२ कोरिन्‍थी 7:2 - Sunuwar Bible

² इन थुं आंइ गे हिरदीन। मारदे हना गो सुइ इन कली मरिम्‍शो मपक। सुइ आन कली मरिम्‍शो मसेल्‍क। सुइ रे पा मारेइ यो मताक्‍क। २कोरिन्‍थी १२:१७; प्रेरित २०:३२

२ कोरिन्‍थी 7:2 ပူးပေါင်းရင်းမြစ်များ

गन्‍ती 16:15

मिनु मोसा शुश गाइश्‍शा, परमप्रभु यावे कली “मेको आन चढ़ेशो मताक्‍कीन। गो मेको आन गधा का यो मताक्‍गु। गो मेको आन कली मरिम्‍शो यो मपङ” देंत।

मत्ती 10:14

मुरपुकीमी इन लोव़ मनेंथु, बास मगेम्‍तेक्‍म हना, इन खोइल ङा फुरक थुर थुर पाइश्‍शा गाक्‍कीन। प्रेरित १३:५१

मत्ती 10:40

इन कली ब्राइबमी आं कली ब्राइब। मिनु आं कली ब्राइबमी आं कली सोइक्‍ब कली यो ब्राइब।

लूका 10:8

सहरम जाक्‍दीन्‍नीनु, मुरपुकीम इन कली ब्रशा, बास गेशा थुल्‍तेक्‍म हना, मार जचा गेमे, मेको जने।

प्रेरित 20:33

गेपुकी नु बाक्‍ङानु, इन बाक्‍शो सुन चांदी वा नेल्‍ल तशा मवाल्‍ङ। मारेइ मताक्‍गु।

रोमी 16:18

मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

२ कोरिन्‍थी 11:16

गो इन कली लेंशा देंनुङ, मार देंती हना यो, आं लोव़ नेंचा मप्रोनीन। गो निप्‍स ग्राइश्‍शो लोव़ पाइब खोदेंशो पा, आ नें बोरपाइश्‍शो लोव़ पना पन बाक्‍ती हना यो, आं लोव़ नेनीने। २कोरिन्‍थी १२:६

२ कोरिन्‍थी 11:9

गेपुकी नु बाक्‍शा शेंदन्‍नीनु, मासीडोनीया रागी रे जाक्‍शो थमा सुइक्‍ब लोक्‍बपुकीमी आं कली माल्‍शो थोव़क गेशा, वारच पाइक्‍तीमी। मोपा आन पशोमी गेपुकीमी मोशा शेंसीचा ताइतीनी। मुल यो मारेइ ताक्‍चा ममाल्‍ङल, दे मिम्‍ताक्‍ङ।

२ कोरिन्‍थी 4:2

गोपुकीमी मुने दोक्‍तीक ख्रुइश्‍शा पतीक गेय प्रोंइशो बाक्‍नीक। मरिम्‍शो पा परमप्रभु यावे आ लोव़ फाइक्‍चा रे ङोन बाक्‍नीकी। तन्‍न परमप्रभु यावे आ लोव़ तुइक्‍पाइक्‍तीकेमी मुर नेल्‍ल नु परमप्रभु यावे आ ङोंइती ब्रचा ङा बाक्‍नीकी। २कोरिन्‍थी २:१७; १थिस्‍सलोनिकी २:५

फिलिप्‍पी 2:29

गेपुकीमी प्रभु आ नेंमी मेको कली रिम्‍शो पने, ग्‍येरसीने। मोदेंशो मुर कली ठेयब सेलीन। १कोरिन्‍थी १६:१६

कलस्‍सी 4:10

गो नु ग्‍याइक्‍चा पुंइसीब वारच अरीस्‍तारकसमी इन कली “रिम्‍शो बाक्‍कीन” दे आं कली ब्रेक्‍पाइक्‍ती। बारनाबास आ लोक्‍ब मर्कूसमी यो इन कली “रिम्‍शो बाक्‍कीन” देंत। मेको जाक्‍मेनु, रिम्‍शो पा बाक्‍चा गेने। मेको आ पर्बम इन कली ङोंइती तुइक्‍पाइक्‍तन्‍नी। प्रेरित १९:२९; प्रेरित २७:२; प्रेरित १२:१२,२५

१ थिस्‍सलोनिकी 2:10

गो ठीक, रिम्‍शो नु परमप्रभु यावे आ गेय ला पाइतक। परमप्रभु यावेमी मेको तुइक्‍ब। मिनु गे थमा सुइक्‍बमी यो तुइक्‍नीनी।

फिलेमोन 1:12

मेको कली सोइश्‍शो ला ममाइ, पावलन जाक्‍शो मिम्‍तो।

फिलेमोन 1:17

मोपतीके वारच मिम्‍ताक्‍यी हना, आं कली ब्रशो खोदेंशो पा ओनेसीमस कली ब्रावो।

२ यूहन्‍ना 1:10

सुइ मुर इन बाक्‍तीके जाक्‍शा, थमा शेंतीके लोव़ मपाप्‍तु हना, मेको कली खिं ओव़चा मगेने। मिनु मेको कली “रिम्‍शो बाक्‍को” दे यो मदेनीन। २थिस्‍सलोनिकी ३:६