२ कोरिन्‍थी 5:9 - Sunuwar Bible

⁹ मोपतीके गो रांम बाक्‍शा हना यो, मबाक्‍शा हना यो, प्रभु कली ग्‍येरपाइक्‍चा दाक्‍नीकी।

२ कोरिन्‍थी 5:9 ပူးပေါင်းရင်းမြစ်များ

उत्पत्ती 4:7

गे रिम्‍शो पाप्‍तीवी हना, गो इ कली मब्राइनुङा ङा? ब्राइनुङ। गे मरिम्‍शो पाप्‍तीवी हना, मुर साइक्‍ब जन्‍तु खोदेंशो पा, पाप इ लाप्‍चोमी बाक्‍ब। मिनु इ कली माल्‍ब। गे इ मरिम्‍शो थुं कली ग्राङो” देंमाक्‍त। गलाती ५:१७; रोमी ६:१२

यसैया 56:7

मेको नेल्‍ल आन कली आं योव़शो डांडाम चाक्नुङमी। आं प्रार्थना पतीक खिं ओंइशा, ग्‍येरपाइक्‍नुङमी। मेको आन चोशा चढ़ेशो नु अरु चढ़ेशो आं कली चढ़ेतीकेम ब्राइनुङ। मारदे हना आं खिं रागी ङा मुर नेल्‍ल आन कली प्रार्थना पतीक खिं देंनीम” देंत। मर्कूस ११:१७

यूहन्‍ना 6:27

राक्‍चा ङा जचा थोव़क कली श्‍येत मपने। मराक्‍चा ङा जचा थोव़क कली चहिं गेय पने। मराक्‍चा ङा जचा थोव़क मार बाक्‍मे देंशा हना, गेना हना यो ब्रोंइशा बाक्‍चा बाक्‍ब। रागीमी जरमेशोमी इन कली मेको जचा थोव़क गेब। मारदे हना आ आफोमी रागीम जरमेशो कली आ छाप थोक्‍ताक्‍व” दे येसुमी शेंताक्‍व। यूहन्‍ना ५:३६

प्रेरित 10:35

मुर आन के जात रागी मारेइ मकोव़थु, आ कली मान पा हिंशा, आ लोव़ टिशा, रिम्‍शो पाइब आन कली दाक्‍शा, नेल्‍ल आन कली ब्राइब, दे मुल रुप्‍ता। यूहन्‍ना १०:१६

रोमी 14:18

गे मोपा ख्रीस्‍त आ गेय पाइतीनी हना, परमप्रभु यावे आ दाक्‍शो नु मुर आन ङोंइती मान ततीक दुम्‍ब।

रोमी 14:8

ब्रोंइतय हना यो, परमप्रभु यावे आ नें ठेयब सेल्‍चा कली ब्रोंइय। बेक्‍तय हना यो, परमप्रभु यावे आ नें ठेयब सेल्‍चा कली बेक्‍य। ब्रोंइतय हना यो, बेक्‍तय हना यो, परमप्रभु यावे आ मुर नय। २कोरिन्‍थी ५:१५; गलाती २:२०

रोमी 15:20

ङोंइतीन ख्रीस्‍त आ लोव़ नेंने थुम्‍शो आन बाक्‍तीकेम, मलङ। मुल सम्‍म ख्रीस्‍त आ नें मनेंशो आन कली शेंनुङमी देंशा, शेंना शेंन गाक्‍ती। २कोरिन्‍थी १०:१५-१६

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

२ कोरिन्‍थी 5:6

मोदेंशो दुम्‍मेनु, ठेयब थुं पाइश्‍शो दुम्‍शा बाक्‍नय। रांमी बाक्‍यानु, प्रभु रे ङोन बाक्‍नीकी। हिब्रू ११:१३

२ कोरिन्‍थी 5:8

गो ठेयब थुं पाइश्‍शो बाक्‍नीकी। गो रां रे ङोन दुम्‍शा, प्रभु नु बाक्‍चा दाक्‍नीकी। फिलिप्‍पी १:२३

एफिसी 1:6

मिनु मेकोमी इं कली आ दाक्‍शो तौ आ पतीक रे मुरुमी मिम्‍ने मचाप्‍चा ङा शिशीम ठेयब सेल्‍चा कली आ तमी तौ सेल्‍तु। मत्ती ३:१७

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

कलस्‍सी 1:29

मोपतीके गो बोल पा शुश गेय पाइनुङ। येसु ख्रीस्‍तमी आं कली मोदेंशो पा आ सक्तिमी गेय पपाइक्‍ब।

१ थिस्‍सलोनिकी 4:1

मिनु आंइ नोले ङा लोव़, आं लोक्‍बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्‍शो तनी, मोपा बाक्‍शा, परमप्रभु यावे कली ग्‍येरपतीन। गेपुकी मेको क्‍येङा यो शुश रिम्‍शो पने।

१ थिस्‍सलोनिकी 4:11

गेपुकी दुशा बाक्‍कीन। आंम खिं ङा गेय ला मिम्‍तीने। आंमान गेय पना पन बाक्‍कीन। मेको इन कली अरेतीक लोव़ पाइतक। १थिस्‍सलोनिकी २:९; एफिसी ४:२८; २थिस्‍सलोनिकी ३:८,१२

१ तिमोथी 4:10

एको लोव़ शेंशा श्‍येत जशा, शेंतीक गेय पाइनय। मारदे हना ब्रोंइचा गेब परमप्रभु यावे कली आस पाइनय। मेको नेल्‍ल मुर आन कली प्रोंइब बाक्‍ब। मोपा थमा सुइक्‍बपुकी पाप रे ब्रोंइचा ताइनीम।

हिब्रू 12:28

मोपतीके गेनायो महिम्‍सीब राज्‍य ओव़चा ताइनय, दे तुइश्‍शा, परमप्रभु यावे कली मान पा ठेयब सेल्‍ना सेल्‍न “गे रिम्‍शो पाइब बाक्‍नीनी” देंशा, ग्‍येरशा आ दाक्‍शो गेय पना पन बाक्‍य।

हिब्रू 4:11

मोपतीके सुइमी परमप्रभु यावे आ लोव़ मटिथु जाम्‍शा मलमल। गो नेल्‍ले नाइक्‍चा ततीकेमी ओव़चा माल्‍य। हिब्रू ३:१६-१९

२ पत्रुस 3:14

आं दाक्‍शो लोक्‍बपुकी, मोदेंशो रिम्‍शा, गल्‍ती मपाइब नु दोस मताइब दुम्‍चा कली शुश गेय पने। परमप्रभु यावेमी इन कली मोदेंशो पशो नु थुं नाइश्‍शा बाक्‍शो ग्रुम्‍चा दाक्‍ब। १कोरिन्‍थी १:७-८