२ कोरिन्‍थी 3:14 - Sunuwar Bible

¹⁴ मोसामी इस्राएली आन कली परमप्रभु यावे आ देंशो लोव़ शेंदीमी बाक्‍त। मेकोपुकी चहिं मारेइ मरुप्‍ब दुम्‍मा बाक्‍त। मुल यो मरुप्‍ब बाक्‍नीम। साइ ङा लोव़ नेंपदमेनु, मेको आन थुं वाम गिल्‍शो खोदेंब दुम्‍शा, लोव़ मरुप्‍नीम। ख्रीस्‍तमी ला मेको आन थुंमी गिल्‍शो वा प्राक्‍शा रुप्‍ब सेल्‍ने चाप्‍ब। प्रेरित २८:२७; रोमी ११:२५

२ कोरिन्‍थी 3:14 ပူးပေါင်းရင်းမြစ်များ

भजन संग्रह 69:23

मेको आन मिक्‍ची ब्राब्रा दुम्‍शा, मताइब दुम्‍मल। मेको आन ची गेना हना यो गुर ब्‍वेशो दुम्‍ल।

यसैया 25:7

मिनु मेकोमी मेको डांडामी जात जात ङा मुर आन थुं ङा सुम्‍तीके हुक्‍ब। रागी रागी ङा मुर आन सुम्‍तीके हुक्‍ब। मेना मेकोमी मुर आन कली मबेक्‍पाइक्‍ब।

यसैया 44:18

मेको मुरपुकीमी मारेइ मतुइक्‍थु, मरुप्‍नीम। मारदे हना मेको मिक्‍च मताइनीमी। आन थुं मरोक्‍सीशो बाक्‍ब। मेकोपुकी मारेइ मरुप्‍ब बाक्‍नीम।

यसैया 56:10

इस्राएली आन कली कोव़ब मुर मिक्‍च मताइब खोदेंशो बाक्‍नीम। मेको मारेइ मजोक्‍ब मतुइक्‍ब बाक्‍नीम। मेकोपुकी सिक्‍सी पा बाक्‍शा, होक्‍ने मचाप्‍ब कुचुम खोदेंशो बाक्‍नीम। मेको ङोमु तचा, इप्‍चा नु निन्‍द्रा पचा ला दाक्‍नीम। इजीकीएल ३:१७; इजीकीएल ३३:६-९

यसैया 59:10

मिक्‍च मताइब खोदेंशो पा गारो सुल्‍शा गाक्‍नीकी। मिक्‍च मपाइश्‍शो मुर खोदेंशो पा सुल्‍‍नीकी। नाक्‍दो खोदेंशो पा नाक्‍ती यो दाइल पांइ‍सीनीकी। गो बोल्‍यो मुर आन दातेम बेक्‍शो मुर खोदेंशो दुम्‍तक। ब्‍यवस्‍था २८:२९

यसैया 6:10

मेको आन थुं खकटा सेलो। आन नोफा मनेंब नु आन मिक्‍च मताइब सेलो। मोदेंशो दुम्‍शा, मेको आन मिक्‍च मताइब नु नोफा मनेंब दुम्‍नीम। मोदेंशो मदुम्‍त हना, मेको आं गे लेत्‍नीम। मिनु गो मेको आन कली सापाइक्‍चा माल्‍नुङ” देंत। ब्‍यवस्‍था २९:३; रोमी ११:८

येरमीया 5:21

गे मूर्ख नु मिम्‍तीक मपाइश्‍शो मुरपुकी, एको लोव़ नेनीन। इन मिक्‍ची बाक्‍ब, तन्‍न मताइनीनी। इन नोफा बाक्‍ब, तन्‍न मनेंनीनी।

इजीकीएल 12:2

मार लोव़ पाप्‍तु देंशा हना “ए मुर, गे काइ मटीब खिं ङा मुर आन दातेम बाक्‍शो बाक्‍नेवे। मेको आन के मिक्‍च बाक्‍त हना यो, मताइनीम। मेको आन के नोफा बाक्‍त हना यो, मनेंनीम। येरमीया ५:२१

मत्ती 13:11

मिनु येसुमी “इन कली स्‍वर्ग ङा राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍त। तन्‍न मेको आन कली मगेमी बाक्‍त। १कोरिन्‍थी २:१०

मत्ती 16:17

मिनु येसुमी पत्रुस कली “योना आ तौ सिमोन, ग्‍येरसो। मारदे हना इ देंशो लोव़ मुरुमी शेंशो ममाइ। स्‍वर्गम बाक्‍ब आं आफोमी इ कली रुप्‍पाइक्‍तु। मत्ती ११:२७; गलाती १:१५-१६

मत्ती 6:23

मिक्‍च ब्राब्रा दुम्‍शो बाक्‍त हना, इन रां नेल्‍ल छिङछिङ दुम्‍‍ब। इन रां ङा छेङछेङ नेल्‍ल छिङछिङ दुम्‍त हना, शुश छिङछिङ दुम्‍ब। यूहन्‍ना ११:१०

यूहन्‍ना 12:40

मिनु यसैयामी “परमप्रभु यावेमी मेको आन कली मिक्‍च मताइब सेल्‍तीमी। मोपा परमप्रभु यावे कली मतुइक्‍नीम। मेको आन कली मटीब सेल्‍तीमी। मोपा मेकोपुकीमी परमप्रभु यावे आ लोव़ रुम्‍ने मचबेम। मिनु परमप्रभु यावे कली ‘आं कली सापतीन’ दे मपुंइनीम” दे यो यसैयामी ब्रेक्‍शो बाक्‍त। मत्ती १३:१४-१५

यूहन्‍ना 12:46

रागी ङा मुर आन कली परमप्रभु यावे आ पर्बम तुइक्‍पाइक्‍चा कली गो रागी कली छेङछेङ दुम्‍शा जाक्‍ती। मोपतीके सुम आं कली थमा सुइक्‍बा, मेको छिङछिङमी मबाक्‍ब।

यूहन्‍ना 8:12

मिनु येसुमी लेंशा फरिसी आन कली “गो रागी कली छेङछेङ नङ। आं नोले खोइक्‍बपुकी गेनायो छिङछिङमी मगाक्‍नीम। ब्रोंइतीक छेङछेङ ताइनीम” देंत। यूहन्‍ना १:५,९; यसैया ४९:६; यसैया ६०:२०; मत्ती ५:१४-१६

प्रेरित 13:15

मिनु ग्रुम्‍तीक खिं ङा ठेयब मुरपुकीमी मोसा नु परमप्रभु यावे आ लोव़ पाइबमी ब्रेक्‍शो लोव़ पढेपा नेंपाइक्‍ने थुम्‍शा, पावल नु बारनाबास आस कली ब्रेश्‍शा “आंइ लोक्‍ब निक्‍शी, मुर आन कली शेंशा, आन थुं बारपाइक्‍चा ङा लोव़ बाक्‍त हना, शेंदीसे” दे आस कली लोव़ पचा गेमे बाक्‍त। प्रेरित १५:२१

प्रेरित 15:21

परमप्रभुमी मोसा कली ब्रेक्‍पाइश्‍शो लोव़ चहिं तुइक्‍नीम। मारदे हना साइ रे नाइक्‍तीक नाक्‍त इं ग्रुम्‍तीक खिंमी नेंशा तुइक्‍नीम” दे माइक्‍मी बाक्‍त। प्रेरित १३:१५

प्रेरित 16:14

मिनु मेको आन कली लोव़सी पना पन येसु आं लोव़ शेंताक्‍क। आंइ लोव़ नेंब का चहिं थिआटीरा सहर रे जाक्‍शो वा पसल दाइक्‍ब लिडीया नें पाइश्‍शो मीश मुर का बाक्‍त। मेको लिडीया परमप्रभु यावे कली मान पा ठेयब सेल्‍ब बाक्‍बाक्‍माक्‍त। मेकोमी पावल आ लोव़ थम नोफा दाइश्‍शा नेंतु। मिनु प्रभुमी रुप्‍चा थुं गेप्‍तु।

प्रेरित 26:18

मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२

रोमी 11:25

आं लोक्‍बपुकी, आं शेंशो ख्रुइश्‍शो लोव़ रिम्‍शो पा रुप्‍तीनी हना, गे ठेयब मलेत्‍नीनी। योव़सीचा पुंइसीशो अर्को रागी ङा मुर आन कली आ मुर सेल्‍ने मथुमा सम्‍म परमप्रभु यावेमी इस्राएली आन कली येसु ख्रीस्‍त आ पर्बम मरुप्‍ब सेल्‍तीमी। यूहन्‍ना १०:१६

२ कोरिन्‍थी 3:15

मुल यो मोसाम ब्रेक्‍शो लोव़ नेन्‍मेनु, आन थुं गिल्‍सीशो बाक्‍ब।

२ कोरिन्‍थी 3:6

मेकोमी आंइ कली जोक्‍ब तुइक्‍ब सेल्‍शा, आ नक कबल ङा लोव़ शेंथ सोइक्‍ताक्‍की। ब्रेक्‍शा ममाइ, तन्‍न आ सोक्‍तीमी गेप्‍तु। ब्रेक्‍शोमी साइक्‍ब, तन्‍न आ सोक्‍तीमी ब्रोंइचा गेब। येरमीया ३१:३१; १कोरिन्‍थी ११:२५; रोमी ७:६; यूहन्‍ना ६:६३

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

एफिसी 4:18

मेको आन थुं फुल्‍लु खोदेंशो पा खकटा दुम्‍तीके परमप्रभु यावे कली मतुइक्‍ब बाक्‍तेक्‍म। मोपतीके मेकोपुकी छिङछिङमी बाक्‍शो खोदेंशो पा परमप्रभु यावे कली रुम्‍ने मचाप्‍नीम। मिनु मोपा परमप्रभु यावे रे ङोन बाक्‍नीम। एफिसी २:१२