२ कोरिन्‍थी 3:1 - Sunuwar Bible

¹ गो मेकोपुकीमी लोव़ पशो खोदेंब पा ठेयब सेल्‍सीनीकी ङा? मेकोपुकीमी सिफारीस कागज ग्रुंइनीमी। मिनु गोपुकी यो मोदेंशो कागज कुरशा, शेंना शेंन गाक्‍चा माल्‍नीकी ङा? २कोरिन्‍थी ५:१२

२ कोरिन्‍थी 3:1 ပူးပေါင်းရင်းမြစ်များ

प्रेरित 18:27

मिनु काबु आपोल्‍लोसमी “आकाया रागीमी हिरशा, शेंथ लाइनुङ” देंमेनु, थमा सुइक्‍ब लोक्‍बपुकीमी “दुम्‍ब” देंमा बाक्‍त। मिनु आकाया रागीमी बाक्‍ब थमा सुइक्‍ब आन कली चिठी ब्रेक्‍शा “आपोल्‍लोस इन बाक्‍तीके जाक्‍मेनु, मान पा ब्रने, आ लोव़ नेनीने” दे ब्रेक्‍शा सोइक्‍तमे बाक्‍त। मिनु मेकेर जाक्‍दीश्‍शा, थमा सुइक्‍ब आन कली ग्रुम्‍शा, आन थुं बारपाइक्‍मी बाक्‍त।

रोमी 16:1

केन्क्रेया ङा थमा सुइक्‍ब आन ग्रुम्‍तीक खिंमी गेय पाइब फिबी दिदी आ पर्बम ब्रेक्‍शो बाक्‍नुङ।

१ कोरिन्‍थी 10:33

गो मोदेंशो पा नेल्‍ल आन कली ग्‍येरपाइक्‍चा ङा गेय पचा दाक्‍नुङ। आंम आं कली ममिम्‍सीथु, मेको आन कली रिम्‍शो दुम्‍ल, दे मिम्‍शा, गेय पाइनुङ। “शुशेमी ख्रीस्‍त कली थमा सुइश्‍शा, आ मुर दुम्‍मल” दे मिम्‍शा बाक्‍ती। १कोरिन्‍थी ९:२०-२२

१ कोरिन्‍थी 16:3

मिनु आं जाक्‍ची ना मेको क्‍येट चोव़दीचा कली सु सु कली सोइक्‍चा दाक्‍नीनी, मेको आन कली योव़शा वोतीने। मिनु गो चिठी ब्रेक्‍शा, मेको क्‍येट नु चिठी इन योव़शो मुर कली यरूसलेम चोव़थ सोइक्‍नुङ।

१ कोरिन्‍थी 3:10

परमप्रभु यावेमी आं कली रिम्‍शो दारशो खिं सेल्‍ब सेल्‍ती। मिनु आ देंशो टिशा, खिं ङा जग दोशा, बोल्‍यो पा वोइक्‍ता। मेको जग तारी अरुमी प्रोव़ना प्रोव़न लाइक्‍नीम। मेको प्रोव़बपुकीमी दोपा रिम्‍शो दुम्‍बा, मेको मिम्‍शा गेय पामेक्‍ल।

१ कोरिन्‍थी 4:15

ख्रीस्‍त आ पर्बम अर्ती गेब शेंब मुर शुश बाक्‍मा माइ। तन्‍न इन आफ खोदेंशो मुर शुश मबाक्‍नीम। मारदे हना गो इन कली येसु ख्रीस्‍त आ ग्‍येरपाइक्‍ब लोव़ शेंशा, इन आफ दुम्‍ती। १कोरिन्‍थी ९:२; गलाती ४:१९

२ कोरिन्‍थी 10:12

आंमान ठेयब सेल्‍सीबपुकी नु मगारनीकी। आन पशो खोदेंशो यो मपाइनीकी। मेकोपुकीमी ठेयब सेल्‍सीशा, आंम आन जोक्‍तीक तुइक्‍तीक कोंइमुइनीम। मोदेंशो पशोमी “मारेइ मरुप्‍ब बाक्‍नीम” दे तुंइसीब। २कोरिन्‍थी ३:१; २कोरिन्‍थी ५:१२

२ कोरिन्‍थी 10:18

सुमी आंम कली शेंब सेल्‍बा, मेको कली मब्राइनीम। तन्‍न प्रभुमी शेंब सेल्‍शो कली ब्राइनीम। १कोरिन्‍थी ४:५

२ कोरिन्‍थी 10:8

गो आंइ अधिकार आ पर्बम बोरती हना यो, मुने मदोक्‍नुङ। मारदे हना मेको इन कली खतम सेल्‍चा कली ममाइ। तन्‍न इन कली रिम्‍शो सेल्‍चा कली प्रभुम गेती। २कोरिन्‍थी १३:१०; १कोरिन्‍थी ५:४-५

२ कोरिन्‍थी 12:11

गो निप्‍स ग्राइश्‍शो लोव़ पाइब खोदेंशो दुम्‍ती, दे तुइक्‍ताक्‍ङ। गेपुकीमी मोदेंशो पाइब सेल्‍तीनी। मारदे हना गेपुकीमी आं कली ठेयब सेल्‍चा माल्‍शो, दे तुइक्‍चा माल्‍शो ननी। गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। मो हना यो गो आइक्‍च दुम्‍ती। २कोरिन्‍थी ११:५

२ कोरिन्‍थी 12:19

“पावल नु आ वारचपुकीमी ब्रोंइचा कली लोव़ पाइबाक्‍तेक्‍म” देंशो मिम्‍ताक्‍नी हना, गे दूली मिम्‍ताक्‍नी। आंइ दाक्‍शो लोक्‍बपुकी, गो इन कली शेंशा लोव़ पकानु, परमप्रभु यावे आ ङोंइती जिम्‍मा ब्रशा ख्रीस्‍त आ अधिकार तशा, इन कली रिम्‍शो दुम्‍ल, दे मिम्‍शा शेंताक्‍क।

२ कोरिन्‍थी 2:17

तन्‍न गो परमप्रभु यावे आ लोव़ ग्‍याप्‍ब लेयब खोदेंशो पा मलेयनीकी। गो ठीक पाइब मुर बाक्‍नीकी। गो परमप्रभु यावे आ सोइश्‍शो, परमप्रभु यावे आ ङोंइती ख्रीस्‍त आ नेंमी शेंनीकी। २कोरिन्‍थी १:१२; २कोरिन्‍थी ४:२; १पत्रुस ४:११

२ कोरिन्‍थी 5:12

गो आंइ कली इन ङोंइती ठेयब मसेल्‍सीनीकी। तन्‍न आंइ पर्बम बोरशा, आंम आन कली ठेयब सेल्‍सीबपुकीमी शोव़मी ला गेय पाइनीम। थुंमी मारेइ ममिम्‍नीम। मोदेंशो मुर आन कली लोव़ लेत्‍चा कली आंइ देंशो लोव़ तुइक्‍ब दुमीने। २कोरिन्‍थी ३:१; २कोरिन्‍थी १०:१२