२ कोरिन्‍थी 6:18 - Sunuwar Bible

¹⁸ मिनु गो इन आफ दुम्‍नुङ। मिनु गेपुकी आं तमी तौ दुम्‍नीनी” दे नेल्‍ल सक्ति पाइश्‍शो परमप्रभु यावेमी देंत, दे ब्रेक्‍शो बाक्‍ब। यसैया ५२:११; इजीकीएल २०:४१; २सामुएल ७:१४; यसैया ४३:६; होसे २:१

२ कोरिन्‍थी 6:18 ပူးပေါင်းရင်းမြစ်များ

उत्पत्ती 17:1

मिनु अब्राम ९९ बर्स दुम्‍मेनु, परमप्रभु यावे अब्राम आ ङोंइती ग्रूशा, मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे, गो नु बाक्‍शा, ठीक पाइब दुमो। उत्‍पत्ती ३५:११; प्रस्‍थान ६:३; ब्‍यवस्‍था १०:१२

उत्पत्ती 48:3

मिनु याकूबमी योसेफ कली “नेल्‍ल सक्ति पाइश्‍शो परमप्रभुमी कनान रागी ङा लूज सहरम ग्रूशा, आं कली आसीक गेती। उत्‍पत्ती २८:१७-१९

२ सामुएल 7:14

गो मेको आ आफ दुम्‍नुङ। मिनु मेको आं तौ दुम्‍ब। मेकोम मरिम्‍शो पाप्‍तु हना, गो मेको कली मुर खोदेंशो पा कोक्‍केम तुप्‍नुङ। भजन संग्रह २:७; भजन संग्रह ८९:२७; लूका १:३२; हिब्रू १:५

१ इतिहास 17:13

गो मेको आ आफ दुम्‍नुङ। मिनु मेको आं तौ दुम्‍ब। गो मेको आ ङोंइती ङा सासन पाइब रे आं गेना हना यो दाक्‍तीके प्रोंइशो खोदेंशो पा दाऊद रे मप्रोंइनुङ।

भजन संग्रह 22:30

मिनु मेको आन चच युइपुकीमी मेको कली सेवा पाइनीम। मिनु आन नोले ङा पाला ङा मुर परमप्रभु यावे आ पर्बम शेंचा पुंइसीनीम।

यसैया 43:6

गो उत्तर कली ‘प्रोंइशा सोइक्‍तीमी’ माइक्‍नुङ। दक्‍खिन कली ‘मतेक्‍मी’ आं तौ आन कली ङोन रागी रे चाक्‍कीन। मिनु आं तमी आन कली रागी आ सुर रे चाक्‍कीन।

येरमीया 3:19

मिनु गो इन कली आंम आल आन दातेमी बाक्‍चा गेनुङ। गो इन कली रिम्‍शो रागी का गेनुङ। मेको रागी नेल्‍ल आन दाते ङा नेल्‍ल क्‍येङा दारशो रिम्‍शो रागी बाक्‍ब। मिनु गे आं कली ‘आं आफ’ देंनीनी। गे नोले मशोइक्‍ब दुम्‍नीनी, दे मिम्‍ताक्‍ङ। ब्‍यवस्‍था ७:६; ब्‍यवस्‍था ३२:६; ब्‍यवस्‍था ८:७; येरमीया ३:४

येरमीया 31:1

परमप्रभु यावेमी “गो इस्राएली आन खिं नेल्‍ल ङा मुर आन परमप्रभु दुम्‍नुङ। मिनु मेकोपुकी आं मुर दुम्‍नीम” देंशो बाक्‍ब। येरमीया ७:२३

येरमीया 31:9

मेकोपुकी ङाक्‍ना ङाक्‍न जाक्‍नीम। गो मेको आन कली शिशी पा लेश्‍शा चाक्‍नुङमी। गो मेको आन कली खोला आ नेक्‍था गाक्‍पाइक्‍नुङमी। दाइल मपांइसीचा ङा पित्‍थ लांम खुल्‍नुङमी। मारदे हना गो इस्राएल आ आफ दुम्‍शो बाक्‍नुङ। मिनु एफ्राइम आं ङोंइती जरमेशो तौ बाक्‍ब।

यूहन्‍ना 1:12

सु सुमी चहिं ब्रामे नु थमा सुदमे, मेको आन कली परमप्रभु यावे आ तमी तौ दुम्‍चा गेप्‍तु। गलाती ३:२६

रोमी 8:19

परमप्रभु यावे आ सेल्‍शो नेल्‍लेमी “परमप्रभु यावे आ तमी तौ दोदेंशो बाक्‍नीमी” दे कोव़चा दाक्‍नीम। कलस्‍सी ३:४; १यूहन्‍ना ३:२

रोमी 8:29

मारदे हना आ ङोंइती तुइश्‍शो मुर कली “आं तौ खोदेंशो दुम्‍मल” दे योव़तु। आ तौ मेको योव़शो लोक्‍ब आन क्‍येङा ङोंइती जरमेशो बाक्‍ब। कलस्‍सी १:१८; हिब्रू १:६

गलाती 3:26

ख्रीस्‍त येसु कली थमा सुइश्‍शा, गे नेल्‍ल परमप्रभु यावे आ तमी तौ दुम्‍तीनी। यूहन्‍ना १:१२; रोमी ८:१७

एफिसी 1:5

मिनु परमप्रभु यावेमी इं कली दाक्‍शा “येसु ख्रीस्‍त कली थमा सुइक्‍ब दुम्‍नीम” दे आंम आ तमी तौ सेल्‍तु। मेकोन परमप्रभु यावे आ दाक्‍शो बाक्‍त।

प्रकाश 1:8

परमप्रभु यावे मुल बाक्‍ब, ङोंइती यो बाक्‍शो बाक्‍त। मिनु नोले यो जाक्‍ब। नेल्‍ल सक्ति पाइश्‍शो परमप्रभु यावेमी “गो आल्‍फा नु ओमेगा नङ” देंत। आल्‍फा नु ओमेगा माइश्‍शो ग्रीक लोव़मी ङोंइती नु नोले ङा अच्‍छेर बाक्‍नीस। प्रकाश २१:६; यसैया ४१:४; प्रकाश ४:८

प्रकाश 21:22

मिनु गो मेको सहरमी परमप्रभु यावे आ खिं मतङ। मारदे हना परमप्रभु यावे, नेल्‍ल सक्ति पाइश्‍शो परमप्रभु नु पाठा आंमान मेकेर बाक्‍नीस।

प्रकाश 21:7

सु सुमी सैतान कली ग्रानीमी, मेकोम आं देंशो नेल्‍ल ताइनीम। मिनु गो मेको ग्राब आन परमप्रभु यावे दुम्‍नुङ। मेकोपुकी चहिं आं तमी तौ दुम्‍नीम।