२ कोरिन्‍थी 4:16 - Sunuwar Bible

¹⁶ ठेयब थुं पा शेंना शेंन गाक्‍नीकी। आंइ रां बेक्‍चशो तांइसाक्‍व हना यो, आंइ थुं चहिं बारना बारन लशो बाक्‍ब। एफिसी ३:१६

२ कोरिन्‍थी 4:16 ပူးပေါင်းရင်းမြစ်များ

भजन संग्रह 119:81

गो आं श्‍येतम इन प्रोंइतीक शुश माल्‍‍नुङ। मिनु गो इन लोव़ ङा लां कोव़ना कोव़न बाक्‍नुङ।

भजन संग्रह 27:13

गो ब्रोंइशा बाक्‍ब आन बाक्‍तीकेमी, परमप्रभु यावे आ रिम्‍शो पतीके ताइनुङ, दे थमा सुइक्‍नुङ” दे लोव़ पाता। यसैया ३८:११

भजन संग्रह 51:10

परमप्रभु, आं थुं क्‍येख सुन खोदेंशो सेलीन। मिनु नक नु ठीक पाइब सोक्‍त गेयीनी। मत्ती ५:८; इजीकीएल ३६:२६-२७

भजन संग्रह 73:26

आं रां नु आं थुं निम्‍फा ग्‍येत्‍थ लुक्‍च दुम्‍शो बाक्‍नीस। तन्‍न परमप्रभु गेना हना यो आं सक्ति नु आं भाग बाक्‍ब। भजन संग्रह १६:५

यसैया 40:29

मेकोमी दाइब आन कली बोल गेब। मचाप्‍ब आन कली सक्ति गेब।

यसैया 40:31

तन्‍न परमप्रभु यावे आ लां कोव़बपुकी नक सक्ति ताइनीम। ककाकुली खोदेंशो पा आन फ्रां प्राक्‍शा बेरशा ग्‍येत्‍थ लाइनीम। मेकोपुकी दोरशा, मदाइनीम। गाक्‍शा यो मथाइनीम” देंत। भजन संग्रह १०३:५

येरमीया 45:3

गे “आबी, आबी, आं कली मार दुम्‍बा। परमप्रभु यावेमी आं श्‍येतम सुर्ता पतीक तेम्‍ताक्‍व। गो हुकयी पना पन दती। गो तेइ नाइक्‍चा मतङ” देंते।

लूका 11:3

नाक्‍त किंत किंत ङा आंइ जचा थोव़क गेकी।

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

रोमी 7:22

गो आं थुंमी परमप्रभु यावे आ अरेशो लोव़ दाक्‍शा ग्‍येरसीनुङ।

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

२ कोरिन्‍थी 12:15

गो दोपा इन कली वारच पा रिम्‍शो थुं सेल्‍चा कली ग्‍येरसीशा, आं थुं गेनन्‍नी, मोपा इन कली दाक्‍चा ङा गेय पाता। मिनु गो चहिं इच्‍का ला दाक्‍चा पुंइसीनुङा ङा? फिलिप्‍पी २:१७

२ कोरिन्‍थी 4:1

गोपुकी नु परमप्रभु यावे आ शिशी बाक्‍तीके मेको शेंब दुम्‍तक। मोपतीके गेनायो आइक्‍च थुं पाइश्‍शो मदुम्‍नीकी। २कोरिन्‍थी ३:६; १कोरिन्‍थी ७:२५

एफिसी 3:16

मिनु गोमी परमप्रभु यावे कली “इन शुश छेङछेङ नु सक्तिम, एफिसस ङा थमा सुइक्‍ब आन थुं बोल्‍यो से‍लीन। मिनु इन सोक्‍त आन थुंमी बाक्‍मेनु, महिंब दुम्‍नीम। एफिसी १:७; एफिसी ६:१०; २कोरिन्थी ४:१६‍

एफिसी 4:23

मिनु इन थुंमी बाक्‍शो माइत सोक्‍त नक सेल्‍चा गेने। रोमी १२:२

कलस्‍सी 3:10

रिम्‍शो पाइब नक मुर दुमीन। परमप्रभु यावेमी इन थुं आ थुं खोदेंशो पा नक सेल्‍ना सेल्‍न बाक्‍ब। मारदे मो पाइब देंशा हना, आंम कली नेल्‍ल तुइक्‍पाइक्‍चा कली मोदेंशो पाइब। एफिसी ४:२४; उत्‍पत्ती १:२६-२७

तीतस 3:5

मेकोमी इं कली मरिम्‍शो गेय रे प्रोंइतु। इं पशो ठीक गेय तशा मप्रोन, तन्‍न आ शिशीमी इं कली प्रोंइतु। दोपा पाप रे प्रोंइतु देंशा हना, इं कली मरिम्‍शो गेय रे चिक्‍शो खोदेंशो पा, आ सोक्‍त आ पशोमी नक मुर सेल्‍तु। योएल ३:१; २तिमोथी १:९; यूहन्‍ना ३:५; एफिसी ५:२६

१ पत्रुस 3:4

मुर आन थुंमी ख्रुइश्‍शो जाम्‍शा मलाइब पांइतीके बाक्‍ब। मेको मार बाक्‍ब देंशा हना, ब्रेम्‍शो नु सिक्‍सी पा बाक्‍तीक थुं बाक्‍ब। मेको परमप्रभु यावे आ ङोंइती शुश रिम्‍शो बाक्‍‍ब।

१ पत्रुस 4:14

ख्रीस्‍त आ नेंमी श्‍येत जाइतीनी हना, आसीक ताइब दुम्‍‍नीनी। मारदे हना छेङछेङ ङा परमप्रभु यावे आ सोक्‍त गे नु बाक्‍ब। मत्ती ५:११; एफिसी १:१३