२ कोरिन्‍थी 7:5 - Sunuwar Bible

⁵ गो मासीडोनीया रागीम शेंना शेंन गाक्‍कानु, शुश श्‍येत जाइतक। मुरपुकीमी गडङ मडङ पा खेदा पा श्‍येत गेतीकी। मिनु शुश हिंचा माल्‍तक। प्रेरित २०:१-२; २कोरिन्‍थी ४:८

२ कोरिन्‍थी 7:5 ပူးပေါင်းရင်းမြစ်များ

उत्पत्ती 8:9

मेको ढुकुर चहिं जुक्‍तीक मथित्‍थु लेश्‍शा, नोआह आ बाक्‍तीके जाक्‍माक्‍त। मारदे हना आ लतीकेमी ब्‍वाक्‍कुम सुम्‍शो बाक्‍माक्‍त। मिनु नोआहम गुइ दिं‍शा ताक्‍शा, मेको कली ओंइदा बाक्‍त।

अय्‍युब 18:11

शुश हिंतीकेम मेको आन कली ख्रिंख्रि पपाइक्‍ब। ते बाक्‍तेक्‍म हना यो, मेकेर हिंतीके यो बाक्‍ब। लेवी २६:३६

यसैया 33:12

मिनु जात जात ङा मुर बुलु खोदेंशो पा ब्राइ‍नीम। मेकोपुकी क्‍योरशो चू मीम जेश्‍शो खोदेंशो पा जेत्‍चा पुंइसीनीम।

येरमीया 20:10

गो शुश मुरपुकीम नोफा मुइक्मुशा लोव़ पशो नेंता। मेकोपुकीमी ‘एर ओंथ नेल्‍ल हिंचा ङा श्‍येत बाक्‍ब। येरमीया कली दोस गेय। मेको आ पर्बम उजुर पय’ देंनीम। आं नेक्‍था ङा वारच नेल्‍लेमी ‘गेना दाइल पांइसीबा’ दे आं कली कोव़नीम। मिनु लेंशा ‘गो मेको आ पर्बम लोव़ पा मेको कली ग्राने चाप्‍नीकी। गो मेको क्‍येङा ग्राशा क्‍येक्‍क लेत्‍नय’ देंतेक्‍म” देंत। येरमीया २०:३; येरमीया १८:१८

येरमीया 45:3

गे “आबी, आबी, आं कली मार दुम्‍बा। परमप्रभु यावेमी आं श्‍येतम सुर्ता पतीक तेम्‍ताक्‍व। गो हुकयी पना पन दती। गो तेइ नाइक्‍चा मतङ” देंते।

येरमीया 6:25

“रू मेर मलने। लां मेर मगाक्‍कीन। मारदे हना इन जोरी सत्रु आन गुइमी तरवार बाक्‍ब। मिनु एर ओंथ नेल्‍ल शुश हिंतीक बाक्‍ब” देंशो नेंतक। येरमीया २०:३

येरमीया 8:18

मिनु “गो आं ग्‍येरसीतीक नेल्‍ल जाम्‍त। गो आं थुं खाइक्‍ती। येरमीया ४:१९

प्रेरित 20:1

मिनु मेको रेयके नाइक्‍तमे नोले पावलमी थमा सुइक्‍ब आन कली ब्रेश्‍शा खुप्‍शा “थमा सुइक्‍चा मप्रोंइथु, इन थुं बारपा बाक्‍कीन” देंशा आन कली मेक उइ प्रोंइशा मासीडोनीया लमाक्‍त। २कोरिन्‍थी २:१३

रोमी 15:26

मासीडोनीया नु आकाया रागीमी बाक्‍ब थमा सुइक्‍बपुकीमी “यरूसलेमम बाक्‍ब थमा सुइक्‍बपुकीमी जचा मतामे” देंशो नेंशा, क्‍येट पोक्‍शा गेतीमी। मोपतीके मेको आन कली क्‍येट चोव़थ लाइनुङ। १कोरिन्‍थी १६:१; २कोरिन्‍थी ८:१-४

१ कोरिन्‍थी 15:31

आं लोक्‍बपुकी, येसु ख्रीस्‍त, इं प्रभु आ मुर दुम्‍तीनी। मिनु इन कली तशा, आं नें बोरपाइक्‍नुङ। तन्‍न शेंना शेंन गाक्‍शा, नाक्‍त किंत किंत बेक्‍चा ङा खोदेंशो दुम्‍नुङ। २कोरिन्‍थी ४:१०

१ कोरिन्‍थी 16:5

गो मासीडोनीया रागी लाक्‍‍शा, इन कली ग्रुम्‍थ जाक्‍नुङ। प्रेरित १९:२१

२ कोरिन्‍थी 2:13

तन्‍न आं दाक्‍शो लोक्‍ब तीतस कली मग्रुम्‍थु, आं थुं मनाइक्‍स। मोपतीके मेको आन कली प्रोंइ‍शा, मासीडोनीया लती। २कोरिन्‍थी ७:६; प्रेरित २०:१

२ कोरिन्‍थी 2:3

गो ङोंइती मार मिम्‍शा ब्रेक्‍ताक्‍ङ देंशा हना, गो जाक्‍ङानु, सु मुरपुकीमी आं कली ग्‍येरपाइक्‍चा माल्‍नीमी, मेको रे पा आं थुं मखाइक्‍ल, दे ब्रेक्‍ताक्‍ङ। मारदे हना गो ग्‍येरसीङानु, गे नेल्‍ल ग्‍येरसीनीनी, दे थमा सुइक्‍नुङ।

२ कोरिन्‍थी 2:9

गे टीनीनी देय मटीनीनी, दे गो इन कली ङोंइती ङा चिठी सोइश्‍शो नङ।

गलाती 4:11

गो शुश श्‍येत पा येसु ख्रीस्‍त आ लोव़ शेंताक्‍न्‍नी। इन कली शेंशा श्‍येत ला जङा कों, दे मिम्‍ताक्‍ङ। २यूहन्‍ना ८

ब्‍यवस्‍था 32:25

लां लांमी तरवारम मेको आन कली रोम रोइक्‍च सेल्‍नुङ। खिं खिंम राम्‍शी पोक्‍नुङ। ठिटा ठिटी, दूध तूब आल, चां बोइश्‍शो नेल्‍ल आन कली खाल का ङा पाइ‍नुङ। इजीकीएल ५:१७; इजीकीएल १४:२१

१ थिस्‍सलोनिकी 3:5

गो इन कली श्‍येत जशो तशा फाल्‍ने मचबु। मोपतीके तिमोथी कली इन थमा सुइक्‍तीक दोपा बाक्‍म, दे तुइक्‍चा कली कोव़थ सोइक्‍ताक्‍ङ। मुर आन कली पाप पपाइक्‍बमी इन कली बिग्रेवा कों, आंइ पशो गेय यो मोशा लम कों, दे गो हिंती। फिलिप्‍पी २:१६