२ कोरिन्‍थी 9:7 - Sunuwar Bible

⁷ क्‍येट पोक्‍गु कों मपोक्‍गु, दे थुं निक्‍शी मपथु, सुइमी “गेव की गेव” माइक्‍चा मपुंइसीथु, आंम थुंमी मिम्‍शा, ग्‍येरसीशा गेचा माल्‍ब। ग्‍येरसीशा गेब कली परमप्रभु यावेमी दाक्‍ब। रोमी १२:८

२ कोरिन्‍थी 9:7 ပူးပေါင်းရင်းမြစ်များ

१ इतिहास 29:17

आं परमप्रभु, गे मुर आन थुं नाक्‍शा कोव़नीनी, दे तुइक्‍नुङ। गे ब्रेम्‍शो थुं पाइश्‍शो मुर तशा ग्‍येरनीनी। गो आं ब्रेम्‍शो थुं दुम्‍तीकेमी ग्‍येरशा एको नेल्‍ल इन कली चढ़ेता। मुल गो एक बाक्‍शो इन मुर आन कली ताता। ग्‍येरशो थुंमी एको नेल्‍ल चढ़ेम्‍तेक्‍म। भजन संग्रह ७:१०

१ इतिहास 29:9

मिनु मुरपुकीमी हाइश्‍शो थुंमी गेशा ग्‍येरसीशो बाक्‍मा बाक्‍त। मारदे हना मेकोपुकीमी ग्‍येरसीशा परमप्रभु यावे कली शुश गेशो बाक्‍मा बाक्‍त। पिप दाऊद यो थाम्‍पा ग्‍येरशो बाक्‍माक्‍त।

प्रस्‍थान 25:2

“इस्राएली आन कली ‘आं कली मार मार गेचा मिम्‍नीनी, मेको गेने’ दे मतो। आन थुंमी गेचा दाक्‍शो, नेल्‍ल आन चाक्‍शो गे नु इ कली वारच पाइबपुकीमी ताक्‍कीन। प्रस्‍थान ३५:४-७; १इतिहास २९:५; एज्रा २:६८,६९

प्रस्‍थान 35:5

‘परमप्रभु यावे कली ग्रुम्‍तीक ताम्‍बु सेल्‍चा कली चढ़ेतीक मार मार पोक्‍चा माल्‍नीनी। सु सुम ग्‍येरशा गेनीनी, मेकोमी परमप्रभु यावे कली मार चाक्‍चा माल्‍नीनी देंशा हना, सुन, चांदी, कांसा, प्रस्‍थान २५:२

हितोपदेस 11:25

हाइश्‍शो मुरुमी शुश ताइब। सुम अरु आन कली वारच पाइक्‍बा, मेकोमी आंमा यो वारच पाइक्‍चा पुंइसीब।

हितोपदेस 22:9

हाइश्‍शो मुरुमी आसीक ताइब। मारदे हना मेकोमी आ जचा थोव़क प्रुङग नु योक्‍ब। हितोपदेस १९:१७

यसैया 32:5

मेना मुरुमी मूर्ख आन कली रिम्‍शो थुं पाइश्‍शो मुर मदेंनीम। खुइ नु जोल पाइब आन कली हाइश्‍शो मुर मदेंनीम। हितोपदेस २८:१६

यसैया 32:8

तन्‍न रिम्‍शो थुं पाइश्‍शो मुरपुकीमी रिम्‍शो गेय ला मिम्‍नीम। मिनु गेना हना यो रिम्‍शो गेय पा बाक्‍नीम।

प्रेरित 20:35

गो मार पाता हना यो, मचाप्‍ब आन कली वारच पाइक्‍चा नमी, दे गेय पा कोंइताक्‍न्‍न। प्रभु येसु आ शेंशो लोव़मी ‘ताक्‍चा क्‍येङा गेचा रिम्‍शो बाक्‍ब’ ” देंत।

रोमी 12:8

अर्ती गेब योव़ने पुंइसाक्‍वे हना, अर्ती गेचा मब्रीदो। मुर आन कली मार गेप्‍तीवी हना यो, ठेयब सेल्‍सीचा कली मगेवो। थमा सुइक्‍ब आन लां कोंइब दुम्‍ते हना, होस पा गेय पावो। शिशी पवीनु, ग्‍येरशा पावो। मत्ती ६:३; २कोरिन्‍थी ८:२; २कोरिन्‍थी ९:७

२ कोरिन्‍थी 8:12

आंम के बाक्‍शो ला गेने जाप्‍ब, आंम के मबाक्‍शो गेने मजाप्‍ब। इन चाप्‍चा ङा पा गेने। हितोपदेस ३:२७-२८; मर्कूस १२:४३

ब्‍यवस्‍था 15:14

परमप्रभु यावे, इन परमप्रभुमी इन कली आसीक गेशो रे इन क्‍यारश भेडा इन अन्‍न नु अङगुर शांबु रे मेको कली शुश गेशा सोइक्‍तीन।

फिलेमोन 1:14

गेमी गेय पपाइश्‍शा वोतो, दे मदेंने सम्‍म मवोदु देंशा, सोइक्‍ताक्‍ङ। वारच पाइय्‍यीनी मदेंथु, वारच पाइतीनी हना, गो ग्‍येरसीनुङ। २कोरिन्‍थी ९:७

याकूब 5:9

आं दाक्‍शो लोक्‍बपुकी, गेपुकीमी अरु थमा सुइक्‍ब आन पर्बम गन गन मपने। मो पाइतीनी हना, निसाफ पचा पुंइसीनी। नेनीन इन निसाफ पाइब जाक्‍चान चिक्‍शो बाक्‍ब।

१ पत्रुस 4:9

मगाइक्‍थु बा‍स गेमुने।