२ कोरिन्‍थी 8:24 - Sunuwar Bible

²⁴ मोपतीके मेको सां इन बाक्‍तीके जाक्‍मानु, मेको आन कली दाक्‍शा, वारच पतीने। मेको आन कली मार माल्‍दा, मेको गेने, आन लोव़ नेनीने। आं देंशो पाइतीनी हना, गोमी इन पर्बम पशो लोव़ थमा दुम्‍ब। मिनु गो ग्‍येरसीनुङ। थमा सुइक्‍ब नेल्‍लेमी यो “कोरिन्‍थीपुकीमी रिम्‍शो पामे बाक्‍त” दे तुइक्‍नीम। २कोरिन्‍थी ७:१४

२ कोरिन्‍थी 8:24 ပူးပေါင်းရင်းမြစ်များ

प्रेरित 9:31

मिनु यहूदीया, गालील नु सामरीया रागीमी बाक्‍ब थमा सुइक्‍बपुकी खेदा पचा मपुंइसीथु, बाक्‍चा तामे बाक्‍त। थमा सुइक्‍बपुकीमी प्रभु कली मान पा हिंशा, परमप्रभु यावे आ सोक्‍त रे पा वारच पचा पुंइसीशा, आन थुं बारना बारन ल‍माक्‍त। मिनु थमा सुइक्‍ब यो तेम्‍सीन सीन लमा बाक्‍त।

२ कोरिन्‍थी 7:14

मोदेंशो पा तीतस कली यो “कोरिन्‍थीपुकीमी आं लोव़ टीनीमी, रिम्‍शो पाइनीम” दे थमा लोव़ पशो नङ। मुल तीतसमी इन कली आं लोव़ टिशो तशा, थमा बाक्‍माक्‍त, दे तुइक्‍ताक्‍व। मोपा आं कली मुने मतोक्‍नी। मोपतीके आं नें बोरपा बाक्‍ती।

२ कोरिन्‍थी 7:4

मिनु इन कली तशा, ग्‍येरसीशा, आं थुं बोरनुङ। आं थुं नाइक्‍सीशा बारना बारन लत। श्‍येत जाता हना यो, इन कली तशा गो ग्‍येरस ङा ग्‍येरस बाक्‍ती।

२ कोरिन्‍थी 8:8

इन कली अधिकार तशो लोव़ मपाइनुङ। थमा पा दाक्‍चा दोपा तांइसीब देंशा हना, सुइमी गेन की गेन माइक्‍चा मपुंइसीथु, आंम थुंमी मिम्‍शा गेशो रे तांइसीब। शुशेमी मोपा गेम्‍तेक्‍म। मिनु गेपुकीमी यो दाक्‍तीक गेय कोंइदीने।