२ कोरिन्‍थी 9:10 - Sunuwar Bible

¹⁰ शोक्‍ब कली वांचेर गेब। जचा दाक्‍ब कली जचा थोव़क गेबमी इन के बाक्‍शो यो बारपाइक्‍ब। मोपा इन ठीक पतीके ङा फल बारना बारन लाइब। इजीकीएल १०:१२

२ कोरिन्‍थी 9:10 ပူးပေါင်းရင်းမြစ်များ

उत्पत्ती 47:19

मारदे गो इन ङोंइती बेक्‍नीकी? आंइ कली नु आंइ रू कली यो अन्‍न गेशा ग्‍यापीन। गोपुकी फाराओ आ वाइलीम वाइल दुम्‍नीकी। गोपुकी ब्रोंइचा नु आंइ रागीम मुरपुकी लीचा कली वांचेर गेने” देंमा बाक्‍त।

हितोपदेस 11:18

परमप्रभु यावे आ अरेशो मटीब मुरुमी क्‍येट चेम्‍ब, तन्‍न मलीब। तन्‍न ठीक पाइब मुरुमी इनाम ताइनीम।

उपदेसक 11:6

गे सुनी इ वांचेर शोक्‍को। मिनु नाक्‍दो यो गेय प‍चा मप्रोनो। मारदे हना मुल शोक्‍शो नु आपो शोक्‍शो तेको ग्रेल्‍बा, मतुइक्‍नेवे। निम्‍फा ग्रेल्‍नीसी कों? मतुइक्‍नेवे।

यसैया 55:10

सरीङ रे रेउ नु फुं यिशा, मोशीन मलेप्‍ब। मेकोमी खप जिप्‍पाइश्‍शा बाली नाली ग्रेल्‍पाइक्‍ब। शोक्‍ब कली वांचेर गेशा, मुर आन कली जचा गेब।

होसे 10:12

ठीक पतीक शोक्‍कीन। मिनु मप्रोंइचा ङा दाक्‍तीक अन्‍न खोदेंशो पा खुप्‍तीन। गे इन मवाक्‍शो रू वाक्‍तीन। मारदे हना इन परमप्रभु यावे कली माल्‍ची नाक्‍त जाक्‍त। मिनु मेको जाक्‍शा, गे इन कली पाप रे प्रोंइब। येरमीया ४:३; यसैया ५५:६

मत्ती 6:1

होस पांइसीने, मुर आन ङोंइती कोंइचा कली प्रुङग आन कली शिशी मपने। मारदे हना मोदेंशो पाइब आन कली स्‍वर्गम बाक्‍ब इन आफोमी इनाम मगेब।

२ कोरिन्‍थी 9:12

मोदेंशो हाइश्‍शा गेशोमी श्‍येत जशो थमा सुइक्‍ब आन कली रिम्‍शो दुम्‍ब। मोशो ला ममाइ, शुशेमी परमप्रभु यावे कली ठेयब सेल्‍नीम

२ कोरिन्‍थी 9:6

आंम आन दाक्‍स पा, चाप्‍स पा, गेचा चहिं दोदेंशो रुम्‍सीब देंशा हना, वांचेर शोक्‍ग‍मेनु, इच्‍का ला शोक्‍बमी, इच्‍का ला खुप्‍चा ताइब। तन्‍न शुश शोक्‍बमी शुश खुप्‍चा ताइब। हितोपदेस ११:२४-२५; हितोपदेस १९:१७

गलाती 3:5

परमप्रभु यावेमी इन कली आ सोक्‍त गेशा, छक लाक्‍चा ङा गेय कोंइताक्‍व। यहूदी आन पतीक पशो तशा, मोदेंशो छक लाक्‍चा ङा गेय कोंइदा ङा? ख्रीस्‍त कली थमा सुइश्‍शो तशा, कका छक लाक्‍चा ङा गेय कोंइताक्‍व।

एफिसी 5:9

छेङछेङ ङा फल दोदेंशो बाक्‍ब देंशा हना, नेल्‍ल शिशी पतीकेमी, ठीक पतीकेमी नु थमा पतीकेमी बाक्‍ब। गलाती ५:२२; फिलिप्‍पी १:११

फिलिप्‍पी 1:11

गेपुकी येसु ख्रीस्‍तमी पपाइश्‍शो ठीक पतीकेमी ब्रीशो बाक्‍तीनी हना, परमप्रभु यावे सक्ति पाइश्‍शो नु ठेयब बाक्‍ब, दे तुंइसीब। एफिसी ५:९

फिलिप्‍पी 4:17

इन गेशो क्‍येट ममिम्‍नुङ, तन्‍न परमप्रभु यावेमी इन मो पशो तशा, इन कली रिम्‍शो पाइब। गो मोदेंशो तचा दाक्‍नुङ।

१ थिस्‍सलोनिकी 3:12

गोपुकीमी इन कली शुश दाक्‍शो खोदेंशो पा प्रभुमी इन दाक्‍चा शुश बारपाइश्‍शा, दाक्‍मुचा नु अरु आन कली यो दाक्‍ब दुमीन।

१ थिस्‍सलोनिकी 4:10

मिनु गेपुकी थमा पा मासीडोनीया रागी ङा लोक्‍ब नेल्‍ल आन कली दाक्‍नीनी। गोपुकीमी मेको क्‍येङा यो दाक्‍तीन, दे इन कली अरेनीकी।