२ कोरिन्‍थी 5:20 - Sunuwar Bible

²⁰ मिनु गो ख्रीस्‍त आ पर्बम मुर आन कली गेय पाइब बाक्‍नीकी। परमप्रभु यावेमी आंइ पतीकेमी मुर आन कली ब्रेप्‍ब। गोपुकी ख्रीस्‍त आ पर्बम मुर नेल्‍ल आन कली “परमप्रभु यावे नु गारब दुमीने” दे शेंनीकी। लूका १०:१६

२ कोरिन्‍थी 5:20 ပူးပေါင်းရင်းမြစ်များ

२ राजा 17:13

मो हना यो परमप्रभु यावेमी आ लोव़ पाइब नु आ कोंइतीक ताइब नेल्‍ल रे पा इस्राएल नु यहूदा ङा मुर आन कली “गे इन मरिम्‍शो लां रे लेतीन। आं शेंशो, आं फुल्‍लुम मुशा ब्रेक्‍शो लोव़ नु इन किकी पिपी आन कली गेशा आं अरेशो नेल्‍ल पने” दे आ गेय पाइबपुकीमी मेको आन कली थाम्‍पा हिंच कोंइपदा बाक्‍त।

२ इतिहास 36:15

मिनु परमप्रभु यावे, आन किकी पिपी आन परमप्रभुमी आ लोव़ पाइबपुकी मेको आन दातेम सोइक्‍ना सोइक्‍न बाक्‍शो बाक्‍माक्‍त। मारदे हना आ मुर नु आ बाक्‍तीक कली शिशी पाइक्‍बाक्‍माक्‍त।

नेहेम्‍याह 9:29

मिनु मेको आन कली इन अरेशो लोव़ गे लेत्‍चा कली, मेको आन कली टिचा शेंदीनी बाक्‍त। तन्‍न मेकोपुकी ठेयब लेश्‍शा, इन शेंतीके काइ मटिथु, इन पतीक लोव़ मपामे बाक्‍त। मुरपुकीमी इन पतीक लोव़ पशो नम हना, ब्रोंइचा ताम वा। तन्‍न मेकोपुकीम इन लोव़ मनेंथु, मटिथु, इन गे आन ची हिरदमे बाक्‍त। लेवी १८:५

अय्‍युब 22:21

परमप्रभु नु गारीन। मिनु थुं नाइक्‍तीन। मो पाइतीनी हना इन रिम्‍शो दुम्‍तीके लेंशा ताइनीनी।

अय्‍युब 33:23

मो हना यो मेको मुर आन दातेमी का कली परमप्रभु आ हजार हजार स्‍वर्ग ङा गेय पाइब कामी वारच पा, मेकोमी ‘मेको रिम्‍शो थुं पाइश्‍शो मुर बाक्‍ब’ देंत हना,

अय्‍युब 33:6

परमप्रभु आ ङोंइती गो यो इन खोदेंशोन नङ। गो यो खप केन सेल्‍शो नङ। अय्‍युब १०:९

हितोपदेस 13:17

मरिम्‍शो लोव़ कुरबमी श्‍येत चाक्‍ब। तन्‍न थमा सुइक्‍चा ङा लोव़ कुरब मुरुम थुं नाइक्‍चा ङा लोव़ चाक्‍ब।

यसैया 27:5

मोदेंशो मदुम्‍त हना, मेको गो नु गारशा, आं कली वारच सेल्‍ब। आं कली वारच सेल्‍ब।

येरमीया 38:20

मिनु येरमीयामी “मेकोपुकीमी इन कली मेको आन गुइम जिम्‍मा मगेनीम। गो इन कली देंशो परमप्रभु यावे आ लोव़ टिने। मिनु इन कली रिम्‍शो दुम्‍ब। इन सोक्‍ती यो ब्रोंइब।

येरमीया 44:4

मो हना यो गो आं गेय पाइब आं लोव़ पाइब आन कली मेको आन बाक्‍तीके सोइक्‍ना सोइक्‍न ‘गो इन कली मेको आं काइ मदाक्‍शो ग्रांग्रा दि‍शो गेय मपन’ देंपाइक्‍तामी। येरमीया २५:४

मलाकी 2:7

चढ़ेबपुकीमी तुइक्‍तीक लोव़ होस पा पचा माल्‍नीम। मिनु मुरपुकीमी मेको आन शेंशो नेंचा माल्‍नीम। मारदे हना चढ़ेबपुकी मुर नेल्‍ल आन परमप्रभु यावे आ सोइश्‍शो लोव़ पाइब बाक्‍नीम। ब्‍यवस्‍था ३३:१०; हाग्‍गै १:१३

लूका 10:16

सुमी इन शेंशो नेंना, मेकोमी आं शेंशो नेंब। सुमी इन कली मब्राइबा, मेकोमी आं कली मब्राइब। आं कली मब्राइबमी आं कली सोइक्‍ब कली यो मब्राइब” दे माइश्‍शा सोइक्‍तीमी बाक्‍त। मत्ती १०:४०; यूहन्‍ना ५:२३

लूका 14:23

मिनु होव़पमी ‘नित्‍तीके मब्रीम सम्‍म मुर आन कली “जाक्‍कीन है, जाक्‍कीन” दे ब्रेश्‍शा चाक्‍मी। मिनु आं खिं ब्रील।

यूहन्‍ना 20:21

मिनु लेंशा येसुमी मेको आन कली “इन थुं नाइश्‍शा बाक्‍कीन। आं आफोमी दोपा सोइक्‍ती, मोपा गो इन कली यो सोइक्‍ताक्‍नन्‍नी” दे माइक्‍तीमी। यूहन्‍ना १७:१८

रोमी 5:10

ङोंइती गोपुकी परमप्रभु यावे आ जोरी सत्रु दुम्‍शा बाक्‍यानु, आ तौ आ बेक्‍शोमीन परमप्रभु यावेमी इं कली आ दाक्‍शो मुर सेल्‍तु। आ दाक्‍शो मुर दुम्‍शा, येसु आ ब्रोंइशोमीन सजाइ जचा रे मब्रोंइया ङा? ब्रोंइतय। २कोरिन्‍थी ५:१८; रोमी ८:७; कलस्‍सी १:२१

२ कोरिन्‍थी 12:10

मोपतीके ख्रीस्‍त आ सक्ति तांइसेक्‍ल, दे मारेइ पने मचाप्‍ब दुम्‍ती हना यो, शुक्‍शी लोव़ पाइक्‍चा पुंइसाक्‍यी हना यो, जचा फेक्‍चा मारेइम मजाक्‍दीत्‍ती हना यो, खेदा पचा पुंइसाक्‍यी हना यो नु दोदेंब श्‍येत गेचा पुंइसाक्‍यी हना यो, आं थुं नाइश्‍शा हेम्‍म पा बाक्‍नुङ। मारदे हना गो मारेइ पने मचाप्‍ब दुम्‍ङानु, सक्ति पाइश्‍शो बाक्‍नुङ, दे रुप्‍ता। फिलिप्‍पी ४:१३

२ कोरिन्‍थी 3:6

मेकोमी आंइ कली जोक्‍ब तुइक्‍ब सेल्‍शा, आ नक कबल ङा लोव़ शेंथ सोइक्‍ताक्‍की। ब्रेक्‍शा ममाइ, तन्‍न आ सोक्‍तीमी गेप्‍तु। ब्रेक्‍शोमी साइक्‍ब, तन्‍न आ सोक्‍तीमी ब्रोंइचा गेब। येरमीया ३१:३१; १कोरिन्‍थी ११:२५; रोमी ७:६; यूहन्‍ना ६:६३

२ कोरिन्‍थी 5:11

गोपुकी प्रभु कली मान पा हिंशा तुइक्‍तीके गो मुर आन कली शेंनीकी। परमप्रभु यावेमी आंइ पशो नेल्‍ल तुइक्‍ब। मिनु गे यो तुइक्‍नीनी, दे आस पाइनीकी।

२ कोरिन्‍थी 6:1

गो परमप्रभु यावे नु गेय पतीके इन कली “परमप्रभु यावे आ शिशी त‍शा, मप्रेंदीन” देंनीकी। २कोरिन्‍थी १:२४

एफिसी 6:20

गो मेको लोव़ शेंचा कली साङलोम फ्रेंशा सोइश्‍शो मुर दुम्‍ती। गेपुकीमी आं पर्बम “महिंथु शेंदल” दे परमप्रभु यावे कली पुनीने। मोपा महिंथु, लोव़ पचा परमप्रभु यावे आ दाक्‍शो बाक्‍ब। २कोरिन्‍थी ५:२०; प्रेरित २८:३१

कलस्‍सी 1:20

परमप्रभु यावेमी येसु ख्रीस्‍त रेन मारेइ मारेइ आन कली आ नु गारपाइक्‍तु। सरीङ नु रागीम बाक्‍शो नेल्‍ल आन कली, शीम केप्‍शा कांटी थोक्‍शा साइक्‍चा पुंइसीशा, आ हुशेमी आ नु गारपाइक्‍तु। १यूहन्‍ना २:२

१ थिस्‍सलोनिकी 4:8

मोपतीके सुमी मेको लोव़ मटीबा, मेकोमी मुर आ लोव़ मटीब ममाइ, परमप्रभु यावे कली मटीब बाक्‍ब। परमप्रभु यावेमी इन कली आ सोक्‍त गेब। लूका १०:१६