीमी “पावल ख्रीस्‍त आ सक्ति तशा, अधिकार पाइश्‍शो बाक्‍माक्‍त” दे इन मिक्‍चीमी तचा माल्‍बाक्‍तीनी, दे तुइक्‍ताक्‍ङ। ख्रीस्‍त इन दातेमी मचाप्‍ब ममाइ, शुश सक्ति पाइश्‍शो बाक्‍ब, दे कोंइताक्‍व।

२ कोरिन्‍थी 8:19

आ नें चलेशो ला ममाइ। थमा सुइक्‍बपुकी गारशा मेको कली गो नु क्य‍ेट पोक्‍शा गाक्‍चा कली योव़तेक्‍म। मेको गोपुकी नु शिशी पतीक गेय पाइब। गो मेको वारच पतीके प्रभु कली ठेयब सेल्‍चा कली पाइनीकी। गलाती २:१०

२ कोरिन्‍थी 8:2

मेकोपुकी शुश श्‍येत जाम्‍तेक्‍म हना यो, ग्‍येरसीशो बाक्‍नीम। प्रुङग बाक्‍तेक्‍म हना यो, अरु आन कली योक्‍शा गेम्‍तेक्‍म।

२ कोरिन्‍थी 8:7

गे मार पाइतीनी हना यो, शुश पाइतीनी। इन थमा सुइक्‍चा, इन लोव़ पस जोक्‍चा, इन तुइक्‍चा, इन रिम्‍शो गेय पतीके नु इन आंइ कली दाक्‍तीकेमी शुश गेय पाइनीनी। मुल गे मेको दाक्‍तीक गेयमी यो रिम्‍शो गेय कोंइताक्‍नी। १कोरिन्‍थी १:५; १कोरिन्‍थी १६:१-२

२ कोरिन्‍थी 9:11

मिनु गे शुश थीब दुम्‍शा, हाइश्‍शा गेशो तशा, गो परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍नीकी।

एफिसी 2:10

गोपुकी परमप्रभु यावे रे ख्रीस्‍त येसु आ पतीकेमी सेल्‍शो बाक्‍नय। परमप्रभु यावेमी इं कली रिम्‍शो गेय वोइश्‍शो बाक्‍त। मेको पचा माल्‍नय। तीतस २:१४

एफिसी 3:20

गे नेल्‍ल आन क्‍येङा ठेयब सक्ति पाइश्‍शो बाक्‍नीनी। मोपतीके इन सक्ति रे आंइ पुंइशो नु मिम्‍शो क्‍येङा यो शुश गेने चाप्‍नीनी।

फिलिप्‍पी 4:11

गो श्‍येत जचा आ पर्बम लोव़ मपाइनुङ। मार दुम्‍त हना यो, ग्‍येरसीशा बाक्‍चा, दे शेंसीशो नङ। १तिमोथी ६:६

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

२ थिस्‍सलोनिकी 2:17

इन थुं बारपाइश्‍शा, इन कली रिम्‍शो गेय नु रिम्‍शो लोव़ पचा गेम्‍सेक्‍ल।

२ तिमोथी 2:21

सु आ मरिम्‍शो पशो शोव़शा माफ ताइबा, मेको रिम्‍शो गेय ङा बोस खोदेंशो दुम्‍ब। आ होव़प कली जिम्‍मा गेंसीशो नु मेको रिम्‍शो गेय पचा कली रिम्‍शो बाक्‍ब।

२ तिमोथी 3:17

परमप्रभु यावेमी आ मुरपुकीमी नेल्‍ल गेय रिम्‍शो पामेक्‍ल दे एको लोव़ तुइक्‍पाइश्‍शो बाक्‍त। १तिमोथी ६:११

तीतस 2:14

येसु ख्रीस्‍तम आंम कली काइ ममिम्‍थु, साइक्‍चा पुंइसाक्‍व। मारदे साइक्‍चा पुंइसाक्‍व देंशा हना, इं कली मटितीके रे प्रोंइचा कली साइक्‍चा पुंइसाक्‍व। मिनु इं कली परमप्रभु यावे आ योव़शो मुर सेल्‍चा नु इं कली शुश रिम्‍शो गेय पपाइक्‍चा कली आंम कली साइक्‍चा, दे जिम्‍मा गेसाक्‍व। गलाती १:४; १तिमोथी २:६; प्रस्‍थान १९:५; एफिसी २:१०

तीतस 3:14

मिनु इं मुरपुकीमी यो रिम्‍शो गेय पचा कली शेंसीचा माल्‍नीमी। मोपा शुश श्‍येत जाइब आन कली वारच पशा, फल सिप्‍ब रवा खोदेंशो दुम्‍नीम। तीतस २:१४; मत्ती ७:१९

तीतस 3:8

एको लोव़ थमा बाक्‍ब। मिनु एको लोव़ शुश शेंदो। मोदेंशो पा शेंताक्‍वी हना, परमप्रभु यावे कली थमा सुइक्‍ब दुम्‍शो मुरपुकी रिम्‍शो गेय पचा कली होस पा बाक्‍नीम। आं देंशो शेंतीके मुर आन कली रिम्‍शो नु गारचा ङा बाक्‍ब।

१ पत्रुस 4:10

परमप्रभु यावेमी इन कली गेय का का पपाइश्‍शो बाक्‍त। मोदेंशो पा वारच पमुने। परमप्रभु यावेमी गेशो गेय रिम्‍शो पने।