२ कोरिन्‍थी 8:10 - Sunuwar Bible

¹⁰ मिनु गो इन कली मार देंनुङ देंशा हना “बर्स का ङोंइती इन गोशो गेय थुम्‍चा मालीने” देंनुङ।

२ कोरिन्‍थी 8:10 ပူးပေါင်းရင်းမြစ်များ

हितोपदेस 19:17

सुमी प्रुङग कली शिशी पा गेबा, मेकोमी परमप्रभु यावे कली गेब। मिनु परमप्रभु यावेमी मेको कली नेल्‍ल लेप्‍ब। हितोपदेस १४:३१; भजन संग्रह ४१:२-४; दानीएल ४:२४; मत्ती ५:७; मत्ती २५:४०; २कोरिन्‍थी ९:६

मत्ती 10:42

नोफा दाइश्‍शा नेनीने, सुमी महिक्‍सीशो मुर का कली ‘एको यो शेंसीब का बाक्‍माक्‍त’ दे मिम्‍शा, लोटा का ब्‍वाक्‍कु तूचा गेबा, मेकोमी दोपा यो आ तचा ङा इनाम मसाम्‍ब” दे शेंताक्‍मी। मत्ती २५:४०; मर्कूस ९:४१

यूहन्‍ना 11:50

मिनु मेकोमी “गे मारेइ मतुइक्‍नीनी। गो नेल्‍ल रागी खतम दुम्‍चा क्‍येङा, मुर का कली साइक्‍चा रिम्‍शो बाक्‍ब” देंमाक्‍त। यूहन्‍ना १८:१४

यूहन्‍ना 16:7

नोफा दाइश्‍शा नेनीन, आं लशो इन कली रिम्‍शो दुम्‍ब। गो मलती हना, थमा सुइक्‍ब आन कली वारच पाइब मजाक्‍ब। गो लती हना, मेको कली सोइक्‍नुङ। यूहन्‍ना १४:१६,२६

यूहन्‍ना 18:14

ङोंइती काइयाफासमी यहूदी आन कली “मुर नेल्‍ल आन साइक्‍चा ङा मुर का कली साइक्‍चा रिम्‍शो दुम्‍ब” देंशो बाक्‍माक्‍त। लूका ३:१-२; यूहन्‍ना ११:४९-५०

१ कोरिन्‍थी 10:23

मारेइ मारेइ ठीक बाक्‍ब। तन्‍न गेय का निक्‍शी चहिं इन कली रिम्‍शो मदुम्‍ब। मारेइ मारेइ ठीक बाक्‍तेक्‍म हना यो, का निक्‍शीम इन थमा सुइक्‍तीक मबारपाइक्‍नीम। १कोरिन्‍थी ६:१२

१ कोरिन्‍थी 16:2

हप्‍ता ङा ङोंइती नाक्‍ती गे नेल्‍लेमी आंम के बाक्‍शो रे हेंशा, गो ओशो गेने चाप्‍नुङ, दे वोतीने। मो पाइतीनी हना, गो जाक्‍ङानु, क्‍येट मबा दे खिं खिं हिरशा पुंइशा गाक्‍चा ममाल्‍नीनी। प्रेरित २०:७

१ कोरिन्‍थी 6:12

गो मार गेय पचा दाक्‍तु, मेको पने चाप्‍नुङ। तन्‍न गेय का निक्‍शी आं कली रिम्‍शो मदुम्‍ब। गो मारेइ पने चाप्‍ता हना यो, मरिम्‍शो पतीक आ वाइल मदुम्‍नुङ। १कोरिन्‍थी १०:२३

१ कोरिन्‍थी 7:25

ग्‍युंबे मपथु बाक्‍ब आन पर्बम प्रभुमी आं कली मारेइ मअरेव। तन्‍न गो प्रभु आ शिशी पतीकेमी थमा सुइक्‍ब मुर दुम्‍ती, गो आं मिम्‍शो देंनुङ।

१ कोरिन्‍थी 7:40

गो परमप्रभु यावे आ सोक्‍तीम ब्रीशो मुर नङ। गो मार मिम्‍नुङ देंशा हना, लेंशा ग्‍युंबे पचा क्‍येङा ग्‍युंबे मपथु बाक्‍चा रिम्‍शो दुम्‍ब। मिनु ग्‍येरशा बाक्‍चा तांइसीब दे मिम्‍नुङ।

२ कोरिन्‍थी 12:1

नें बोरपाइक्‍तीक लोव़ शोर गाक्‍शो बाक्‍त हना यो, गो आं नें बोरपा लोव़ पचा मप्रोंइनुङ। मारदे हना प्रभुमी छेङछेङ पा तपांइसीशा तुइक्‍पाइक्‍ती, दे मुल सम्‍म इन मतुइश्‍शो लोव़ तुइक्‍पाइक्‍नन्‍नी।

२ कोरिन्‍थी 8:6

ङोंइती तीतसमी इन कली क्‍येट पोक्‍पाइक्‍तु। मुल गो तीतस कली “इन क्‍येट पोक्‍तीके, रिम्‍शो गेय, थुमीन” दे अरेतक।

२ कोरिन्‍थी 8:8

इन कली अधिकार तशो लोव़ मपाइनुङ। थमा पा दाक्‍चा दोपा तांइसीब देंशा हना, सुइमी गेन की गेन माइक्‍चा मपुंइसीथु, आंम थुंमी मिम्‍शा गेशो रे तांइसीब। शुशेमी मोपा गेम्‍तेक्‍म। मिनु गेपुकीमी यो दाक्‍तीक गेय कोंइदीने।

२ कोरिन्‍थी 9:2

साइ थोचे क्‍येट पोक्‍चा माल्‍ब देंशो नेंशा “पोक्‍नीकी की पोक्‍नीकी” दे प्रेक्‍तीनी। मिनु इन कली मोपा प्रेक्‍शो तशा, मासीडोनीयाम बाक्‍ब आन कली “आकाया ङा मुरपुकीम ग्‍येरसीशा क्‍येट पोक्‍नीम” दे लोव़ नेंपाइक्‍तामी। मिनु शुशेमी “गो यो पोक्‍नीकी” देंतेक्‍मे। २कोरिन्‍थी ८:१९

फिलिप्‍पी 4:17

इन गेशो क्‍येट ममिम्‍नुङ, तन्‍न परमप्रभु यावेमी इन मो पशो तशा, इन कली रिम्‍शो पाइब। गो मोदेंशो तचा दाक्‍नुङ।

हिब्रू 13:16

अरु आन कली रिम्‍शो पने। मथीब मचाप्‍ब आन कली मार माल्‍दा, मेको गेचा मप्रेंदीने। मिनु परमप्रभु यावेमी इन कली मोदेंब रिम्‍शो पशो तशा ग्‍येरब।