२ कोरिन्‍थी 3:16 - Sunuwar Bible

¹⁶ तन्‍न सुमी आ थुं प्रभु गे हिरबा, मेको आ थुंमी गिल्‍शो वा हुक्‍सी‍शा, रुप्‍ब दुम्‍ब। रोमी ११:२३,२६; प्रस्‍थान ३४:३४

२ कोरिन्‍थी 3:16 ပူးပေါင်းရင်းမြစ်များ

प्रस्‍थान 34:34

मोसा परमप्रभु यावे नु लोव़ पथ आ ङोंइती लमेनु, लाङगा मग्रूम सम्‍म आ कुल हुक्‍साक्‍व। मिनु नोले ग्रूशा, आ कुल सुम्‍सीशा मेको लोव़ इस्राएली आन कली नेंपाइक्‍तीमी। प्रस्‍थान ३३:८-९

यसैया 25:7

मिनु मेकोमी मेको डांडामी जात जात ङा मुर आन थुं ङा सुम्‍तीके हुक्‍ब। रागी रागी ङा मुर आन सुम्‍तीके हुक्‍ब। मेना मेकोमी मुर आन कली मबेक्‍पाइक्‍ब।

यसैया 29:18

मेको नाक्‍ती नोफा मनेंबपुकी किताब ङा लोव़ नेंनीम। गेना हना यो छिङछिङम बाक्‍ब, मिक्‍च मताइबपुकी मिक्‍च ताइब दुम्‍नीम। यसैया ३५:५; मत्ती ११:५

यसैया 54:13

मिनु परमप्रभु यावेमी इ तमी तौ नेल्‍ल आन कली शेंब। मेको आन थुं नाइश्‍शा हेम्‍मा पा बाक्‍चा ताइनीम। यूहन्‍ना ६:४५

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

बिलाप 3:40

गो आंम कली नाक्‍शा कोव़शा, परमप्रभु यावे गे लेत्‍नय।

रोमी 11:23

मेको क्‍योरशा ताइश्‍शो राशी खोदेंशो दुम्‍शो यहूदीपुकीमी आन थुं परमप्रभु यावे गे लेश्‍शा, थमा सुइक्‍तेक्‍म हना, रिम्‍शो फल रवाम लेंशा केप्‍शो खोदेंशो पा आ मुर सेल्‍ने चाप्‍ब।

२ कोरिन्‍थी 3:15

मुल यो मोसाम ब्रेक्‍शो लोव़ नेन्‍मेनु, आन थुं गिल्‍सीशो बाक्‍ब।

ब्‍यवस्‍था 30:10

गेपुकीम परमप्रभु यावे, इन परमप्रभु आ देंशो टीतीनी हना, आ शेंशो, आ फुल्‍लुम मुशा ब्रेक्‍शो लोव़ नु मेको अरेशो लोव़ ङा किताबम ब्रेक्‍शो लोव़ पाइतीनी हना, गे इन थुं नु सोक्‍त नेल्‍लेमी परमप्रभु यावे, इन परमप्रभु गे लेत्‍तीनी हना, गे लेंशा आसीक राइनीनी।

ब्‍यवस्‍था 4:30

आं देंशो लोव़ मोदेंशो पा दुम्‍शा, श्‍येत जनीनु, गे नोले ङा नाक्‍तीम परमप्रभु यावे, इन परमप्रभु गे लेत्‍नीनी। आं देंशो लोव़ टीनीनी। ब्‍यवस्‍था ३०:२