२ कोरिन्‍थी 3:12 - Sunuwar Bible

¹² मोदेंशो आस पतीके गो काइ महिंब दुम्‍शो बाक्‍नीकी।

२ कोरिन्‍थी 3:12 ပူးပေါင်းရင်းမြစ်များ

यूहन्‍ना 10:24

यहूदीपुकी येसु आ एर ओंथ देल्‍शा “गेना आंइ कली ठीक लोव़ पाइनीनी? गे ख्रीस्‍त ननी हना, लोव़ महिरथु, थमा पा देनीन” देंतेक्‍म।

यूहन्‍ना 16:25

गो इन कली कथा खोदेंशो पा शेंताक्‍न्‍नी। नोले कथा पा मशेंनन्‍नी। मेना आं आफ आ पर्बम मारेइ मख्रुइक्‍थु शेंनन्‍नी। यूहन्‍ना १५:११

यूहन्‍ना 16:29

मिनु आ शेंसीबपुकीमी येसु कली “मुल गे कथा पा मशेंथु, मारेइ मख्रुइक्‍थु शेंनीनी।

प्रेरित 14:3

मो दुम्‍शा यो पावल नु बारनाबास शुश नाक्‍त सम्‍म मेकेर शेंना शेंन बाक्‍सा बाक्‍त। ठेयब थुं पा सुइ आन कली तशा महिंथु, ख्रीस्‍त आ लोव़ शेंदसेनु, प्रभुमी चिन्‍ड नु छक लाक्‍चा ङा गेय पचा कली सक्ति गेशा, आस शेंशो लोव़ थमा सेला बाक्‍त। प्रेरित १९:११; हिब्रू २:४

प्रेरित 4:13

पत्रुस नु यूहन्‍ना शुश मशेंसीशो बाक्‍ताक्‍स हना यो, जोक्‍ब तुइक्‍ब खोदेंशो पा महिंथु, ठेयब थुं पा लोव़ पाम्‍से बाक्‍त। मेको लोव़ नेंशा, कछडी पाइबपुकी छक लाक्‍मा बाक्‍त। मिनु मेको निक्‍शी थमा पा येसु नु काथा गाक्‍ब काथा बाक्‍ब बाक्‍सा बाक्‍त, दे तुइक्‍तमे बाक्‍त।

प्रेरित 9:27

बारनाबासमी चहिं सावल नु सोइश्‍शो आन कली ग्रुम्‍पदा बाक्‍त। मिनु लांमी गाक्‍मेनु, प्रभु कली तशो, प्रभुमी लोव़ पशो, दमस्‍कसमी महिंथु, येसु आ नेंमी शेंशा गाक्‍शो, मेको लोव़ नेल्‍ल बारनाबासमी रुप्‍पाइक्‍मी बाक्‍त।

प्रेरित 9:29

शेंना शेंन गाक्‍मेनु, ग्रीक लोव़ पाइब यहूदीपुकी यो ग्रुम्‍मी बाक्‍त। मिनु हिल्‍लो हिक्‍सी पमुमानु, जिचा बोक्‍माक्‍त। मोदेंशो दुम्‍मेनु, सावल कली साइक्‍चा माल्‍मे बाक्‍त।

१ कोरिन्‍थी 14:19

तन्‍न थमा सुइक्‍ब आन ग्रुम्‍तीकेमी बाक्‍शा, मुर आन कली शेंचा नु रुप्‍पाइक्‍चा कली गो १० हजार सोक्‍त आ पशो लोव़ क्‍येङा रुप्‍चा ङा ५ ओटा लोव़ पचा रिम्‍शो लाक्‍ती।

२ कोरिन्‍थी 10:1

गो, ख्रीस्‍त आ ब्रेम्‍शो नु रिम्‍शो पतीकेमी, इन कली शेंना शेंन बाक्‍नुङ। गो इन नेक्‍था बाक्‍शा, ब्रेम्‍शो लोव़ पाइनुङ। तन्‍न गो ङोन बाक्‍ती हना, हुइश्‍शा लोव़ पाइनुङ।

२ कोरिन्‍थी 3:11

ङोंइती ङा जाम्‍शा लाइब कबल छेङछेङ पाइश्‍शो बाक्‍ब। मुल लीशो कबल आ छेङछेङ गिश ठेयब बाक्‍म माइ?

२ कोरिन्‍थी 4:13

साइ ङा लोव़ ब्रेक्‍ब कामी “गो थमा सुइक्‍नुङ। मोपतीके आं थमा सुइश्‍शो नेंपाइक्‍नुङमी” दे ब्रेक्‍शो बाक्‍ब। मोदेंशो ब्रेक्‍ब थमा सुइक्‍तीक सोक्‍त का दुम्‍शा, गो यो थमा सुइक्‍नीकी। मिनु आंइ थमा सुइश्‍शो मुर आन कली नेंपाइक्‍नीकी। भजन संग्रह ११६:१०

२ कोरिन्‍थी 7:4

मिनु इन कली तशा, ग्‍येरसीशा, आं थुं बोरनुङ। आं थुं नाइक्‍सीशा बारना बारन लत। श्‍येत जाता हना यो, इन कली तशा गो ग्‍येरस ङा ग्‍येरस बाक्‍ती।

फिलिप्‍पी 1:14

मिनु प्रभु कली थमा सुइक्‍ब लोक्‍ब शुशेमी आं कली जेल्‍खानमी बाक्‍शो तशा, प्रभु कली थमा सुइक्‍तीक बारपा महिंथु, परमप्रभु यावे आ लोव़ पाइनीम।

फिलिप्‍पी 1:20

गो काइ मुने मदोक्‍नुङ, दे तुइश्‍शा, आस पाइनुङ। मिनु काइ महिंब दुम्‍शा, ब्रोंइती हना यो, साइक्‍तीमी हना यो, मुरपुकीमी गेना हना यो ख्रीस्‍त कली ठेयब सेल्‍मेक्‍ल, देंनुङ।

कलस्‍सी 4:4

रिम्‍शो रुप्‍चा ङा लोव़ पने चाप्‍‍मेक्‍ल, दे यो पुनीन।

१ थिस्‍सलोनिकी 2:2

गोपुकी ङोंइती फिलिप्‍पी सहरमी श्‍येत जशा, मुरपुकीमी आंइ कली शुक्‍शी पाम्‍तेक्‍म, दे तुइक्‍नीनी। शुश शुक्‍शी पाम्‍तेक्‍म हना यो, परमप्रभु यावेमी आंइ कली वारच पाइब, दे थमा सुइश्‍शा, परमप्रभु यावे आ ग्‍येरपाइक्‍ब लोव़ इन कली शेंताक्‍क। प्रेरित १६:२०-२४; प्रेरित १७:१-५

१ तिमोथी 3:13

मोदेंशो पाइबमी थमा सुइक्‍ब आन ग्रुम्‍तीकेमी आंम कली रिम्‍शो नें सेल्‍नीमी। ख्रीस्‍त येसु कली आंम थमा सुइक्‍तीके शुश बारपाइक्‍नीमी।

फिलेमोन 1:8

गो ख्रीस्‍त आ नें आ पर्बम इ कली मारेइ अरेतीक अधिकार तशो नङ।