२ कोरिन्‍थी 5:17 - Sunuwar Bible

¹⁷ सुइ ख्रीस्‍त आगाम बाक्‍त हना, मेको नक सेल्‍सीशो मुर का दुम्‍ब। ङोंइती ङा नेल्‍ल जाम्‍शा लत। नेल्‍ल नक दुम्‍ने नुप्‍त। रोमी ८:१०; गलाती २:२०; गलाती ६:१५; प्रकाश २१:५

२ कोरिन्‍थी 5:17 ပူးပေါင်းရင်းမြစ်များ

भजन संग्रह 51:10

परमप्रभु, आं थुं क्‍येख सुन खोदेंशो सेलीन। मिनु नक नु ठीक पाइब सोक्‍त गेयीनी। मत्ती ५:८; इजीकीएल ३६:२६-२७

यसैया 45:17

तन्‍न परमप्रभु यावेमी इस्राएल कली श्‍येत रे प्रोंइब। मेको गेना हना यो लीब श्‍येत रे प्रोंइतीकेमी बाक्‍ब। गे गेना हना यो मुने मदोक्‍थु, इन कुल मकिक्‍पाइक्‍नीनी।

इजीकीएल 11:19

मिनु गो मेको आन कली थुं का ङा दुम्‍पाइक्‍नुङमी। मिनु मेको आन आगामी नक सोक्‍त का कुरपाइ‍नुङ। मिनु गो मेको आन फुल्‍लु खोदेंशो थुं ग्रुंइशा, श्‍ये के थुं कुरपाइ‍नुङमी। इजीकीएल ३६:२६; येरमीया २४:७

इजीकीएल 18:31

गे इन आं कली हेंथे पशो नेल्‍ल प्रोंइशा, गे नक थुं नु नक सोक्‍ती ताक्‍कीन। ए इस्राएल आ खिं ङा मुर, गे मारदे बेक्‍चा दाक्‍नीनी? इजीकीएल ११:१९

इजीकीएल 36:26

गो इन कली नक थुं का गेनुङ। मिनु गो इन थुंम नक सोक्‍त का कुर पाइनुङ। गो इन आगा रे फुल्‍लु के थुं ग्रुंइशा, मेको आ पा ङा श्‍ये के थुं कुर पाइनुङ। इजीकीएल ११:१९-२०; येरमीया ३१:३३

मत्ती 12:33

ब्रोव़शो फल सिप्‍ब रवा ख्रुम्‍तीनी हना, ब्रोव़शो फल सिप्‍ब। मब्रोव़शो फल सिप्‍ब रवा ख्रुम्‍तीनी हना, मब्रोव़शो फल सिप्‍ब। फल थाम्‍शा रिम्‍शो रवा बाक्‍म, दे मरिम्‍शो रवा बाक्‍म मेको तुंइसीब। मत्ती ७:१६-१८

मत्ती 24:35

सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो लीब। मत्ती ५:१८; यसैया ५१:६

लूका 5:38

नक शांबु नक थैलोमी कुर पचा माल्‍ब।

यूहन्‍ना 14:20

मिनु आं आफ आ आगाम बाक्‍नुङ। गेपुकी आं आगामी बाक्‍नीनी। मिनु गो इन आगामी बाक्‍नुङ, दे मेना रुप्‍शा तुइक्‍नीनी।

यूहन्‍ना 15:2

आं आफोमी फल मसिप्‍ब राशी आन कली ख्रोइश्‍शा ताइक्‍ब। फल सिप्‍ब राशी कली मेको क्‍येङा शुश फल सिप्‍पाइक्‍चा, दे मुंइशा वोइक्‍ब। यूहन्‍ना १३:१०; १पत्रुस १:२३

यूहन्‍ना 15:5

गो अङगुर बोट नङ। गेपुकी चहिं राशी ननी। सु आं आगाम बाक्‍बा, गो मेको आ आगामी बाक्‍नुङ। मिनु मेकोमी शुश फल सिप्‍ब। तन्‍न गो रे ङोन बाक्‍तीनी हना, मारेइ पने मचाप्‍नीनी। २कोरिन्‍थी २:५-६

यूहन्‍ना 17:23

गो मेको आन आगामी बाक्‍नुङ। गे आं आगामी बाक्‍नीनी। मो पा बाक्‍शोनु, मेकोपुकी गे नु गो खोदेंशो पा का दुम्‍नीम। मो दुम्‍शो तशा, रागी ङा मुरपुकीमी गे आं कली सोइक्‍ताक्‍नी। मिनु गेमी आं कली दाक्‍ताक्‍यीनी। मोपा गेमी आं कली दाक्‍शो बुदी मेको आन कली यो दाक्‍ताक्‍नी, दे तुइक्‍तमेक्‍ल। १कोरिन्‍थी ६:१७

यूहन्‍ना 3:3

मिनु येसुमी “नोफा दाइश्‍शा थमा लोव़ नेनीन, मुर लेंशा, इर रे नक पा मजरमेसाक्‍व हना, परमप्रभु यावे आ राज्‍य तने मचाप्‍ब” देंत। १पत्रुस १:२३

यूहन्‍ना 3:5

मिनु येसुमी “नोफा दाइश्‍शा थमा लोव़ नेनीन, ब्‍वाक्‍कु रे नु परमप्रभु यावे आ सोक्‍त रे जरमेशो मुरपुकी ला परमप्रभु यावे आ राज्‍य ओव़ने चाप्‍नीम। इजीकीएल ३६:२५-२७; मत्ती ३:११; तीतस ३:५

रोमी 16:10

ख्रीस्‍त कली रिम्‍शो पा थमा सुइक्‍ब अपेल्‍लेस कली “रिम्‍शो बाक्‍को” दे माइक्‍चा। अरीस्‍तोबलस आ खिं ङा मुर नेल्‍ल आन कली यो “रिम्‍शो बाक्‍कीन” दे माइक्‍चा।

रोमी 16:11

इं यहूदी जात ङा हेरोदीयन कली “रिम्‍शो बाक्‍को” दे माइक्‍चा। नारसीसस आ खिं ङा प्रभु कली थमा सुइक्‍ब नेल्‍ल आन कली यो “रिम्‍शो बाक्‍कीन” ने माइक्‍चा।

रोमी 16:3

अक्‍वीला नु प्रिस्कीला साइ गो नु गारशा, ख्रीस्‍त येसु आ गेय पाम्‍ताक्‍से। मेको आस कली “रिम्‍शो बाक्‍कीस” देनीन। प्रेरित १८:२; प्रेरित १८:२६

रोमी 16:7

इं यहूदी जात ङा अन्‍ड्रोनीकस नु युनीयस साइ येसु आ नेंमी गो नु जेल्‍खानम बाक्‍शो नसी। आं क्‍येङा ङोंइती मेको निक्‍शीमी ख्रीस्‍त कली थमा सुइक्‍ताक्‍से। ख्रीस्‍त आ सोइश्‍शो आन दातेमी शुश जोक्‍ब दुम्‍ताक्‍से। मेको आस कली “रिम्‍शो बाक्‍कीसे” दे माइक्‍चा।

रोमी 16:9

गोपुकी नु ख्रीस्‍त आ गेय पा उरबानस कली “रिम्‍शो बाक्‍को” दे माइक्‍चा। आं दाक्‍शो स्‍ताकीस कली “रिम्‍शो बाक्‍को” दे माइक्‍चा।

रोमी 7:6

तन्‍न मुल गो अरेशो लोव़ रे ब्रोंइशा बाक्‍नय। मारदे हना गो मरिम्‍शो पतीक आ ग्‍याइश्‍शो रे बेक्‍तय। मुल गो येसु ख्रीस्‍त आ सोक्‍त रे पा नक गेय पाइनय। अरेशो ब्रेक्‍शो लोव़ प्रोंइने थुम्‍तय। रोमी ८:१-२; रोमी ६:२-४

रोमी 8:1

येसु ख्रीस्‍तमी बाक्‍ब आन कली सजाइ मबाक्‍ब। रोमी ३३:३४

१ कोरिन्‍थी 1:30

मेकोमी येसु ख्रीस्‍त आ नेंमी इन कली ब्रोंइचा गेब। मेको इन जोक्‍तीक तुइक्‍तीक, इन ठीक पतीके, परमप्रभु यावे आ मुर दुम्‍तीके नु पाप रे प्रोंइतीके बाक्‍ब। येरमीया २३:५-६; २कोरिन्‍थी ५:२१; यूहन्‍ना १७:३९; मत्ती २०:२८

१ कोरिन्‍थी 13:11

गो आल बाक्‍ङानु, आलम ब्‍वाक्‍स पा ब्‍वाक्‍ती। आलम मिम्‍स पा मिम्‍ताक्‍ङ। आलम पस पा पाता। मिनु कोल्‍शा ठेयब दुम्‍शा, आलम खोदेंशो मपङ।

२ कोरिन्‍थी 12:2

गो ख्रीस्‍त आ मुर का कली तुइक्‍नुङ। १४ बर्स ङोंइती मेको स्‍वर्गम लाइक्‍चा पुंइसाक्‍व। रांम बाक्‍म, कों मबाक्‍म, गो मतुइक्‍नुङ। परमप्रभु यावेमी ला तुइक्‍ब।

२ कोरिन्‍थी 5:16

गो मुल रे मुर नेल्‍ल आन कली रागी ङा मुर खोदेंशो पा मकोव़नीकी। खेयप का गो ख्रीस्‍त कली मुर खोदेंशो पा कोव़तक। मुल मोदेंशो ममिम्‍नीकी।

२ कोरिन्‍थी 5:19

परमप्रभु यावेमी ख्रीस्‍त रे पा मुर आन कली आ नु गारपाइक्‍तु। मेको आन मरिम्‍शो पशो नेल्‍ल प्रेंशा, गारपाइक्‍तीक गेय आंइ कली गेप्‍तु। रोमी ३:२४-२५; कलस्‍सी १:१९-२०

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

गलाती 3:28

मोपा रां का दुम्‍शो आन कली यहूदी नु ग्रीक, वाइल नु होव़प, मीश मुर नु वोंइश मुर मतिल्‍सीब। मेको ख्रीस्‍त येसुम नेल्‍ल खाल का ङा बाक्‍नीम। रोमी १०:१२; १कोरिन्‍थी १२:१३

गलाती 5:6

ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। गलाती ६:१५; रोमी २:२६; १कोरिन्‍थी ७:१९

गलाती 6:15

ख्रोइक्‍तीक चिनु ख्रोइक्‍चा, मख्रोइक्‍चा मेको ममिम्‍तीने। ख्रीस्‍त येसु नु थुं का दुम्‍शा, नक मुर दुम्‍चा चहिं नेल्‍ल क्‍येङा ठेयब बाक्‍ब, दे रुपीने। गलाती ५:६; १कोरिन्‍थी ७:१९; २कोरिन्‍थी ५:१७

एफिसी 2:10

गोपुकी परमप्रभु यावे रे ख्रीस्‍त येसु आ पतीकेमी सेल्‍शो बाक्‍नय। परमप्रभु यावेमी इं कली रिम्‍शो गेय वोइश्‍शो बाक्‍त। मेको पचा माल्‍नय। तीतस २:१४

एफिसी 2:15

दोपा साम्‍तु देंशा हना, यहूदी आन कली अरेशो, शेंशो, फुल्‍लुम मुशा ब्रेक्‍शो लोव़ ङा गेय नेल्‍ल आ रां साइक्‍चा गेशा साम्‍तु। मिनु मेकोमी जात निक्‍शी के जात का सेल्‍शा, नक मुर सेल्‍तु। मोपा दुशा बाक्‍चा गेप्‍तु। कलस्‍सी २:१४

फिलिप्‍पी 4:21

ख्रीस्‍त येसुमी बाक्‍शो थमा सुइक्‍ब नेल्‍ल आन कली “रिम्‍शो बाक्‍कीन” मतीन। गो नु बाक्‍ब लोक्‍बपुकीमी “रिम्‍शो बाक्‍कीन” देंतेक्‍म।