२ कोरिन्‍थी 7:1 - Sunuwar Bible

¹ आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

२ कोरिन्‍थी 7:1 ပူးပေါင်းရင်းမြစ်များ

२ इतिहास 19:9

मिनु मेकोमी मेको आन कली “इन गेय दोपा पचा देंशा हना, इन पशो नेल्‍लेमी परमप्रभु यावे कली मान पा हिंशा, थमा सुइक्‍चा ङा दुम्‍शा, इन थुं नेल्‍लेमी पचा माल्‍नीनी।

भजन संग्रह 119:9

ठिटा वोंइश मुर दोपा हेंथे मपथु, आन लांम गाक्‍ने चाप्‍नीमी? मेको इन लोव़ टिशा ला मो पने चाप्‍नीम।

भजन संग्रह 19:9

परमप्रभु यावे कली मान पा हिंचा रिम्‍शो दुम्‍शा, गेना हना यो लीब। परमप्रभु यावे आ निसाफ पतीक लोव़ थमा नु गेना हना यो ठीक बाक्‍नीम।

भजन संग्रह 51:10

परमप्रभु, आं थुं क्‍येख सुन खोदेंशो सेलीन। मिनु नक नु ठीक पाइब सोक्‍त गेयीनी। मत्ती ५:८; इजीकीएल ३६:२६-२७

हितोपदेस 16:6

दाक्‍शा गेनायो मप्रोंइतीकेमी मरिम्‍शो पतीक क्‍याम्‍सीब। मिनु सु परमप्रभु यावे कली मान पा हिंबा, मेको मरिम्‍शो रे ङोन लाइब।

हितोपदेस 20:9

मिनु सुमी “गो आं थुं रिम्‍शो सेल्‍ता। आं पाप क्‍याम्‍ताक्‍ङ” देंने चाप्‍बा ङा? हितोपदेस ३०:१२; अय्‍युब ४:१७; अय्‍युब ९:२-३

हितोपदेस 30:12

का निक्‍शी मुरुमी आंम कली “गो गेना हना यो रिम्‍शो पाइब मुर नङ” देंनीम। तन्‍न मेको आन मरिम्‍शो पशो मक्‍याम्‍सीशो बाक्‍ब। हितोपदेस २०:९

हितोपदेस 8:13

परमप्रभु यावे कली मान पा हिंचा, मरिम्‍शो पचा कली काइ मदाक्‍चा बाक्‍ब। फुरती कोंइचा, ठेयब लेश्‍शो दुम्‍चा, मरिम्‍शो थुं ङा गेय पचा नु दूली लोव़ पचा काइ मदाक्‍नुङ।

उपदेसक 11:10

मोपतीके सुर्ता पतीक कली इ थुं रे पा ङोन वोतो। मिनु मरिम्‍शो नेल्‍ल इ रां रे ङोन वोतो। मारदे हना ठिटा दुम्‍तीके नु बोल यो जाम्‍शा लाइब बाक्‍ब।

यसैया 1:16

गेपुकी चिक्‍सीन। ग्रांग्रा मदिशो दुमीन। मिनु आं ङोंइती इन नाक्‍ती किंत किंत ङा मरिम्‍शो पतीके प्रोनीन।

यसैया 55:7

परमप्रभु यावे आ अरेशो मटीबमी आन लां प्रोन्‍मेक्‍ल। मिनु ठीक मपाइबमी आन मरिम्‍शो मिम्‍शो प्रोन्‍मेक्‍ल। परमप्रभु यावे गे लेम्‍मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्‍मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४

येरमीया 13:27

गो पहाडीम नु रू मेर इ पशो ग्रांग्रा दिशो गेय ताता। इ मुरपुकी नु इप्‍शो, इ रेयके पशो नु इ मुने मपथु, तेल्‍लेम दुम्‍शो तशो बाक्‍नुङ। आबी आबी, यरूसलेम गे ग्रांग्रा दिशो दुम्‍नेवे। गेना सम्‍म मोदेंशो बाक्‍नेवे?” देंत।

येरमीया 4:14

मिनु परमप्रभु यावेम “ए यरूसलेम, गे पाप रे ब्रोंइचा तचा कली इ थुं इ परमप्रभु यावे कली मटितीके रे चिक्‍सो। गेना सम्‍म इ मरिम्‍शो मिम्‍तीक इ थुंम बाक्‍चा गेनेवे? येरमीया ६:८; यसैया १:१४

लेवी 13:58

मिनु मेको वासी, कुशुल के सेल्‍शो मारेइ मारेइ थोव़क मुरशोनु, मेको रे बुंखी लत हना, मेको लेंशा मुरचा माल्‍ब। मेको ग्रांग्रा मदिशो बाक्‍ब।

मत्ती 12:33

ब्रोव़शो फल सिप्‍ब रवा ख्रुम्‍तीनी हना, ब्रोव़शो फल सिप्‍ब। मब्रोव़शो फल सिप्‍ब रवा ख्रुम्‍तीनी हना, मब्रोव़शो फल सिप्‍ब। फल थाम्‍शा रिम्‍शो रवा बाक्‍म, दे मरिम्‍शो रवा बाक्‍म मेको तुंइसीब। मत्ती ७:१६-१८

मत्ती 5:48

मोपतीके दोपा इन स्‍वर्ग ङा आफोमी रिम्‍शो पाइबा, मोपा गे यो रिम्‍शो पने। लेवी १९:२

मत्ती 5:8

आन पाप क्‍याम्‍चा पुंइसीशा, रिम्‍शो थुं दुम्‍शोपुकी आसीक राइनीम। मारदे हना परमप्रभु यावे कली ताइनीम। भजन संग्रह २४:३-५; भजन संग्रह ५१:१२-१३; १यूहन्‍ना २:२-३

प्रेरित 9:31

मिनु यहूदीया, गालील नु सामरीया रागीमी बाक्‍ब थमा सुइक्‍बपुकी खेदा पचा मपुंइसीथु, बाक्‍चा तामे बाक्‍त। थमा सुइक्‍बपुकीमी प्रभु कली मान पा हिंशा, परमप्रभु यावे आ सोक्‍त रे पा वारच पचा पुंइसीशा, आन थुं बारना बारन ल‍माक्‍त। मिनु थमा सुइक्‍ब यो तेम्‍सीन सीन लमा बाक्‍त।

रोमी 5:20

परमप्रभु यावेमी आ अरेशो लोव़ ब्रेक्‍पदा रे पाप तुइक्‍ना तुइक्‍न लाम्‍तेक्‍म। मिनु पाप ठेयब दुम्‍मेनु, परमप्रभु यावे आ शिशी मेको क्‍येङा ठेयब दुम्‍त। रोमी ७:८,१३; गलाती ३:१९

१ कोरिन्‍थी 6:20

गे ग्‍याप्‍शो मुर बाक्‍नीनी। मोपतीके इन रांमी परमप्रभु यावे कली ठेयब सेलीने। १कोरिन्‍थी ७:२३; १पत्रुस १:१८-१९; फिलिप्‍पी १:२८

२ कोरिन्‍थी 1:20

परमप्रभु यावे आ गेशो लोव़ नेल्‍ल येसु ख्रीस्‍तमी खाप्‍तु। मोपतीके गो मेको आ नेंमी आमेन देंनीकी। मिनु परमप्रभु यावे कली “ठेयब बाक्‍नीनी” दे ठेयब सेल्‍नीकी। प्रकाश ३:१४

एफिसी 2:3

मिनु ङोंइती गो नेल्‍ल मोदेंशो रागी ङा मुर बाक्‍तय। गोपुकी यो मार दाक्‍तय, मेकोन पाइतय। इं रां नु थुंमी मार दाक्‍ता, मेकोन पाइतय। मोपतीके गोपुकी यो अरु मुर खोदेंशो पा गाइक्‍ब आ आल दुम्‍‍तय। १पत्रुस ४:३; कलस्‍सी ३:६

१ थिस्‍सलोनिकी 3:13

मोपा प्रभु येसु आ मुर नु जाक्‍ची ना इन थमा सुइक्‍तीक थुं बारपाइश्‍शा, दोस गेचा मपुंइसीब, इं आफ परमप्रभु यावे आ ङोंइती रिम्‍शो सेलल। १कोरिन्‍थी १:८; फिलिप्‍पी १:१०

१ थिस्‍सलोनिकी 4:7

परमप्रभु यावेमी इं कली ग्रांग्रा दिचा ङा गेय पचा कली मयोव़ङ। पाप रे ङोन बाक्‍चा कली योव़तु।

१ थिस्‍सलोनिकी 5:23

थुं नाइक्‍पाइक्‍ब परमप्रभु यावेमी इन कली थम रिम्‍शो सेलल। इन सोक्‍त, थुं नु रां इं प्रभु येसु ख्रीस्‍त मयिम सम्‍म रिम्‍शो नु दोस मताइब दुम्‍शा बाक्‍मल।

हिब्रू 12:23

आन नें स्‍वर्गम ब्रेक्‍चा पुंइसीशा, इन क्‍येङा ङोंइती जाक्‍दीश्‍शा, पाप रे ब्रोंइशा ग्‍येरशा बाक्‍चा ताइबपुकी बाक्‍नीम। परमप्रभु यावेमी मुर नेल्‍ल आन कली निसाफ पाइब आ नेक्‍था बाक्‍नीम। लूका १०:२०

हिब्रू 12:28

मोपतीके गेनायो महिम्‍सीब राज्‍य ओव़चा ताइनय, दे तुइश्‍शा, परमप्रभु यावे कली मान पा ठेयब सेल्‍ना सेल्‍न “गे रिम्‍शो पाइब बाक्‍नीनी” देंशा, ग्‍येरशा आ दाक्‍शो गेय पना पन बाक्‍य।

हिब्रू 4:1

मोपतीके होस पांइसय, थुं नाइक्‍चा ताइनीनी देंशो लोव़ मुल यो लीशो बाक्‍तीके, होस पा बाक्‍य। मारदे हना सु सुमी आ लोव़ मटीमे, मेको ओव़चा मताइनीम।

हिब्रू 6:9

आंइ दाक्‍शो लोक्‍बपुकी, गोपुकीमी ओदेंशो लोव़ पाइतक हना यो, इन कली तशा, गे पाप रे ब्रोंइचा तशो ननी, दे थमा सुइक्‍नीकी।

याकूब 4:8

परमप्रभु यावे आ नेक्‍था लने। मो पाइतीनी हना, मेको इन नेक्‍था जाक्‍ब। गे पापीपुकी “आंइ पाप क्‍याम्‍दीने” देंशा, माफ पुनीने। थुं निक्‍शी पाइश्‍शो मुरपुकी, इन थुं परमप्रभु यावे गे लेश्‍शा, थुं का दुमीने। जकरिया १:३; यसैया १:१६

१ पत्रुस 1:15

इन कली ब्रेप्‍ब, येसु ख्रीस्‍त दोदेंशो बाक्‍मे, गे यो मोदेंशो दुम्‍शा बाक्‍कीन।

१ पत्रुस 1:17

गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। रोमी २:११; फिलिप्‍पी २:१२

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

१ पत्रुस 2:11

आं दाक्‍शो लोक्‍बपुकी, गो इन कली इन थुं बारपाइक्‍तीक लोव़ पाइनुङ। गो रागीम बाक्‍यानु, रागी ङा पौना खोदेंशो बाक्‍नय। मोपतीके इन दला दाक्‍स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्‍कीन। मारदे हना मोदेंशो गेय इन थमा सुइक्‍तीक थुं नु जीब। भजन संग्रह ३९:१३

१ पत्रुस 5:10

मिनु का निक्‍शी नाक्‍त श्‍येत जनी नोले नेल्‍ल शिशी पाइब परमप्रभु यावेमी “गेना हना यो छेङछेङमी बाक्‍चा गेनुङमी” दे ख्रीस्‍त आ नेंमी इन कली ब्रेश्‍शो बाक्‍त। मेकोमी इन कली आ राज्‍यम गारचा ङा सक्ति पाइश्‍शो नु ठीक सेल्‍ब। १पत्रुस १:६

१ यूहन्‍ना 1:7

मेको छेङछेङमी बाक्‍शो खोदेंशो पा, गो छेङछेङमी गाक्‍तय हना, अर्को थमा सुइक्‍बपुकी नु थुं का ङा दुम्‍नय। मिनु आ तौ येसु आ हुशेमी इं मरिम्‍शो पशो नेल्‍ल क्‍याम्‍ब। हिब्रू ९:१४; प्रकाश १:५

१ यूहन्‍ना 1:9

गोपुकीमी “मरिम्‍शो पाइतक” देंतय हना, इं मरिम्‍शो पतीके क्‍याम्‍शा, इं कली शेक्‍ब। मारदे हना मेको आ देंशो पाइब नु ठीक पाइब बाक्‍ब। भजन संग्रह ३२:३-५; हितोपदेस २८:१३

१ यूहन्‍ना 3:3

मिनु सु मेको आ मग्रूम सम्‍म रिम्‍शा बाक्‍बा, मेको येसु ख्रीस्‍त पाप रे ङोन बाक्‍शो खोदेंशो पा, मेको यो पाप रे ङोन बाक्‍ब।