२ कोरिन्‍थी 8:1 - Sunuwar Bible

¹ आं लोक्‍बपुकी, परमप्रभु यावेमी मासीडोनीया रागीमी बाक्‍ब थमा सुइक्‍ब आन कली शिशी पशो आ पर्बम इन कली शेंनीकी। रोमी १५:२६

२ कोरिन्‍थी 8:1 ပူးပေါင်းရင်းမြစ်များ

मत्ती 25:22

मिनु टलेन्‍ट निक्‍शी ताक्‍बमी जाक्‍शा ‘हजुर, टलेन्‍ट निक्‍शी गेतीनी। मिनु मार मार पशा, अर्को टलेन्‍ट निक्‍शी सेल्‍ता। मुल ४ दुम्‍त’ देंमेनु,

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

प्रेरित 16:9

मिनु त्रोआस सहरमी बाक्‍मानु, काबु नाक्‍दो प्रभुमी पावल कली कोंइतीक कोंइदा बाक्‍त। मार कोंइदा बाक्‍त देंशा हना, मासीडोनीया रागी ङा मुर का पावल आ ङोंइती राप्‍शा “आंइ मासीडोनीया रागी पिशा, आंइ कली वारच पाइक्‍चा नकी, हजुर” दे पुंइशो तवा बाक्‍त।

प्रेरित 24:17

मिनु मुल मार देंनुङ देंशा हना, गो शुश बर्स मुर आन रागीमी हिरथ लशा, साबेर गाबेर यरूसलेम लेश्‍शा जाक्‍ती। आंम आंइ यहूदी मारेइ मथीब आन कली मार मार गेथ नु परमप्रभु यावे कली मार मार चढ़ेथ लेश्‍शा जाक्‍ती। रोमी १५:२५-२६; गलाती २:१०

रोमी 15:26

मासीडोनीया नु आकाया रागीमी बाक्‍ब थमा सुइक्‍बपुकीमी “यरूसलेमम बाक्‍ब थमा सुइक्‍बपुकीमी जचा मतामे” देंशो नेंशा, क्‍येट पोक्‍शा गेतीमी। मोपतीके मेको आन कली क्‍येट चोव़थ लाइनुङ। १कोरिन्‍थी १६:१; २कोरिन्‍थी ८:१-४

१ कोरिन्‍थी 15:10

तन्‍न परमप्रभु यावेमी शिशी पा आ सोइश्‍शो नु आ लोव़ शेंब सेल्‍ती। आ शिशी पशो यो मो मबाक्‍ब। मिनु गो नेल्‍ल आन क्‍येङा शुश गेय पाता। मेको नेल्‍ल आं पशो ममाइ, तन्‍न परमप्रभु यावे आ पपाइश्‍शो बाक्‍ब। २कोरिन्‍थी ११:५,२३

२ कोरिन्‍थी 11:9

गेपुकी नु बाक्‍शा शेंदन्‍नीनु, मासीडोनीया रागी रे जाक्‍शो थमा सुइक्‍ब लोक्‍बपुकीमी आं कली माल्‍शो थोव़क गेशा, वारच पाइक्‍तीमी। मोपा आन पशोमी गेपुकीमी मोशा शेंसीचा ताइतीनी। मुल यो मारेइ ताक्‍चा ममाल्‍ङल, दे मिम्‍ताक्‍ङ।

२ कोरिन्‍थी 9:12

मोदेंशो हाइश्‍शा गेशोमी श्‍येत जशो थमा सुइक्‍ब आन कली रिम्‍शो दुम्‍ब। मोशो ला ममाइ, शुशेमी परमप्रभु यावे कली ठेयब सेल्‍नीम

२ कोरिन्‍थी 9:2

साइ थोचे क्‍येट पोक्‍चा माल्‍ब देंशो नेंशा “पोक्‍नीकी की पोक्‍नीकी” दे प्रेक्‍तीनी। मिनु इन कली मोपा प्रेक्‍शो तशा, मासीडोनीयाम बाक्‍ब आन कली “आकाया ङा मुरपुकीम ग्‍येरसीशा क्‍येट पोक्‍नीम” दे लोव़ नेंपाइक्‍तामी। मिनु शुशेमी “गो यो पोक्‍नीकी” देंतेक्‍मे। २कोरिन्‍थी ८:१९

२ कोरिन्‍थी 9:4

मारदे हना गो इन बाक्‍तीके जाक्‍ङानु, मासीडोनीया ङा मुर आन ङोंइती गे क्‍येट मपोक्‍थु बाक्‍शा मुने मदोक्‍कीन, दे मेको सां आन कली इन बाक्‍तीक सोइक्‍ताक्‍ङ।

एफिसी 3:8

गो परमप्रभु यावे आ मुर नेल्‍ल आन क्‍येङा आइक्‍च बाक्‍नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्‍त आ शिशी गिश ठेयब बाक्‍बा तुइक्‍पाइक्‍मी” दे शेंब सेल्‍ती। १कोरिन्‍थी १५:९-१०; गलाती १:१६; एफिसी १:७

कलस्‍सी 1:29

मोपतीके गो बोल पा शुश गेय पाइनुङ। येसु ख्रीस्‍तमी आं कली मोदेंशो पा आ सक्तिमी गेय पपाइक्‍ब।

१ थिस्‍सलोनिकी 4:10

मिनु गेपुकी थमा पा मासीडोनीया रागी ङा लोक्‍ब नेल्‍ल आन कली दाक्‍नीनी। गोपुकीमी मेको क्‍येङा यो दाक्‍तीन, दे इन कली अरेनीकी।