२ कोरिन्‍थी 7:6 - Sunuwar Bible

⁶ तन्‍न परमप्रभु यावेमी आइक्‍च थुं पाइश्‍शो आन कली आन थुं बारपाइक्‍ब। मिनु तीतस जाक्‍शा आंइ थुं बारपाइक्‍तु। मिनु आंइ थुं बारत। २कोरिन्‍थी २:१३

२ कोरिन्‍थी 7:6 ပူးပေါင်းရင်းမြစ်များ

यसैया 12:1

मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।

यसैया 51:12

परमप्रभुमी “गो इन कली थुं बारपाइक्‍ब नङ। गे मुर तशा, मारदे हिंनीनी? मुरपुकी घांस खोदेंशो पा बेक्‍नीम। भजन संग्रह ५६:५; मत्ती १०:२८; यसैया ४०:१,६

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 57:18

गो मेको आन पशो ताता। तन्‍न गो मेको आन कली सापाइक्‍नुङमी। मेको आन कली कुक्‍शा, आन थुं बारपाङक्‍नुङमी। मेको आन दाते ङा रोंका पाइब आन कली थुं बारपाइक्‍तीक लोव़ पाइनुङ” देंत। प्रस्‍थान १५:२६

येरमीया 31:13

मेना ठिटी मीश मुर ग्‍येरशा सिल पाइनीम। ठिटा नु खाल्‍पा ग्‍येरनीम। गो मेको आन रोंका पतीके ग्‍येरतीकेम फाइक्‍नुङ। गो मेको आन थुं बार पाइश्‍शा, सुर्ता पतीक आ पा ङा ग्‍येरतीक थुं गेनुङमी।

मत्ती 5:4

आन थुं खाइश्‍शोपुकी आसीक राइनीम। मारदे हना आन थुं नाइक्‍चा ताइनीम। भजन संग्रह १२६:५; प्रकाश ७:१७

यूहन्‍ना 14:16

गेपुकी नु काथा बाक्‍शा, वारच पाइब का सोइक्‍चा, दे आं आफ कली पुंइनुङ। मेको गेपुकी नु गेना हना यो मप्रोंइथु बाक्‍ब। यूहन्‍ना १५:२६; यूहन्‍ना १६:७

रोमी 15:5

फाल्‍तीक सक्ति गेब नु थुं बारपाइक्‍ब परमप्रभु यावेमी इन कली थुं का दुम्‍शा, दुशा गारशा बाक्‍चा गेवल। दुशा गारशा बाक्‍तीनी हना, ख्रीस्‍त येसु आ गेय पाइब दुम्‍नीनी। फिलिप्‍पी २:२

२ कोरिन्‍थी 7:13

मोपतीके गो इन कली आं देंशो टिशो तशा, ग्‍येरसाक्‍क। मिनु आंइ थुं नाइक्‍ताक्‍क। गेपुकीमी तीतस कली आ थुं नाइक्‍पाइक्‍तीनी। आ थुं नाइश्‍शो तशा शुश ग्‍येरसाक्‍क।

२ कोरिन्‍थी 7:14

मोदेंशो पा तीतस कली यो “कोरिन्‍थीपुकीमी आं लोव़ टीनीमी, रिम्‍शो पाइनीम” दे थमा लोव़ पशो नङ। मुल तीतसमी इन कली आं लोव़ टिशो तशा, थमा बाक्‍माक्‍त, दे तुइक्‍ताक्‍व। मोपा आं कली मुने मतोक्‍नी। मोपतीके आं नें बोरपा बाक्‍ती।

२ कोरिन्‍थी 7:7

तीतस कली तशा ला ममाइ, तीतस आ लोव़ नेंशा, ठेयब थुं पाइश्‍शो दुम्‍तक। तीतसमी आंइ कली “कोरिन्‍थीपुकीमी थम रिम्‍शो पाइक्‍तीमी। आं कली शुश मान पशा कोंइताय्‍यीमी। आं थुं बारपाइक्‍तीमी” देंत। आ देंशो नेंशा गो थाम्‍पा ग्‍येरसाक्‍यी।

फिलिप्‍पी 2:1

ख्रीस्‍त आ पर्बम इन दातेमी थुं बारपाइक्‍तीके, दाक्‍शा वारच पाइब, दे थुं नाइक्‍तीके, थमा सुइश्‍शा थुं का दुम्‍तीके, दाक्‍मुतीके नु शिशी पतीके बाक्‍तेक्‍म हना,

१ थिस्‍सलोनिकी 3:2

गो निक्‍शीमी आंस लोक्‍ब, गो नु परमप्रभु यावे आ गेय पाइब, ख्रीस्‍त आ ग्‍येरपाइक्‍ब लोव़ शेंब, तिमोथी कली इन थमा सुइक्‍तीक बारपाइक्‍चा नु इन कली अरेचा कली सोइक्‍ताक्‍स्‍कु। प्रेरित १६:१-३