२ कोरिन्‍थी 4:9 - Sunuwar Bible

⁹ गो खेदा पचा पुंइसाक्‍क हना यो, आंइ कली कोव़ब बाक्‍ब। खोल्‍चा पुंइसाक्‍क हना यो, मनुप्‍क।

२ कोरिन्‍थी 4:9 ပူးပေါင်းရင်းမြစ်များ

अय्‍युब 22:29

मारदे हना मेकोमी ठेयब लेश्‍शो लोव़ पाइब आन कली आइक्‍च सेल्‍ब। ब्रेम्‍शो मुर आन कली चहिं प्रोंइब। १ पत्रुस ५:५

भजन संग्रह 129:2

मिनु लेंशा “मेकोपुकीमी गो ठिटा बाक्‍ङा रेन आं कली थाम्‍पा श्‍येत गेतीमी। मो हना यो आं क्‍येङा ग्राने मचबेम।

भजन संग्रह 22:1

आं परमप्रभु, आं परमप्रभु, गे मारदे आं कली प्रोंइयीनी? मारदे गे आं कली वारच मप‍थु, ङोन बाक्‍नीनी। मारदे आं थोशो मनेंनीनी। मत्ती २७:४६

भजन संग्रह 37:28

मारदे हना परमप्रभु यावेमी ठीक निसाफ दाक्‍ब। आ कली मप्रोंइब आन कली नेल्‍ल नाक्‍त गेना हना यो कोव़ब। ठीक पाइब गेना हना यो रिम्‍शो बाक्‍चा ताइनीम। तन्‍न आ अरेशो मटीब आन तमी तौ नु चच युइ तिल्‍चा पुंइसीनीम।

भजन संग्रह 42:11

आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुमी मार पाइबा, मेको रिम्‍दो। मिनु नोले आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब।

भजन संग्रह 42:5

आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुमी मार पाइबा, मेको रिम्‍दो। मिनु नोले मेकोमी आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब।

भजन संग्रह 9:10

परमप्रभु यावे, इन नें तुइक्‍बपुकीमी इन कली थमा सुइक्‍नीम। मारदे हना गे इन कली माल्‍ब आन कली मप्रोंइनीनी।

हितोपदेस 24:16

ठीक पाइब मुरपुकी ७ खेयप गोल्‍तेक्‍म हना यो, लेंशा बोक्‍नीम। तन्‍न परमप्रभु यावे आ अरेशो मटीबपुकी मबोक्‍चा ङा पा गोल्‍नीम। भजन संग्रह ३७:२४

यसैया 43:2

गे ब्‍वाक्‍कु शोक्‍शा, गाक्‍चा माल्‍ते हना यो, गो गे नु बाक्‍नुङ। खोला शोक्‍साक्‍वे हना यो, मेकोम इ कली मयोल्‍ब। मीम गाक्‍शा लवेनु, मेकोम इ कली मजेप्‍ब। मेको मीम इ कली मदाक्‍ब। प्रस्‍थान १४:२१; भजन संग्रह ६६:१२; दानीएल ३:२५-२७

यसैया 62:4

मिनु गे मेना रे ‘ताइक्‍चा पुंइसीशो’ माइक्‍चा मपुंइसीनेवे। इ रागी मुर मबाक्‍तीके रागी माइक्‍चा मपुंइसीब। ‘गो इ कली तशा ग्‍येरसाक्‍यी’ दे नें वोइक्‍चा पुंइसीनेवे। इ रागी ग्‍युंबे पशो खोदेंशो दुम्‍ब। मारदे हना परमप्रभु यावे इ कली तशा ग्‍येरसीब। इ रागी ग्‍युंबे पशो खोदेंशो दुम्‍ब। यसैया ५४:६; यसैया ६०:१५; होसे २:२१

मीका 7:8

मिनु “आं जोरी सत्रु आं कली शुक्‍शी पा मग्‍येरसीन। गो गोल्‍ती हना यो, बोक्‍नुङ। गो छिङछिङम बाक्‍ती हना यो, परमप्रभु यावे आं छेङछेङ बाक्‍ब। ओबदिया १:१२; भजन संग्रह २७:१

हबकुक 3:17

फोव़शी रवा मबोइक्‍ब। अङगुर बोट मसिप्‍ब। तेल रवाम फल काइ मसिप्‍ब। रूमी अन्‍न मसिप्‍ब। गोठीम बी ब्‍यफ नु क्‍यारश भेडा मबाक्‍त हना यो,

यूहन्‍ना 15:20

मिनु ङोंइती गो इन कली ‘होव़प क्‍येङा वाइली ठेयब ममाइ’ देंती। मिनु आं देंशो मिम्‍तीन। मुरपुकीमी आं कली श्‍येत गेतीमी हना, इन कली यो श्‍येत गेनीमी। मुरपुकीमी दोपा आं देंशो लोव़ नेंशा टीमे, मोपा इन देंशो लोव़ यो टीनीम। यूहन्‍ना १३:१६; मत्ती १०:२४-२५

रोमी 8:35

ख्रीस्‍तमी इं कली शुश दाक्‍ब। मिनु सुमी इं कली ख्रीस्‍त आ दाक्‍तीके रे फ्राने चाप्‍बा ङा? सुइमी मचाप्‍नीम। श्‍येतमी, हिंतीकेमी, खेदा पतीकेमी, जचा मततीकेमी, फेक्‍चा मततीकेमी, मुर साइक्‍तीकेमी नु लडाइमी काइ फ्राने मचाप्‍नीम। भजन संग्रह ७३:२३-२६

२ कोरिन्‍थी 7:6

तन्‍न परमप्रभु यावेमी आइक्‍च थुं पाइश्‍शो आन कली आन थुं बारपाइक्‍ब। मिनु तीतस जाक्‍शा आंइ थुं बारपाइक्‍तु। मिनु आंइ थुं बारत। २कोरिन्‍थी २:१३

२ तिमोथी 3:12

सु सु ख्रीस्‍त येसुमी परमप्रभु यावे कली मिम्‍शा, दाक्‍शा ब्रोंइनीमी, मेकोपुकी खेदा पचा पुंइसीनीम। मत्ती १६:२४; प्रेरित १४:२२; १थिस्‍सलोनिकी ३:३

हिब्रू 13:5

क्‍येट चेम्‍चा गे इन थुं महिरदीने। गेपुकी नु मार मार बाक्‍मा, मेको मोशोमीन इन थुं नाइश्‍शा बाक्‍कीन। मारदे हना मेकोमी “गे नु बाक्‍नुङ, मिनु गेनायो मप्रोंइनन” देंब। यहोसु १:५; १तिमोथी ६:६